صحاب البااك راكم خلصتو وتهنيتو ارقدو مرتاحين دوكا وخليولنا الكونيكسيون فحالها😂 نتمنى ربي مايحرمكمش من فرحة النجاح وتنجحو قاع كان عندي عرس على هاذي طولت اسمحووليي المهم أيا نبداو
ヾ(˙❥˙)ﾉヾ(˙❥˙)ﾉヾ(˙❥˙)ﾉヾ(˙❥˙)ﾉ
مين كلاو البهادل من عند سمية انيس خرج لبرا ورامي وماريا طلعو
رامي:الثلفون عودي ديه معاك وين تروحي
هي:ماش لهاد الدرجة رامي أصلا ماكان حتى واحد وماعنديش وين نحطو منين نروح
هو:نقولك وين تحطيه😈
هي:أيا احشم بركا ماتدصر خماج
هو:أنا ماقلت والو كنت راح نقلك حطيه فالجيب برك
هي:😣😣😣 ماعنديش الجيب
هو:هنا نروحو لتخمامك الخامج
هي:😡😡😡
هو:ههههه راني صح ريبوندي باش مانتقلقش عليك عمري
هي:صحا😊
هو:هاكا نحبك كوني تسمعي
هي:راح نبدا نحط التصديرة عند الخياطة ولازم وحدة تعاوني حارتلي واش ندير ألوغ قلت نعيط لأماني تجي تقترح عليا علابالك مانفهمش فهاذ الأمور
هو:ديري لي تخرج عليك عمري أصلا كلش يجيك شباب
هي:اييي عينيك الشابين رمووشي
هو:واش رايك نسهرو عشية
هي:والله فكرة شابة نتفكرو بيها يامات زمان مادام انيس جا ماتنساش برك تشريلنا السقااوط وڨاع نشوفو فيها كاش فيلم فالشباب 😉(وغمزت)
هو:عاوديها
هي:جيبلنا سقاوط نتفرجو فيلم فالشباب😆
هو:ياالخراا الغمزة ماش الهدرة
هي:نشالله بربي 😂 أيا طير عليا راح نشوف واش ندير
هو:والله لا حلوة هاذي تزعكي فيا
هي:راح نرسم واش جا فبالي لديكور الدار ونعيط لأماني
هو:اامم يلا هاكدا أوكي هاني رحت اتهلااي فروحك
هي:يتهلا فينا ربي
خرج وهي هزت الثلفون قالت لأماني قالتلها راح نضربلك دورة (هاذ الطفلة تموت على هاد الصوالح تاع التصديرة والعراس)شافت الباطري لقاتها طاحت راحت تحطو يشارجي لقات الشارجور فاسد 😑 عوجت الكابل منا منا والو ألوغ راحت جارية سرقت شارجور هيثم ورجعت حطتو
هزت ورقة وكريون وبدات ترسم وتصمم فديكور للدار
سمعت الباب يصوني هبطت تفتح لقاتها اماني سلمت عليها وزادت سلمت على سمية وطلعت معاها لبيتها
اماني:أووو السخانة يا جدك
قلعت عبايتها (ماتسكنش بعيدة بزاف منهم جات بالعباية نحاتها وقعدت بروبة قصيرة للركبة)
ماريا:الوووغ حارتلي واش ندير للتصديرة مابغيتش نكتر ماعندي حاجة بالصح حارتلي واش ندير جبة قبايلية ولا شاوي و..
أماني:أووو ديريهم بزوج ماتخيرينيش بيناتهم😍
ماريا:😒😒وانا علاه عيطتلك باش تونسيني ولا توحشت عينيك الزروقة 😒أيا ثبتي روحك
هي:والله راني مني صح ماريا ديريهم بزوج ملاح تتزوجي مرة فالعمر وزيدي معاهم قفطان وكاراكو والبلوزة الوهرانية وروبة على لاطاي فالاحمر
ماريا:اتنفسي ياك ماش نتي لي راح تتزوجي
هي:صح ☹️ماريا واقيل راني بورت
ماريا:هاهااا فقتي بكري
هي:☹️☹️
ماريا:من نييتك؟! يابنتي مازالك تاع البارح بركاي ماتجياحي
هي:ا......
