جبد نفس طويل اللحظة لي تشجع فيها يهدر فسدتهالو ودوكا راح الكوراج
هي:ااااه راح نكلاطيي بالفضو ....
هو:نحبك ♥️
هي:😳😳😳
تبلوكات وبلعت لسانها ماشي مأمنة راه يعترفلها دوكاا ؟!بصح لعبتها بهلولة
هي:ههه هاا مالك رامي مام أنا نحبك ♥️ جديدة هاذي؟!
هو:لالا نحبك ♥️ نحبك ♥️ ماش الحب تاع صداقة ولاا
هي:هاااا هه هههههههه ايي ههه
هو:حكمك الهبال ياطفلة
هي:واقييلا رامي ارقيللي ولا لالا ارواح انا نرقيلك
هو:يااطفللة اني نقوولك نحبببك ♥️ ماتفهمييش (هدرها بالعياط وتبسم) دور الغاشي كامل شاف فيهم لي يصفق ولي حاير كان فيبالو اونكوبل من اللول
فطنت على روحها واستوعبت واش قال حطت يدها على فمها وتضحك
هي:ههه معنتها تحبني؟!
هو:😑😑
الغاشيي:يحباااك ♥️يااو يبغييك يااو يبغييك
دمعو عينيها بالفرحة
هو:خلاص ماتبدايش دمعي قلتلك كلش غير دموعك خلاص ماتبدايش تتأثري
خبطتو لكتفو وبداو الدموع يهبطو من الفرحة
جبدها وحضنها وهمس فوذنها
هو:ربك ريحي عاقلة بلا دموع ولا يفسد كلش الناس تشوف ماتخلينيش نتقود
خافت يبدا يعيط ويتقلق تعرفو مين يركبوه سيادو
مسحت الدموع دورت لقات الغاشي يصور
هو:(بالعياط)بون كيما سمعتو اشهدو كاامل بلي نحبهاا وبلي هي كلشي فحياتي وبلي هي لي محلية حياتي وبلي هي الكبدة وبلي ماكان حتى وحدة تدي بلاصتها وبلي هي الاولى واللخرة
هوما:شااهدييييين👏👏👏
رامي:وبلي هي لي نبني معاها حياتي (قالها بالعقل شوية)وركع على ركبتو وجبد خاتم خدمو بنوارة"زهرة البابونج" نحاها منتم حطلها يدو وهي مازالت غير تمسح فدموعهاا لي مابغاوش يحبسو حطت يدها على يدو لبسلها الخاتم
هو:تقبلي تكوني شريكة حياتي؟!
هوما:اقبلي اقبلي اقبلي
هي:آآآآآ قابلة
كانت حابة تسوطي عليه تعنقو بصح كومام رانا ف DZ
الغاشي:👏👏👏👏👏👏👏اووووووو
النص يزفر والنص يصفق والنص يصور والنص يعس😑 والنص يحسد😒(هاذي DZ للاسف)
تفرق الغاشي شاف فيها تشوف فالخاتم وتضحك كي البهلولة شاف من ومن و هبط سرق بوسة من خدها
ضحكت معاه
هي:حتى انا
هو:حتى نتي؟!
هي:قولي تعيشي نقولك
هو:تعيشي😑
هي:اترجاني
هو:سيلثوبلي😒
هي:من يسكن البحر ويحبه الناااس
كان حاب يتمعكس بيها ويقولها الحوت بصح علابالو تافهة وقادرة تدور رايها وتقولو مانقبلش لازمتك تشاركني تفاهتي
هو:سپوونج پوووب
هي:نحبك♥️
هو:عاوديها
هي:نحبك♥️
هو:ياربك كيفاه راح نحكم روحي ماندير والو عض على يدو يسيي يحكم روحو مايبوسهاش قدام العرش😂 حكمها من يدها زيرت عليه وراحو راجعين للدار (ماكان لاقراية لا عماار بوالزور😂كلشي راح فكيل الزيت😂)
قعدت تنقز فالطريق
هو:اركحي ياطفلة بهدلتينا
هي:علاش واش راني ندير نقز برك
هو:برك 😑
لحقو لقدام الدار تاعهم
ماريا:ارواح عندنا
هو:لالا أصلا مادام بريت راح نرجع للأوثيل
هي:راح نزعف منك تخلي دارك وتروح للوثيل تتمرمد
هو:ماتشوفيش بعينين القطة حمبوك
هي:رامي بركاك من الجياحة ياك هاذي دارك وزعمة ماش براني
هو:أوكي اوكي
فتحتلهم سمية
سمية:علاسلامتكم ونتي ديتي المفتاح للديكور حتى تشقيني
ماريا:ياااا شحال جوعاااانة ماتقدريش تتخيلي واش للغذاء؟!
سمية:لوبيا
ماريا:ااااه ياربييي راكي تعاقبي فينااا فهاد السخانة فرعون مادارهاش للعبيد تاعو
سمية:كولي ولا ماتاكليش خليلي حقك
هي:ماقلتش ماناكلش😐
راحو غسلو يديهم وقعدو ياكلو ورامي مرة مرة يخزرلها
ماريا:منمن كاش ماضيعت فوجهي؟!
