فطنت فالصباح لقات روحها راقدة على كتفو اول مرة تفطن وحدها جبدت روحها بالعقل رقبتها توجع حطت يدها على لحيتو وتفوت فيها الفكرة تاع يبدل
لافاك قلقتها فاينها يا يروح عليها خلاص قدمت لخدو
وحطت شفافها على لحيتو وباستو فطن على بوستها الحنينة واش راهي دير هاذي واقيلا نسات بلي أنا طفل😂
ضحك و مد يديه يكسل فيهم دار شواربو على شكل بوسة مدتلو خدها باسها منو وفرفشلها شعرها ناضو يتسابقو على الدوش سبقت ماريا وزاد وراها رامي لبسو وراحو يفطرو
فاطمة:امم بايت هناا يا الساسي
رامي:رامي رامي ماش الساسي
فاطمة:دهيا بلكل سامي ولا الساسي كيبعضها
ماريا:رامي رامي جدة
فاطمة:علميلي نتي تاني 😒وقتاه تتزوجي نتهناو منك
رامي:😳😳 مانضنش تتزوج يافاطمة
فاطمة:في راسك نشالله راحح تتزوج بنيتي واش خصها حتى لوكان مايديها حتى واحد كاين ولد جيرانا وليدو تاع
رامي:الساسي خو الاخضر بن عمر بن قدور
فاطمة:بلعع راح نديها لطيوش ولد جيرانا مازالو صغير الله الله عليه
ماريا:ااااه جدة حراام علييك فسدتيلي الفطور
فاطمة:ونتي ماتتزوجيش تقعدي هاكااا راه فاتك الزواج انا تزوجت على 16 سنة
دخل محمد
محمد:على سيرة الزواج بنتي راه خطبني فيك صاحبي لوليدو
حصلتلو الماكلة لرامي
سمية:اللطف عليك وليدي صحاا صحاا اشرب الماء
مدتلو شرب الماء وماريا طلقت من يدها الماكلة
ماريا:شبااب وليدو؟!
طرطقو بالضحك باش فاقت بروحها واش قالت قدام باباها
فاطمة:قولو يجي مرحبا بيه اللعشية يجي مايهمش الزين يالبهلولة المهم التربية والصلاح
سمية:للعشية مانوجدوش
فاطمة:لالا نوجدو قولو يجي ونتيا خايبة مقروطة؟! ماتقدريش توجدي
سمية:إيه قولو مرحبا بيه
ماريا:واقيل أنا ماعنديش راي فالدار نتوما لي راح تتخطبو
محمد:لالا باينة الراي رايك بنتي يجيو وشوفيه وديسيدي
ماريا:صحا بابا حنا نوضو راح الحال
ناضو ماريا بالها عند رامي اليوم بالاك آخر يوم يروحو فيه كيف كيف هي وياه خرجو ڨسارين
رامي:كون يكون شباب تقبلي؟!
ماريا:إيه وعلاش لالا مانيش صغيرة نشرط عليه يخليني نقرا ونخدم وصايي
رامي:ممم أوكي
ماريا:ههههه من نيتك
جبدتو من وذنو
ماريا:نتزوج ونخليك؟!ياك تفاهمنا ندبرلك مراة باش نتزوج
رامي:هههههه هاكا نشتيييك على سيرة المرأة شوفي مولات الاحمر اسكو شابة وماكالاه تقولي ماشي شابة باسكو من غيرتك راكي تقولي هاكا
شافت فيها
ماريا:شابة
دور ليها مكذب
ماريا:هي شابة من غير لبستها ووجها وشعرها وومشيتها ونيفها شابة
ضحك عليها قريب وامن بلي اعترفت بلي شابة
قاعد حاير فيها ماجبدتش سيرة التحويل كامل
دخلت تقرا وهو راح لعند الشاف.د قالتلو ارجع بعد ساعة
ماريا:نقدر نخرج
البروف:تفضلي وماطوليش
خرجت وراحت لمكتب الشاف دابارثومون
ماريا:السلام وعليكم نقدر ندخل
ش.د:ادخلي
قعدت
ماريا:جيتك على موضوع رامي*****
ش.د:القرار محسوم ما راحش نتراجع
ماريا:سييتي تفهمي الحكاية!؟ سقسيتينا واش صرا؟!لالا
سكتت الشاف.د
ماريا:أنا السبة فكلش انا ورامي صحاب من الصغر وماما وبابا موصيينو عليا واسامة وجماعتو تبلاوني وكان لازم يدافع عليا وحتى انا ضربت ماش غير هو ويلاكان ديري تحويل ..
