💞He Is My Boy💞باللهجة الجزائرية

⁦(✿ ♡‿♡)⁩15⁦(✿ ♡‿♡)⁩

تبسم مين تفكرها هز ثلفونو وبعتلها مساج فلانسثا
هو:{قطوسة ياك مارقدتي}
هي:{لالا راني نقرا}
هو:{مليح}
هي:{واش المليح فيها}(بعتتو مساج فوكال بالعياط)
هو:{ياك شهر ونتي خلصتي وجدي مليح برك شهر وتتهناي}
هي:{علاه شكيتلك همي؟}
هو:{ها مالك حبيت نصبرك برك واش بيك ماراكيش مليحة راكي زعفانة}
هي:{مارانيش زعفانة راني هايلة}
هو:{علاه زعفانة}
هي:{واااش دخلللك}(مساج فوكال سيلتلو الدم من وذنو)
هو:{وذني مارياا وذنيي}(مساج فوكال بالعياط)
هي:{تستاهل}
هو:{واش درتلك أنا؟}
هي:{ههه واش درتلي ياك والوو والو مادرتلي تحب نخرجلك من الثلفون ولا من الطاقة؟}
هو:{حتى وحدة نقلك حاجة اتغطاي ورقدي مين تبردي نهدرو القراية لعبتلك على المورال}
هي:{ماكان حتى واحد يلعبلي على المورال قدك}
هو:{ااهاكااا واش بيك والله سيريو وشبيك}
هي:{قلت لجدك والو ماتفهمش إيه حقا جاني الفضول نعرف مجرد فضول يعني شكون الكلبة الرخيصة لي دايرتلك جادور}
هو:{هههههه قوليها من الأول هههه راني نشم فريحة الغيرة}
هي:{انا نغيير بركاك من الجياحة رامي ياخي حالة اتهردو}
هو:{هممم امنتك}
هي:{مافهمتش برك علاه تحط فلافوطو تاعك بلا ثريكو طارازان نتا؟!ولا حي بن يقضان؟! ولا بنو عرياان؟!}
هو:{يابنتي فالبحر بغيتيني نعوم بالثريكوو؟}
هي:{وشكون قالك حط تصويرتك}
هو:{ياربي استرنا منك ومن زعافك وغيرتك أصلا ماشفتهاش بلي دايرة جادور}
هي:{نشالله يتعماو عينيك قبل ماتشوفها}
ديزاكتيفات الويفي وغلقت الطاقة وطفات الثلفون وتغطات ورقدت ولا بدات الحديث الروحي تاعها
هي:نشالله يتحرقو فجهنم كيف كيف ولا لالا كل واحد وحدو نغير افف واش دخلني قالو نغير هه علاه نغير اخطيك منهم ي$&€€¢ ياسيدي هه أربحي راحتك

بعد 0.001 ثانية 😂:
هي مجددا:هه نشالله ماتشوفوش الربح ومايدورش جهتكم ياكلاب نشالله حجرة فالكلاوي يا وجوه الشر اخطييك قلتلك علاه تحرقي فأعصابك

بعد 0.001 ثانية 😂:
هي مجددا:وزيد يقولي روحي ترقدي يليكيدي فالوجه عيني عينك راه يهدر معاها دوكا باينة بايينة

هزت الثلفون شعلتو وعيطتلو بالماسكي هز عليها بصوت ناعس
هو:كوبي مانيش ocuppé😂
هي:مانيش ماريا
يايماا على حمارة واش قلتي
هو:😂😂الحمار يظل حمار
حست وجهها طلعتلو السخانة عاودت طفات الثلفون وغطات
هي مجددا:هه راه يهدر معاها فالfb غبرتلك باينة

الليل كامل وهي تدوي كي الموثور بسيف باش رقدت

دخلت سمية تعيط
سمية:نوضي يالخاملة نوضي
جبدتلها الغطاء وطبعت الريدو وفتحت الطاقة غطات وجهها بالوسادة
سمية:راكي خمرتي بالرقاد نوضي تروحي تقراي لافاك هملتيها خلاص واقيل والفتي القعدة فالدار الراحة والسياحة نوضيي منتم

هبطت نحات الوسادة من على وجهها مابقاش رقاد سمية يلا نوضتك تحرملك رقادك باش تروح غسلت وجهها ورجعت للبيت حطت يديها وطلعت الثريكو تسمع فصوت
رامي:احم احم
كانت عاطياتو بالضهر ولابسة غير بوستيي ماقدرتش تدور بالحشمة بصح الزعاف سيطر عليها هزت الثريكو وتيراتو عليه
هي:ماتحشمش علاه داخل
هو:وانا وين ريتك مولف ندخل استري روحك ولا مانضمنلكش العواقب
حمر وجهها كتر وراحت تطبعو من الطاقة نقز لداخل للبيت وقدم منها بالشوية وهي غير راجعة للور قلبها قريب خرج من بلاصتو ونفسها حستو راح ريحتو اخترقت نيفها ونفسو السخون يضرب فوجهها