ناضت فالصباح تتململ ففراشها شافت الساعة لقاتها 10 ناضت بالزربة تشوف رامي غسلت ودخلت عندو لقاتو حبا فشمبرتو قعدت على سريرو تستنى فيه شوية وجا تبسملها ناضت عندو
هي:كيف صبحت
هو:بخير
هي:مليح
هو:هملتي قرايتك
هي:لالا راني نقرا فالدار كرهت لافاك
هو:همم اوكي
سعاد:رااامييي
شافو فبعضاعم وهبطو يجرو لتحت
سعاد:رامي باباك دارتلو لاكريز لازم ندوه للسبيطار
ماكملتش هدرتها كان خرج راح جاب طونوبيل تاع عمي محمد وخرجوه ركبوه وطارو بيه للسبيطار دخلوه
بعد 15 دقيقة:
الطبيب:حالتو ماتعجبش وقلبو ماشي ويضعف
رامي:واش نقدرو نديرو
الطبيب: للأسف ماكان والو تقدرو ديروه فات الحال الحاجة لي تقدرو ديروها ماتقلقوهش وصااي
هبط راسو راحت حطت يدها على دقنونتو وطلعتلو وجهو
هي:ماتتقلقش كلشي راح يكون بخير
حرك راسو دورت شافت سعاد قاعدة تبكي قعدت جنبها فالكرسي
ماريا:ماتبكيش طاطا راح يكون مليح ولي فيها الخير يجيبها ربي
سعاد:هاذي من 3 سنين تصرالو هاكا بالصح الأزمة تاع اليوم قاوية على لي فاتو 😢
ماريا:☹️☹️
بعد ما خلاص السيروم وريح ردوه للدار وماريا ورامي راحو للجنينة سمع بطنها تدير فالاصوات
هو:جعتي مافطرتيش؟!
هي:إيه دوك نفطر
اول مرة يشوفها تصبر على كرشها وماتاكلش كبرت فعينو بزاف نوضها تروح تاكل هوما على الطابلة هي تاكل وهو يشوف فيها صونا ثلفونو
رامي:الو
لاسوكريثار:سلام معاك لاسوكريثار تاع مدير شركة*****
سبق وجيت تحوس على خدمة عندنا المرأة لي اونسانث دات كونجي قبل الوقت تقدر تحكم بلاصتها من غدوة
رامي:صحا مرسي
كوبا وتبسملها
هو:لقيت خدمة
هي:اااه صح ياربي الحمد لله ناضت وقدمت باستو من خدو حبس فبلاصتو وهي فاقت لروحها الحماس دارها بيها اما هو قعد يشوف فيها ويتبسم كيف البهلول
اليوم التالي:(☉｡☉)!→(☉｡☉)!→
رجع من خدمتو عيان فتح الباب ودخل سمع صوت فبيت حسين تاع انين طبع الباب ودخل بالزربة لقاه على سريرو وحاط يدو على قلبو ويتوجع زرب ليه
رامي:راك ملييح يالله نروحو للسبيطار
شدو من يدو
حسين:مابغيتش ..كرهت السبيطار ...مابقاش ..ينفع أصلا... فات الحاال
رامي:ماتقولش هاكا مامااا
سعاد:واش صراا
كانت تصلي ناضت بالزربة وراحت جهة الصوت
رامي:عاونيني ندوه للسبيطار
حسين:ما..بغييتش ولدي سامحني ..على ..كلشي
رامي:علاه تقول هاكا
حسين:قولي.. راني ..مسامحك.. وهنيني.. بغيت.. نسمعها
..قولها ..قولي ..بابا ..مرة خلاف
رامي:مسامح بابا راك مسامح يالله نروحو للسبيطار
حسين:كاس ..ماء ..جيبلي كاس ماء بارد.. وشفااف
رامي:أوكي راني رايح
راح عمرلو كاس كيما جابو ورجع غير حط رجلو على عتبة الباب طاحلو الكاس تكسر ماكانش علابالو هاذي آخر مرة يطلب فيها الماء لقا سعاد قاعدة فالأرض وتبكي وهو مغمض عينيه بلا حراك
سعاد:ربي يرحمك ياحسين
رامي:لااااا لااااا مايقدرش يروح حتى هوو لاااا
عيط باعلى صوتو وقدم ليه وينوض فيه حكمو من كتافو ويخض فيه
رامي:نووض باباا نوض هاني جبتلك تشرب نووض
سعاد:😭😭😭😭
أنت تقرأ
💞He Is My Boy💞باللهجة الجزائرية
Humorتحكي على صداقة بين طفلة وطفل تحولت لحب مع مرور الوقت♥️✨
