جماعة والله غير grave كيفاش يشوفو البارت 22 يفوطيو 9 وين راهم البقية تقراو وتهربو تنتوما؟!
ヾ(˙❥˙)ﾉヾ(˙❥˙)ﾉヾ(˙❥˙)ﾉヾ(˙❥˙)ﾉ
فجهة خلاف وصلت طيارتو راح كرا دار صغيرة وحط حوايجو مد يدو لجيبو لقا ڨارو زطلة جبد منو جبدة حرقتو دمعة على خدو مين تفكرها وواش دير من بعدو وواش يدير بلا بيها كانت الجانب المضيئ فحياتو وطفا قعد على السرير وتفكر كلام سعاد
"قولو بلي لقيناه قدام الجامع"
هبطو دموعو مابغاوش يحبسو هو يمسح وهوما يهبطو كان متمنيها تواسيه وتضمو لصدرها كيف العادة بصح ياريت جات عينو فالبراسلي زادو هبطو دموعو بكا تقول طفل صغير راحت عليه يماه ربا عليها الكبدة ووالفها كل صباح يصبح على وجها ودوكا هو فبلاد وهي فبلاد علاه مكتابتلهوم يتعدبو علاه فرقتهم الظروف علاه مين حس قلبو خبط جهتها ضاعت من يدو تكمش فالفراش وبكا حتى وجعو راسو حس روحو ضعيف لاول مرة فحياتو مابكا هاكاك تخلطت عليه من كل جهة الناس لي حاسبهم والديه ظهرو ماش والديه ووالديه الحقيقيين طيشوه قدام الجامع ونساو عليه والطفلة لي حلاتلو حياتو خلاها وراه وجا
ناضت فالصباح راسها راح يطرطق من البكاء وعينيها مساغنيين ياربي رقدت ساعة دورت لقات ثركوه ماكانش راحت جارية الخزانة مالقاتوش هبطت جارية لقات يماها غسلتو حطت يدها على راسها وعيطت
هي:مامااااااا علاااااه
دورت ليها معا مفجوعة لقاتها طاحت فالارض وتشهق
سمية:وشبييك بنتي
هي:علاااه غسلتييه علاااه كانت فيه ريحتو علاااه كملتي على واش بقااا علاه
هبطت يماها للنيفو تاعها وضمتها وطاحت دمعتها حالتها تاع ماريا تبكي الحجر والطفل لي اعتبرتو كيما وليدها راح راها قريب فقدت ولادها بزوج نوضتها ودخلتها للصالون جات جداها
فاطمة:وين راكي ياطفلة
سمية:راهي هنا
ناضت وخلاتها مع جداتها قعدت جنبها وتتحسس فيها وماريا غير تبكي جبدتها لحضنها وتصبر فيها
فاطمة:استغفري واستهدي بالله هادا مكتوب يابنتي ولازم نرضاو بيه ومانجهلوش راح يجي اليوم لي يرجع فيه وترجعو كيما كنتو ونجري وراه ونعطيه طريحة بالعصا على لي خلاك وراح
خلاتها تهدى شوية جات يماها قالتلها تنوض تصلي سمعت هدرتها توضات وصلات ودعاتلو وخرجت تبدل الجو فايتة فالحومة شافت وليد تعرفو بلي يتخالطو مرة مرة بصح ديما تقولو بعد عليه علابالها تاع لادروڨ وجماعتها هبطت راسها ومكملة
وليد:ماريا أصبري دقيقة
حبست ودورت ليه
وليد:راح رامي؟!
عملتلو براسها إيه
وليد:كان سقساني يومها اسكو كاين بوطي مروح حلت عينيها على وسعهم
هي:كيفااش تقصد يكوون حرڨ؟!
وليد:ماكانش كاين بوطي بصح يمكن شاف جهة خلاف
حكمتو من كول الثريكو وزيرت عليه
هي:نحبك تعرفلي اسكو حرڨ ولا لالا فهمتت
قالها ايه عارف حالتها وفاهمها وعادرها يعرف شحال مقربين
هو:مانيش حاب نكمل عليك بصح مانضنش يكفوه دراهم الزطلة ويعيشوه (ماعلابالوش بلي كان يخدم)
كانت رايحة عاودت دارت تستوعب وراح تضربو بكف حكملها يدها
هي:اوزن كلامك رامي ماش تاع هاذ الصوالح
تفاجأ من واش قالت ماكانش علابالو بلي مافيبالهاش كان يشوفهم مقربين كان حاسب مايخبيهاش عليها بصح كيفاش يقولها بلي يبزنس فالزطلة راح تقتلو
طلقتو بعد
هو:ماكانش عندو حل خلاف الظروف حتمت
هي:ماكانش حاجة سمها ظروف كاين قلت الحيلة وضعف الإيمان
هبط راسو وليد وهي تعمرو عينيها بالدموع زادت كرهتو كتر بالزيادة على واش دار فيها و راح وخلاها ظهر يخالط الزطلة وفوقها ماصارحهاش
ماشية ودموعها ويدان مابغاوش ينشفو حست بالدوخة لعبت عليها ورجليها ماهزوهاش وجسمها ثقال وطاحت
فاقت فدارهم فالصالون ويماها وباباها وجداها وجارهم "ياسر"
دايرين بيها
هي:واش صرا
محمد:طحتي فالطريق وجابك ياسر
حركت عينيها تشكر فياسر وناضت
هي:نطلع لشمبرتي
سمية:اتولهي على روحك
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
