💞He Is My Boy💞باللهجة الجزائرية

⁦(✿ ♡‿♡)⁩21⁦(✿ ♡‿♡)⁩

هااي ڨايز ام سوو سوري علابالي طولتت وبزاف تاني ماكانتش عندي كونيكسيون المهم هاني جيت يالله نبداو
⁦ヾ(˙❥˙)ﾉ⁩⁦ヾ(˙❥˙)ﾉ⁩⁦ヾ(˙❥˙)ﾉ⁩⁦ヾ(˙❥˙)ﾉ⁩

فتحت يماها الباب دخل أنيس مايضويش حلت فمها ماريا ماش موالف يجي فهاد الوقت
انيس:تسما ختي الوحيدة مريضة وقريب دير اوبيراسيون وأنا اللخر لي يعرف بمرضهاااا(بالعياط)
سمية:يعيشك ولدي اركح علابالنا قرايتك ماتخليكش تجي والحالة مزيرة
هو:هادي ختييي ماكان لاقراية لا والوو هاذا وين تقولولي ؟!
هبطت عينيها وراحت جهتو بخطوات ثابتة وعنقتو
هي:خلاص ماصرا والو المهم جيت تشوفني
هو:راكي مليحة ختيتو؟
هي:هايلة ڨاع جا خويا من فرانسا وخلا قرايتو ومانكونش  مليحة
هو:🙁قصدي على مرضك
هي:راني مليحة ماتتقلقش عليا
هو:وقتاه نروحو
هي:لالا خويا لازمتك ترجع راح يقصوك وتخسر عام من قرايتك لازم ترجع فأقرب وقت كاين ماما وبابا وحتى رامي واقف معاي مانخصيت من والو
انيس:شحال عندي من ماريا خلي يروح العام مايهمش المهم نتي تبراي وترجعيلنا سالمة
ماريا:يخليلي خويا لي يحبني بصح حتى شئ ماراح يتبدل كون تجي بالعكس راح يتشغل بالي عليك ومارانيش باغياتك تخسر عامك بسبابي نتا غير ارجع باش نتهنى انا
هو:ارواحي عندي
زاد عنقها وباسها من راسها
هو:يلا احتجتي اي حاجة عليك تعيطي ثلفون برك ويلا زعفوك ولا حقروك راني حاضر بالاكي تنساي
هي:حاااضر
هو:مليح رامي فدارهم؟
هي:إيه
هو:راني رايح نهدر معاه ونرجع فالطيارة تاع 4:00
هي:أوكي
راح لدار رامي سلم على سعاد دخلتو لقاه لفوق
رامي:أووو شكون جاا على السلاامة ياخو
أنيس:الله يسلمك سافا
تعانقو وقعدو
انيس:حتى سمعت اليوم ومابغاتنيش نضيع العام قالتلي رجع لفرانسا المهم بلا مانوصيك اتهلا فيها
رامي:حتى توصيي؟! أصلا رايح معاها
انيس:ااه للالمان؟!
رامي:إيه باينة مانخليهاش وحدها نتا غير ارجع مهني ماتضيعش عامك حنا معاها وراح نطمنك عليها راح تبرا وترجعلنا نشاء الله
انيس:نشالله ياربي
رامي:يالله نوصلك
وصلو لباب ورجع وانيس راح قعد حطتلو سمية كلا وطلع يشوفها فبيتها دخل بلا مايدير الحس لقاها غارقة فثلفونها خطفهولها من يدها ناضت بالزربة تنحيهولو قعد يطلع فيه
هو:لا وصلتيه ديه
هي:تعييش انيس ردهولي
هو:مالك؟!
هبط الثلفون وشاف لاكونفارساسيون غير قلوبة شاف لفوق مكتوبة "حبوبي" جن ضربو لراسو
هو:شكون هاذا؟!
هي:ا..ني..س
هو:شكووون هاذاااا(بالعياط) دارنا علاباالهم انا علابالي شكوون هاذا لي تهدري معاه هاكااا
كانت لاكونفارساسيون لي بيناتهم فاللخر هاكا
هو:{نحبك ⁦♥️⁩ عمري تصبحي بخير}
هي:{حتى انا نموت عليك}
هو:{روحي مانحبش نخليلك vu روحي نتي قبل}
هي:{هههه صايي رحت عمري⁦♥️⁩}
هو:{يالله بونوي الكبدة}

ماريا:هااذ..ا ر..(غلبوها دموعها وخافت منو }
هو:شكوووون
هي:راامي
هو:تسما راكم كيف كيف وهاذي تانيك ماعلاباليش بيها من وقتااه هاذي شحال عندكم وانا راقد على وذنيا حسبتكم كيف الخوت
هي:ماش بزااف سمحلي
شافت فيه تستنى اجابة
هو:إيه وواش راه يستنى تقعدو هاكااا؟!
تبسمت من الشط للشط فتحلها يديه وعنقها
هو:علابالك بلي أنا معاك فكل خطوة ديريها برك متخبيش عليا ورامي نعرفو مليح راجل وعليه الكلام وعلاهادي ماراحش نزعف منك (أنا تروميلاصيو خويا بأنيس الله يسهل بدلولي ڨريندايزر لي عندي فالدار🙄جيبولي واحد متفهم ماش مين مانقليلوش زوج بيضات يعلقني من شفاري)
هي:إيه
هو:راح نهدر معاه نقولو يجي ماتقعدوش هاكا
هي:لالا تعيش غير ماكالاه
هو:علاه
هبطت راسها
هي:راك تعرف مرضي وڨاع معليه يبان كلشي ومبعد ساهلة يعني ماكالاه يتحطم كتر كون تصرا كاش حاجة
انيس:واش هاد الهدرة ماريا لي حبيتي بصح ماتقوليش هاكا ماراح يصرالك والو
هي:نشااله
هو:تصبحي بخير
هي:طريق السلامة خويا
هو:مرسي
هبط يرقد شوية السوايع لي بقاولو وهي كيف كيف دخلت لفراشها وهزت الثلفون كانت راح تبعتلو مساج تفقولو اسكو رقدت لقاتو غالق فهمت بلي رقد وصح كان رقد قعدت تخمم ماجاهاش النوم تخمم فحياتها مع رامي مابغاتش تعطيه آمال زائفة يعني كيما قادرة تبرا قادرة تموت كانت باغية تكرهو فيها باش يبعد وحدو بصح مابعدش هزت الثلفون وبعتت مساج
هي:{رامي نتا مالازمكش تقعد معاي لازم تشوف وحدة غيري تكون لاباس بيها فصحتها }
زادت واحد
هي:{ماتقعدش تتأمل فحوايج ومبعد يروح كلش راح تتعذب صدقني }
هي:{يمكن ماراحش تقعد تحبني راح ينحولي شوية من شعري ويمكن راح نقعد كل مرة نرجع نحي هاذ الورم وكاش نهار يقولولك بلي خلاص المرض انتشر وراح يقضي عليا غير استناو الساعة وقتاه توصل مابقالهاش وتموت وكون نقعد مريضة يمكن راح تتحرم من نعمة الأولاد ويضيعو احلامك كامل بسبتي}
هي{ أنا راني راضية غير روح بني حياة جديدة مع وحدة خلاف انت واحد ماكانش كيفك قلبك كبير وحنين وراجل تستاهل ما خير مني }
تكتب وتبكي ماتخيلتش يجي نهار وين هي تقولو شوف وحدة غيري طلقت الثلفون نحات الويفي وحشات راسها فالوسادة وتبكي بالشهقة بكات حتى وجعها راسها ورقدت