السلام وعليكم وعليكم السلام صافا مام أنا صافا الحمد لله الدار صافا حتى حنا صافا أيا نبداو
إيه تفكرت مازالك مامأبونياتينيش مافهمتش واش تستناي وروحي فوطي كي الفحلة قبل ماتقراي أيا صحيتي يالله قراءة ممتعة
ヾ(˙❥˙)ﾉヾ(˙❥˙)ﾉヾ(˙❥˙)ﾉヾ(˙❥˙)ﾉ
خدمت واش قدرت مع يماها وفالعشية قررت تروح تحوس على خدمة بصح مالقاتش راحت دارت شوبينغ شرات حوايج بدلت ستيلها وهي راح تدخل لدارهم لقاتو قدام الباب حاط رجل على الحيط ورجل فالأرض نسفت باسكو آخر واحد باغية تقابلو دوكا جات تجوز عليه رولو وتفتح الباب حكمها
رامي:لازم نهدرو
هي:عيانة دوكا
نحالها المفتاح وفتح الباب حط القضيان لداخل
رامي:ماما سمية رانا برا
خرج حكمها من يدها ويكركر فيها داها لأقرب جاردان وهي تفارع فيه يطلقها مابغاش حتى وصلو
هو:فسريلي واش بيك وعلاه تتعاملي معايا هاكا دوووك وواش رحتي ديري ؟!وعلاه ماقلتيليش انا نحوسلك على خدمة؟!
هي:هاذو كامل مايهموكش
هو:ماريا ماتجهلينيييش كيفاه مايهمونيش تبدلتي عليا بزااف كرهتيني ماريا؟!
هي:إيه
هو:شوفي فعينيا وقوليها وراح نخطيك
تزايدو نبضات قلبها وحست الدموع بداو يتجمعو حكمتهم بالسيف
هي:مابغيتش نهدر معاك
دورت وراحت جارية راجعة للدار نسف واستغفر يحاول يلقا عذر يخليها تكرهو وهي ماكانتش تحب تخليه دقيقة عند الفكرة هاذي زاد فضولو يعرف لحقها للدار هي راح تغلق الباب حط رجلو طلقتها وطلعت لبيتها جارية بكل سرعتها طلع وراها الدرجة ب3 درجات هي حطت يدها على الباب تغلقها طبعها فتحها ودخل وغلقها بالمفتاح ونحاه حطو فجيبو
هو:نسحق تفسييير دوك
هي:ماكان حتى تفسير مانيش باغية نهدر معاك
هو:علااه مابغيتيش تهدري معااي علااه كاش مادرتلك شفتي مني كاش حاجة ؟! قوليلي
دمعو عينيها
هي:ر.امي ادي واش تحتاج وروح
حكمها من يدها
هو:نتي واش نحتاج
(😭😭تسما أنا ماكان والو ماكانش ل ييقولهالي)
تبكشت وقواو دموعها كان راح يحضنها طبعتو
هو:كرهتيني يلا تكرهيني قوليهالي شوفي فعينيا وقوليها
شافت معاه بعينين يبرقو وشفرتين مشمخين عينيها لي بحال الليل يبرقو بالدموع غمضتهم وتنفست فتحتهم وشافت فعينيه
هي:مابقيتش نحبك
دخلت فقلبو كيف السكينة قطعتو طراف
هو:تكرهيني؟!
شافت فعينيه مطولا وكأنها تودع فيهم وقالت بصوت فيه غصة
هي:ن.ك.ر.هك
قعد يضحك بهستيريا باسكو ماباغيش يبكي قدامها يحاول يخبي دموعو ووجيعتو بصح ماقدرش حتى واحد مايقدر يتحكم فمشاعرو برقو عينيه مسحهم بالزربة
هو:أوكي
خرج من تم محطم للخر آخر حاجة كان متوقعها فحياتو انو تقولو نكرهك شي يوم
غلقت الطاقة وسندت للحيط وطاحت فالأرض حطت يدها على قلبها حاساتو يوجع تاع الصح وطلقت العنان لدموعها وشهقتها تبكي وتعيط وتشهق بغات يخلص كلش ولا تنحي قلبها من بلاصتو المهم تتهنا من هاذ العذاب هاذا واش بغات فتحت يماها الباب بالدوبل تاع المفتاح ودخلت عندها مفجوعة قعدت حداها وحضنتها
ماريا:مااامااا قلبي واجعني عاونيني ماما راح نمووت
الله يخليك عاونيني
قعدت تهدي فيها وتقرالها فالقرآن حتى ركحت ناضت توضات ولبست حوايج الصلاة وصلات وقعدت تدعي وتبكي تشكي لربي فهمها غير هو لي قادر يخفف عليها هزت المصحف وتقرا غلقتو وناضت حطت راسها على وسادتها ماجاهاش النعاس مابقاش يدور جهتها هاذ الآونة لبست حاجة خفيفة عليها وهبطت خرجت للجاردان وقعدت وتتفكر فذكرياتها معاه مرة تبكي مرة تتبسم
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
