هااااااالووووووو توحشتوووني علابالي مام أنا والله علابالي طولت انا من النوع لي يكره لي يطول فلي كرونيك ومانحبش نكون منهم بالصح الله غالب الظروف هاذ المرة فوق طاقتي مرضنا على الدار وزادت مرضت جدة ودخلناها للسبيطار وماتت💔😢 المهم فاتت عليا فترة صعيبة اعذروني برك
ヾ(˙❥˙)ﾉヾ(˙❥˙)ﾉヾ(˙❥˙)ﾉヾ(˙❥˙)ﾉ
ماريا:كتر من ما تتخيل 😁 خليتكم دقيقة كيف كيف كاش ماتتفاهمو خربتها نتا
انيس:ايااه واش نديرو دوكا
ماريا:راضيها باينة 😒
انيس:كيفاه
ماريا:قولها سمحيلي كنت نزعق برك معاك ماتزعفيش مايليقلكش الزعاف بالعكس نتي شاطرة ومراة تاع الدار ومسؤولة وتتزوجي ربعة نورمال
بالاك تقولها هاذي اللخرة 😒تدفنك حي وفاللخر قولها وريلي ضحكتك الشاابة😍🤤 تولي تضحك وحدها هاني قلتلك
انيس:أوكي نجربو ونشوفو وين راهي دوكا؟!
ماريا:شوف قرقب فباب بيتي يلاقالتلك ادخل ادخل وقولها ماعليش نهدرو لتحت تقلك إيه اهبطو هدرو فالجنينة تحب تنحيلها وردة من لي تماك مافيها باس😒
انيس:من نيتك؟!تحمستي زيادة ونتي تقدمي فنصايحك البايخة قالك وردة قالك راح نطلبها للزوااج؟؟
ماريا:حق الخير يالشاامووتي دورت عليا ديجااا؟؟ روح برك
انيس:ههههههه هاني رايح
طلع لبيت ماريا قرقب وهدر
انيس:ماعليش ندخل؟!
ماقالتلوش ادخل ههه
انيس:راح ندخل
فتح الباب ودخل لقاها قدام الطاقة مربعة فيديها ومشنفة
انيس:ماعليش نهدرو لتحت؟!
أماني:لالا مابغيتش نهدر
انيس:مالة نهدرو هنااا😀 مين تجي سمية ولا فاطمة يشبعونا كلام
أماني:😑😑
شنفت وتحركت وخرجت تبسم ابتسامة نصر ولحق بيها هبطو للجنينة قعدت مربعة فيديها ومشنفة ماتشوفش فيه مامبا
انيس:شحال صعيب زعافكم نتوما البنات المهم اسمحيلي كنت نزعق برك معاك ماتزعفيش مايليقلكش الزعاف بالعكس نتي شاطرة ومراة تاع الدار ومسؤولة وتت.....
وخلاص😀
😂😂😂ماكانش حمار قد انيس عاود كلام ختو كي البيروكي قريب وزلق المزية مافاقتش بالصح ماقالش نشالله
أماني:ومسؤولة وتت....؟! واش
انيس:هههه والو والو مسؤولة وتتزوجي نرمال
أماني:اممم
انيس:وريلي ضحكتك الشاابة 😍 دوكا؟؟
سيات تحكم الضحك كتر باسكو يقتل بالضحك وهو باين حافظ الكلام بالصح ماقدرتش تبسمت على حالتو وهو يسيي يراضيها وزيد عجبها الحال مين قالها ضحكتك الشاابة
هي:😳😳😊😊أوكي سمحتلك
انيس:شتي كيفاه تولي شابة هاكاا بالصح انا مازالي مزعف منك
هي:علاه؟!
هو:شبهتيني بالكسرونة 😢
هي:هاذا واش شديت من الكلام نتا؟ هدرتها بالزعاف
هو:ممم أوكي يلا هاكا
أماني:أنا نروح نشوف ماريا
هو:براحتك
واش هادي براحتك ناعل جد باباك وين تعرف راحتي نتاا راحتي معاك يالحمير 😤
هي:أوكي
خلاتو وطلعت لعند ماريا غلقت الباب وبدات تنقز
ماريا:هه كانت باينة تنجح الفكرة تاعي واش مستنيين من وحدة بروفيسيونال 😎😎
أماني:مووواااح
ماريا:🙄ماتخليش عقلي يروح بعييد
أماني:بفف شحال تفهمي النقص
ماريا:ارواحي خيري معاي واش من مودال تاع القبايلية الشباب بين هاذو
أماني:أووو شابين بزوج
ماريا:قلت خيري
أماني:الزاوج شباب خير
ماريا:أوكي ☹️
أماني:راكي مليحة
ماريا:رامي زعفان كيفاش بغيتيني نكون اوف بغيت نشوفو ونراضيه ودوك يكون فالقهوة
أماني:ماعليش مايطولش ويجي ماتتقلقيش
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