ماكملتش هدرتها زدم هيثم بدون سابق إنذار بلا مايقرقب بلا والو
هيثم:شااارجوووري ياالهاايشة شكووون قاالك ثوش..يي...يه
طلعو وهبطو بالفجعة وخاصة أماني ماش موالفة بهاد العياط
ماخلصش جملتو و شاف بلي ماريا ماش وحدها تكوانساو عينيه مع هاذيك الطفلة لي جنبها العين الزرقة والزين ولاطاي ماقدرش ينحي عينيه منها وزيد لابسة قصير رجليها بيوضا حليب ماقدرش حتى يكمل واش جا علا جالو الزعاف راح في خبر كان وهو يشوف فيها مابغاش يبدل عينيه منها
هزت ماريا وسادتها ورماتها عليه طلع وهبط
ماريا:ااووو واش الحبييبة كاش ماغبرلك عندهاا غرقوولك البواابر؟!
أماني ناضت هزت عبايتها ولبستها بالزربة وولات طمطومة بالحشمة يعني مام هو ماقليلش دالها عقلها
هو:ااه إيه قصدي لالا افف بركاي ماتجياحي هاتي واش جيت ندي
هي:واش جيت تدي؟!
هو:نسيت مين نتفكر نرجع
كلاطات بالضحك عليه لهاذ الدرجة اثرت فيه وهو ولا حمر بالزعاف حب يبان جنتل مان قدامها ومايقتلش ختو هاذا ماكان ديجا فالأول مين زدم تكون قالت عليه هاذا هايشة زادم هاكاك ويعيط كي الغول وبعدها مين سرح معاها وخبطتو ماريا وطلع وهبط من بهلول ماجاياش يخبط ماريا قدامها
ماريا:الشارجور هاوليك شارجورك روح ديه
هو:جيبيه نتي
وهو يلز على سنانو وهي علابالها مايدير والو قدامها راهي تلعبلو على المورال
هي:😀😀أوكي خويا الزين
تعرفو مين يزير على الحروف راه يكتم فغشو وكون تزاڨا ويتقود خلاات ألوغ جابتو ومدتهولو حكمو وزير على يدها حتى وجهها تلون وخرج راحت غلقت الباب ودورت لأماني لقاتها تتبسم كي الهايشة صرفقتلها صبعتيها
ماريا:وااش الحبييبة؟!
هي:يسمووه راجليي
ماريا:😳😳😂😂😂😂 والله نتي لا وحدك انا نقلك من دوك خويا طاح على راسو مافيهااش السيد نسا واش جا يدي 😂 راح تطبقيه بكل سهولة تحبي نعاونك راني هناا تقلقت نزوجوه كاش مايستعقل
هي:😂😂😂نعزم عليك
ماريا:باينة😎
فراوها واش دير فالتصديرة بعد مدة من النقاشات والنزاعات والمفاوضات والإنتفاضاات (وڨاع الصوالح لي يخلصو ب" ات") جات سمية تطل عليهم
سمية:تكونو جعتو اهبطو تاكلو
أماني:ا....
ماريا:باينة هاذي
هبطت سمية وماريا قالت لأماني تلحقها راح تموت بالجوع أصلا هبطو كلاو وديسيداو يخرجو يقضيو يبداو يوجدو لجهاز ماريا ماعندهاش بزاف الوقت ألوغ لبسو وجاو خارجين تلاقاو انيس عند الباب
انيس:وين بيها بلوطة
ماريا:😡😡😡غير لهناا نقضيو
هو:هايا نوصلكم
ماريا:انيس شكون نتا؟! اخرج يا عدو الله من وقتاه وليت جنتل م.....
