ناضت فالصباح على صوت الثلفون هزت بالنعاس
هي:الواحد خاصو يشكي والله ماتخلوش الواحد يرقد ياو هاذا حقي انااا خلونييي خلووني 😭 نرقد
رامي:نوضي يا الشكارة راني حكمت رونديفو عند طبيبك على:9:30 وراهي 8:45 ازربي راني لتحت ماتطوليش
هي:اففف علااه
هو:راح نحددو الرونديفو تاع لوبيراسيون يالبغلة
هي:افففف خلاص خلاص
هو:ربك ماتصمطيش راح نخرجلك من الثلفون ازربي ولبسي هاذاك ال boyfriend ولا كي سموه
هي:ا كي أوكي كاش ماتحتاج خلاف مسيو؟!
هو:نرمالمون غير هاذو
كوبات ناضت غسلت وجهها ولبست وراحت تفطر
سمية:اااه الله يباارك على بنتي ماشاء الله احسن قرار ديتيه ربي يثبتك نشالله
وازربي راكي مليحة مطول بالو معاك الطفل
هي:صح
قعدت تخمم فالحكاية حاسة روحها مثقلة عليه ورابطاتو معاها حاسة روحها عبأ عليه ناضت وهزت ساكودو وخرجت غير شافها حل فمو طاقة وضحك ضرسة العقل بانتلو ولا يضحك مامأمنش وقدم ليها
هو:قطووسة تحجبتيي؟!
هي:لالا قلت نخرج ندير عرض الأزياء بهاد الحوايج
هو:مانيش مأمن راكي شابة بزااف عمري
هي:حشمتني😆
هو: كيفاه وقتاه كيفاه ديسيديتي؟! فريمون احسن قرار درتيه فحياتك
هي:هههه مرسي ياك طاعة ربي قبل كلشي درتها باش نرضي ربي والسترة مليحة واون+ماعرفناش وقتاه يحكم علينا ربي نحب يكون ربي راضي عليا وباش يرتاح بالك ماتعودش تغير😒
دمعو عينيه عض على شفايفو وقرب باسها من راسها
هي:ياخرا راح تجي دالتها هاذي تانيك
هو:مافهمتش
هي:البوسة
هو:راح نتزوجو وماتحتاجيش تتحجبي وتبعدي مني😉
هي:😆😆
هو:بوزينو الحشام ااا تعطلنا ازربي
راحو يجريو لقاو دالتهم كيما لحقت دخلو وقعدو دارلها الطبيب لافيسيث ورجع قعد
رامي:إيه نشالله حددتو وقت لوبيراسيون
الطبيب:منا على 7 أيام
رامي:ماشيي بزااف طويل الوقت
الطبيب:اقرب موعد للأسف راح تروحو قبل الوقت باش يعرفو حالتها ويقولولكم البورسونطاج تاع النجاح تاع العملية تروحو على الأقل بيومين قبل
كتبلهم المعلومات فورقة
ماريا:يعطيك الصحة
هو:نتمنالك الشفاء
هوما:ان شاء الله
خرجو ورايحين ساكتين كسرت هي السكوت
هي:رامي بغيت نحبسو
هو:ماريا ماتبدايش راح نتقود ومايعجبك حال بلعي فمك ماتزيديش تجبدي هاذ السيرة قدامي
هي:مابغيتش نكمل معاك
هو:بلعي
ماريا:لازمتك تحترم رغبتي انا مابغيتش مارانيش محتمة عليك
هو:نتي مرتي المستقبلية وانا باغي نتحمل مسؤولليتك ساليني
هي:أنا تانيك عندي كلمة قلتلك خلاص لي بيناتنا
هو:ماتكونيش معقدة وخوافة هاكااا قلتلك بلي راك نكملو وتبراي ونتزوجو وانا راني واقف معاك للخر ونقعد نبغيك بشعرك ولا بلا شعر ماهامني والو وحتى مصاريف العملية راح نتقاسمهم مع باباك ماراحش يقدر يأمنهم وحدو
هي:لا.....
هو:بلعي ماطلبت رايك حتى فحاجة
هي:🙁🙁
كملو طريقهم ساكتين وصلو قدام الدار
هو:اللعشية نتلاقاو خبري ماماك
هي:وين
هو:تسقسي بزاااف أيا تشاو
دخل وخلاها وهي كيف كيف
ماريا:السلام وعليكم جعت كاش ماكلة
سمية:أهلا بيك كاين واش تحبي تاكلي درت محاجب والرشتة
تبسمت علابالها تدير هاكا باش تفرحها وتنسيها غسلت يديها وراحت قعدت مع عايلتها على الطابلة
محمد:ربي يحفضك بنتي تحجبتي
هي:يعيشك
هو:كيفاه تحدد الموعد؟!
هي:بعد سمانة ونروحو قبل بيومين والبري******وهامليك المعلومات قاع فهاد الورقة
محمد:مليح
ماطولش على الطابلة وناض علابالها موضوع الدراهم فراسو طلقت المغرف
ماريا:بصحتكم شبعت
فاطمة:من وقتاه تراطي الرشتة
هي:شبعت برك
ناضت وطلعت لبيتها غلقت الباب وقعدت العملية متكلفة بزاف وباباها ماعندوش منين يامن المبلغ ورامي مابغاتش تدخلو فالحكاية
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