ناضت جيهة الدوسيات حوست على اول حرف فاسمها وجبدت الدوسي تاعها
ماريا:زيدي الدوسي تاعي مع تاعو
حلت فمها الشاف.د من جراتها وقرارها
ش.د:لهاذ الدرجة قادرة تروحي لجامعة النيفو تاعها هابط وفيها غير المطرودين على جالو؟!
ماريا:بالضبط
ش.د:بصح نتي مستواك مليح ومادابينا مانفرطوش فيك
ماريا:مام هو مستواه مليح وفرطتو فيه
حطت الدوسي تاعها على البيرو
ماريا:يا نقعدو بزوج يانروحو بزوج ونتي خيري
وخرجت من تم لقات رامي قاعد تحت شجرتهم ويشوف مع الحروف تاعهم فالشجرة راحت قعدت جنبو
رامي:خرجتي؟!
ماريا:ديقوثيت بلا سماطتك
رامي:ههههه
ماريا:اعطيني الروزوار
جبدو من جيبو ومدهولها كتبت فالشجرة الساعة لي كانو فيها 10:38 وردتهولو
تبسم
رامي:علاه هاذي
ماريا:سوفونير
ماريا:ارواح ادخل تقعد معاي المرة اللخرة
رامي:ماراحش نخليها فخاطرك يالله
ناضو ودخلو وقعدو كيفكيف
رامي: راح نتوحش هاذ القعدة معاك
لاجون:ماريا****** ارواحي تحتاجك الشاف.د نتي ولي كان معاك فالحكاية تانيك
ماريا:راه هنا
شاف فيها رامي بتساؤل وناضو راحو للبيرو تاع الشاف.د
الشاف.د:اقعدو
قعدو قدامها
ش.د:ماراحش نحولوك سي رامي مانحبوش نخسرو الطلاب الملاح بصح من اليوم اي حركة تعتبر تشوييش
رامي:كيفاش؟! ماراحش تحولوني
ش.د:إيه بفضل الصديقة تاعك جامي شفت صحبة تخليك تدي روحك للهلاك بسبتها
دور رامي لماريا يسيي يفهم
ماريا:مليح صحا أيا نخرجو رامي
رامي:فهميني اني معااك نهدر
ماريا:ماكان والو
رامي:واش قلتيلها داخلتيهاا حللتيها تخليني؟! واش درتي علاه طيحي بقيمتك قدامها في خاطري
ماريا:من وقتاه عرفتني نحلل بنادم ؟!جامي درتها غير معاك ماحللتهاش
رامي:واش مالة
ماريا:هددتها 😉😂
رامي:كيفاه
ماريا:قلتلها يلا تحولينا حولينا في زوج
رامي:ربك وكون دارتها صح
ماريا:إيه ومبعد
رامي:ربك تتمهبلي بياا واش بيه دمك بارد هاكا ماش حكاية تاع لعب
حبست ودورت ليه
ماريا:علاه راك تشوف فيا نلعب؟! كنت راح نبدل معاك
تشوكا فيها
رامي:وباباك ويماك كانو راح يخلووك؟!(بالعياط)
ماريا:هاذي حياتيي انا ومستقبلي انا وأنا خيرت نفوتو معاك هكاااااا (بالعياط وعينيها بداو يتعمرو بالدموع)
قبل ماتكمل جبدها ليه حضنها حتى خنقها جبدها شوية عليه
رامي:اسمحيلي من خوفي عليك عيطت هاذ الشئ كامل على جالي تحبي تقعدي معااي؟!
حضنتو زيرت عليه
ماريا:دايما
باسها على شعرها
رامي:صحيتي فرخة
ماريا:مانيش فرخة
رامي:بلووطة
ماريا:ااااااا ياك زعمة نسيت هاذ الاسم من شهريين علاه تجبد فيه دوكاا مانيش بلووطة
هو:بلووطة تاعي
ماريا:ماتاعكش 😫😤
هو:يالله ندخلو نقراو
ماريا:أصبر
جبدت الروزوار من جيبو وراحت للشجرة كتبت 11:03
رامي:هههه راكي تمركي الوقت ؟!
ماريا:إيه باش نقعدو نتفكروهم أيا نروحو
حط يدو على كتفها وراحو يقراو
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
