بعد ماطاحو كاو من الشطيح نطقت ماريا تلهت
ماريا:اقعدي تباتي
أماني:مانقدرش
ماريا:روحي تقودي يلا على ماماك هاتي نهدر معاها
مدتلها الثلفون بدون تردد قنعتها ماريا بالسيف باش قبلت
أماني:والله تتبدلي عليا ونتي تهدري مع ماما قراف
ماريا:لازم😚
ناضو هبطو لتحت يشوفو سمية يلا كاش ماتحتاج لقاو انيس قاعد على الطابلة ياكل وسمية معاه فالكوزينة تدير فالمحاجب
ماريا:اووووو مامااا الزينة تاعي مومو عينيااا تهليتي فينا اليوم
سمية:غير اليوم؟! تسما العادة ماكنتش نتهلا كنتو ضايعين بالشر ؟!
ماريا:لالا حاشا احسبيني ماهدرتش إيه خويا الزين وين كنت الصباح ؟؟كيفاه حتى بكرت؟!
انيس:(وهو مهبط راسو ياكل)نحوس على خدمة
سمية دورت ليه وخلات يدها فالطاجين هي تتحرق وهي ماحستش من الشوك وماريا شهقت وشرعت عينيها
هوما:اه؟!تخدم؟نتاا؟!
انيس:خيالي
سمية:اااااااا
هوما:وااشبيييك
هي:حرقت يدي بسبتك شوكيتني
انيس:إيه لازم نولي مسؤول راني كبرت ماجاياش يقعد بابا يصرف عليا وراني لقيت الحمد لله
ماريا:بالسمله ماما ولدك لي طلعتلو السخانة ماش رامي راني سور
سمية:راك مليح ياطفل؟!
هدر وهو يشوف فاماني لي واقفة بيناتهم كي الاطرش فالزفة وهدر
انيس:فأحسن احوالي قاع (وتبسم)
ماريا:اححمم افتجأت كاين سبة خلاتك تتبدل باينة
وشافت فاماني وغمزتلها وهو تبسم وحط راسو ياكل
انيس:الناس تقول مبرووك ربي يكمل
سمية:يوويويويو مبروك على ولدي الفحل السبع تاعي كبر ورايح يولي يخدم
ماريا:تسما منا وطلع أنا ماكان والو فالدار هادي😤
انيس:باينة هاذي أصلا من بكري
قلبت عينيها وشافت فسمية
ماريا:ماما تحتاجني معاونة؟!
سمية:علاه راكي تشوفي روحك تعرفي طيبي المحاجب؟!
ماريا:🙄🙄لالالالالالا(لعبتها تغني)
أماني:😂😂
سمية:مين نحتاجك نعيطلك
ماريا:أوكي
راحو بزوج للصالون وقعدو وخلاو سمية وانيس فالكوزينة
سمية:امم واش سباب هاذ التغيير
انيس:ماما راح نندم عمبالك لازم تكون كاين سبة؟!
سمية:خلاص سكتت 🤐وقتاه تبدا؟!
انيس:بعد غدوة نشاء الله
قاعد فبيتو تقعد فالفراش وجبد الڨيثارة وبدا يسنثر ماعلابالوش مامبا على واش من اغنية راه يعزف مشتت وضايع خايف من الفراق الولف صعيب بزاف خايف تديرها صح وتروح وتخليه خاصة وانو سمية واقفة معاها قعد يخمم غير كيفاه يردها ليه مالازمش يستسلم بسهولة ويخليها دير بخاطرها وتبعد عليه الحب لازمتو كفاح مالازمش الواحد يستسلم ويضحي بحبو لازم يحارب لازم يردها ليه بأي طريقة حط القيثارة على جنب كاره وفاد ماجاي فبالو يدير والو ناض من بلاصتو بالكوراج وخرج للطاقة شعل قارو ويتكيف وينسف يخرج فوجيعتو مع كل نفس يخرجو يشوف جهة الطاقة تاعها ويشوف مع الحبل يتفكر الايام الزينة ويتبسم بوجيعة شوية وشاف ضو بيتها شعل وصوت الضحك واصل لآخر الدنيا وخاصة ضحكتها رما القارو من يدو ويستغفر بقلق هو ماجيهش النوم بسبابها وهي عايشة حياتها ضحك ولعب وماش سامعة بيه غيابو مابدل والو العكس حتى راهي فرحانة كتر من العادة غلق الطاقة بعنف قريب كسرها وراح جهة الخزانة وين مخبي الدواء هاذاك شاف فيه يخمم لايزيد يشربو ولا لالا علابالو مايجيهش النوم وخاصة وصوت عياطهم واصل لآخر الدنيا فاللخر تراجع وهز لابواط رماها على الحيط تفتحت وتفرقو حبات الدواء
رامي:هي تضحك ونتا تمرض فروحك على جالها خليها تروح ومبعد راح تموت بلا بيها؟!
تبسم بسخرية
رامي:راح تموت للأسف ماكانش حياة بعدها
رجع لبلاصتو وتسطح يتقلب ماجاهش النعاس كامل مازال صوت ضحكتها يتعالى فوذنو سمع صوت البلانج غمض عينيه ودار روحو راقد ماباغيش يتناقش
قعدت سعاد جنبو وهدرت
سعاد:رامي وليدي افتح عينيك علابالي ماراقدش
استسلم وفتح عينيه ويشوف فيها
سعاد:واش بيك علاه دير فروحك هاكا؟! واش صرا بيناتكم باش يخليك تولي هاكا؟!
رامي:قالت بغات تطلق ماشي سبب كافي زعما؟!
سعاد:وشنووو ؟!بالاك هدرتها بالتمسخير الحكاية ماشي لعبة بالصح علاه؟!
فرغلها قلبو وحكالها كلشي اول مرة يشكيلها همو اول مرة يساندو واحد بخلاف ماريا حس روحو رتاح شوية بعد ماحكالها
سعاد:ماتخممش بزاف وليدي اي تهدر برك ارقد وماتعييش روحك راك عاد مريض ربي يديرلها باب ماتتقلقش غدوة نشالله اهدرو وحلو المشكل بيناتكم ماتستسلمش ومبعد تندم حاول تردها كيما كان الحال
رامي:ربي يخليك الغالية
سعاد:راك وليدي زعما مابيناتناش
رامي:☺️☺️تصبحي بخير
سعاد:ونتا بخير 😊
غطاتو وراحت بعد ماهدرت معاه قدر يغمض عينيه
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