ماخلاهاش تكمل حكمها من رقبتها وخرجها لبرا واماني لحقتهم وهي تضحك فتحلها الباب ودخلها راسها بالزور
انيس:تزيدي كلمة تدي سنانك مستفين فالجيب
هي:🤐🤐🤐
غلق الباب وأماني طلعت من اللور طلع لجيهتو ومرة مرة يسرق خزرة لأماني
ماريا:أماني واش رايك تقعدي تباتي
جامي قلتلكم بلي نموت على ختي؟! هي كلشي فهاد الدنيا (كل الناس غرباء إلا انت 😂)أولا عطاتني اسمها وزيد عرضتها تبات نحبك ختييتو نموت عليك
أماني:لالا مانقدرش ماقلتش لماما(عايشة مع يماها برك)
انيس:كاين الثلفون
😳يناعلبووه لساني الطحاان لي مايعرفش يوزن الكلام ويخمم قبل مايهدرو
أماني:لمزية قلتلي كنت ناسية عليه😒
لالا ياحلييش اتعرفو ومبعد ولي كلاشي 😂
انيس:أنا قلت بالاك ماتخدميش عقلك 😑
ماريا:احمم ماهذه الشراراات خلاص نتي هاتي أنا نهدر مع يماك
مدتلها ثلفونها وعيطتلها
ماريا:احم السلام وعليكم انا صحبة أماني خالتي بون يلاكان ممكن تخلي أماني تبات عندي الليلة محتاجتها بزااف بيان سور يلا ماتحتاجيهااش بلا ماتخافي عليها كيشغل راهي فدارها
التبلعيط↗️↗️↗️😂
بعد 5 دقائق من الإقناع قبلت يماها كوبات وتنهدت
انيس:عييتي ونتي تمثلي اللباقة يااك؟!
ماريا:إكزااكث
اماني:😂😂😂
وصلهوم هبطو ودخلو لمول كبير فيه كلش وبداو يدورو دارو دارو دارو حتى حفاو رجليهم صونا ثلفون ماريا وغير كون ماصوناش شافتها مكتوبة "رموشي" صفرت وشافت فاماني
أماني:لالا ماتقوليش ماشاورتييهش
ماريا:نسيييييت ياربي نسيت كامل بلي يلزم نشاورو مش مولفة نخرج بلا بيه ديما لاصق فيا على هاذي مانشاوروش
أماني:طااااء طااااء طنييي طاء طاء طني طناااا 😂
ماريا:ات$&$$¥ بجدي ثالمون ماش نتي
شهدت وهزت على الثلفون لي راح يحرقو بالعياط
حطت فوذنها وتسمع
هو:خرجتييي؟! كحلوو علييك؟!شبعتي نووااامر لعشية نتفاهم مع ربك
هي:😨😨😰😰
أماني:😓😓😓
هي:والله ياعمري غيير نسييت ڨااع
هو:وااااو وتزيدي تهدري فييهااا وجهك صحيييح ماتفكرتيش بلي اناا راجلك هاكااا؟!
هي:لا.....
ثن ثن ثن ثن ثن
ماريا:زعف☹️
أماني:ماعليش درك تترانجاو
ماريا:يالله نرجعو سمط كلشي
أماني:ياعمري على الحب ربي يدوم العشرة
ماريا:نتمنى
ركبو فالطرام ورجعو للدار شافهم انيس كان فالقهوة لحقهوم
انيس:علاه ماعيطتيليش
ماريا:كاش ماقلتنا نرجعلكم؟!(بالزعاف)
انيس:واشبيه ر$&$ نتي باينة كنت راح نرجع
خلاتو وزربت تمشي وعينيها معمرين بالدموع
انيس:واش ..بيها كاش ماقلتلهاا ؟؟
أماني:لالا مقلقة من الأول
انيس:علااه
أماني:رامي
انيس:وااش قاللها😡😡
اماني:كالم ثواا نسات ماشاورتوش وخرجت زعف
انيس:ااه دكور دوك يترانجاو
هي: مام أنا قلت هاكا
كملو للدار وهي دخلت طلقت القضيان قدام الباب وطلعت جارية لبيتها وقعدت تبكي لحقتها أماني قرقبت ماردتش دخلت قعدت جنبها وانيس كيف كيف
انيس:ختيتو ماتزعفيش مني ورامي دوك يركح ويرجع كلش كيما كان تحبي نهدر معاه؟!
هي:لالا
هو:لي تخرج عليك كاش ماحتجتي راني هنا
حركتلو راسها ورجعت تبكي حضنتها أماني تسكت فيها
تخاف يبعد عليها ويخليها وحدها علاهادي تغيضها مين يتهاوشو
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