رامي:😂😂
سمية:😐😐
كملو كلاو غسلو المواعن لسمية وطلعو لبيتها سوطات على سريرها وتنهدت من العيا (هي أصلا ديما عيانة كيفي ترقد عيانة تنوض ميتة بالعيا )
هي:ااااه اونفان لحقو الويكاند
هو:واش ديري فيهم
هي:نرقد
هو:وكي تنوضي
هي:نثاوب
هو:تافهة 😑
هي:خرجت ليك
دبرتها خلصت قرايتك ماشي كي حالتي قاعدة نتمرمد فلافاك تاع الخرا
هو:قريب نشالله مابقاش
هي:نشالله أيا نضربو ثور بالموطو
هو:اوكي
راحو دارو الحومة كامل بالموطو 😂 ورجعو دخلو للدار قعدت على سريرها ميتة بالعيا
جا رامي وجاب زوج ورق فيدو
رامي:قوليلي واش فيها الورقة الاولى
هي:اخطييني
ضحك وورالها الورقة مكتوبة فيها "أخطيني"
هي:😒😐🤦تافه
زاد ضحك وورالها الورقة التانية مكتوبة فيها"تافه"
هي:حماار
هو:والحمار هاذا يحبك♥️
هي:😌😌
هو:ونتي
هي:مابدلتش الپوصمون اليوم
هو:مم صح😒 روحي جيبي بدليلي
هي:عندك يديك
هو:أوكي 😑
زعف وجا رايح نقزت من السرير وحكمتلو يدو
هي:أصبر وين هامل اتسطح كنت نتمسخر
تبسم بانتصار وطلع الثريكو وتسطح جابت واش تحتاج وقعدت جنبو
هي:راح نحيه وجد روحك 1..2..3
وجبدتو
هو:ااااااااااااااااااا
هي:😐😐😐😐يوجع
هو:في ميزك
هي:اسمحلي
نيثوايات الجرح وجات تحط الپوصمون الجديد ديرونجاها الثريكو
هي:احكم الثريكو هاذا قلقنيي ماسمعلهاش حطت يديها على جنابو وطلعتو دوبتو لمستها بديها حنان ودافيين بدلتلو الجديد وهبطت الثريكو
تقعد على السرير ويشوف فيها بنظرات العاشق وبالضبط فعينيها
هي:ووووو
ولات تلوحلو بيدها قدام عينيه حط يدو ورا راسها وقربها بالشوية وغمض عينيه وهي تاني قعد سنتيم بيناتهم انفاسهم تخلطت غير قرب سمعو خبطة فالباب زعزعت الدنيا بعدو بالزربة وإذا بها فاطمة مفسدة اللحظات تدخل في الوسط وتضرب بعصيتها في ارجاء الغرفة بحثا عن الولدين (اللغة العربية↗️↗️ واقيل نعود نكتب بالفصحى ولا ندير ليكور فالعربية اواه انا بلاصتي ماهناش غلطو فيا برك هه الفصحى تتدفق في الارجاء 🙄)
فاطمة:ويين راكم يا الهوايش واش ديروو هنااا والباب مغلوق ااه
رامي:(بالهمس)ماريا عسي جداك ولا نضمنلك بلي موتها على يدي
هي:هه جدة رانا هناااا امامك مباشرة رانا قاعديين
فاطمة:قااعدين نتاجك ام بولادهم ونتي تبعلي فالهايشة هاذا هو لي يخليك تبوري اقعدي هنا ونسي يماك واحد مايديك هاو وجهي كان داك واحد
رامي:ماتتقلقيش جدة كاش ماكان راني هنا انا نديها
فاطمة:نتا غير اكبر فعقلك وبطل جياحتك مازالك ترضع فصبعك وتحوس تدير الدار
رامي:😲😲😲
ماريا:😳😳😳جدة راكي تكلاشيي ولا راني نتخايل
فاطمة:كي يهدرو الكبار الصغار يبلعو
رامي:😳😳😳صحيتي فطومة
فاطمة:مطيرتك أنا تعيطلي بلاسم
رامي:هههه والله ماجايا نعيطلك جدة راكي تاع البارح الحطة والزين ولاطاي نعيطلك جدة
فاطمة:مممم يلا هاكدا معليش
ماريا:😳😳😳بالاكي تأمني بالااكي او يكذب او يبلعط
فاطمة:حلييتلككم العيين واقيييل
هجمت عليهم بالعصية تضرب بالزهر وين جات جات 😂وهوما ينقزو على السرير كي المهابل جات سمية تشوف واش الحرب لي ناضت
سمية:خخيير واش صاريي هناااا راكم تنقزو على السرير ولا راني نتخايل؟!
رامي:تتخايلي برك
هي:انجو بارواحكم
ماكملتش هدرتها لقاتهم هبطو جاريين علابالهم مين تتقود هبطت وراهم بالبليغة لقاتهم رامي يغسل فالمواعن وماريا تحرك فالطنجرة وماهزوش عينيهم
سمية:الشبح يرد للطريق
طلقت البليغة وراحت خلاتهم يكملو
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
