💞He Is My Boy💞باللهجة الجزائرية

⁦(✿ ♡‿♡)⁩08⁦(✿ ♡‿♡)⁩

االيوم التالي⁦(☉｡☉)!→⁩⁦(☉｡☉)!→⁩

ناض بكري يوجد فروحو فرحان بخدمتو الجديدة راح باسها من خدها وهبط لتحت سلم على راس سمية حطتلو فطر ودعاتلو راح لخدمتو العنوان لي مدلو موحة لقاها شركة كبييرة باين لاباس بيهم دخل لداخل سقسا دلوه على البيرو تاع المرأة قرقب قالتلو تفضل دخل لقا مرأة فكامل أناقتها تجي تاع الربعينات الهبة كون جات بنادم قالتلو يقعد وهي قعدت فكرسيها
هي:على السلامة
هو:الله يسلمك
هي:إيه كيما فهمك السي محمد خدمتك راح تكون سائق وبودي ڨارد فنفس الوقت غير فالويكاند باسكو عندي واحد فالأيام العادية غير الويكاند مايقعدش عندو ظروفو الخاصة مايقدرش يخدم راح نمدلك خلصة قبل الوقت
هو:لالا مانحتاجش خلصة قبل الوقت كلشي فوقتو حلو حتى نخدم خدمتي باش ندي صواردي
هي:الله يبارك يرحم اليدين لي رباوك
هو: امين
هي:كيما تحب بصح راح نخلصك اللعشية بعد ماتخلص خدمتك مالة
هو:أوكي
هي:يالله نهبطو اديني للدار دوكا ف***** واستناني تماك عندي خرجة بعدها
هو:أوكي
هو فطريقو لدارها وثلفونو صونا كوبا زاد عاود صونا
هي:ماعليش تقدر ترد ماعنديش مشكل
هو:صحا
هز عليها كانت ماريا ماصبرتش نص نهار بلا بيه
هو:أهلا قطوسة توحشتك
هي:أنا تاني واش دير على شحال تخرج
هو:راني نسوق نخرج فالعشية..
هي:اكزاكث
المرأة:16:00
هو:16:00
هي:مم مليح اتهلا فروحك رموشي
هو:ونتي تاني بلوطة
هي:نخرجلك من الثلفون
هو:ههههه خلاص ماهدرتش
كوبا عليها وشاف فالمرأة فالطروفيزور تتبسم
هي:خطيبتك؟!
هو:هه لالا أمي برك
ماينكرش بلي عجبتو يقولولو عليها خطيبتو تبسم بلامايحس ومبعد فاق لروحو فواش يخمم وصلها للدار وهبط من الطوموبيل ويستنا فيها شاف مرأة تخزرلو من بعيد تجي فالخمسينات لابسة لبسة تاع خدامات تخزرلو فخزرات غريبة توسوسلها بصح مابينش عيطتلو المرأة يشد عليها قضيات قدم يشدهم شاف فالخديمة تعمرو عينينا بالدموع حار
رامي:راكي مليحة خالتي ؟!
زادو قواو دموعها ويدان قدم ليها عيطتلو المرأة الاخرى"رانيا"
رانيا:ارواح شد عليا تعيش أنا نهدر معاها
راحت بعدت رانيا شوية وتهدر معاها وعاودت رجعتلو
هي:ماعليش ماتلومهاش شبهتك لواحد عزيز عليها مات
تأسف وحكم عليها وراح حطهم فلامال وركب وهي كيف كيف قالها وين نديك قالتلو للميتم طمأنلها كتر باينة المرأة تعرف ربي فتحلها الباب وهبط وراها حبس عند باب الميتم وهي دخلت بعد نص ساعة خرجت زاد ردها للشركة وفالعشية داها لدارها مدتلو الخلصة
رامي:وشنو هاذا مدام هاذا ماش حقي
هي:لالا حقك
هو:أنا مادرت والو غير سقت برك
هي:مادامك قبلت الخدمة مانقبلش اعتراض
جبدت يدو وحطتهوملو ودخلت شاف فيهم المبلغ كبير على مايستحق خباهم فالجيب ومشا دخل لمحل فضة وعاود خرج راح للدار فتحتلو ماريا ونقزت عليه
هو:اااي فرخة طيحتيني
هي:ههه توحشتك رموشي ادخل
بعدت عليه هبط باسها من خدها وسلم على راس سمية قالتلو اغسل يديك وارواح تاكل