قصة فراق ( روايات ليبية )

حلقة 3 🔥

لحلقة #الثالثة
من رواية
#قصة_فراقـ💔
.
.
.
.
#لااااااااااايك
.
.
.
#كوووووووومنت
.
.
.
#منشن
.
.
.

احمد..يعني انتي ماتحبي حد
ميسم..لا لا مانحبش ولو نحب راهو قلتهالك بس اني مافي قلبي حد
احمد..😶
ميسم..احمد اني سبب جيتي اكتر شي ان امي قتلي ان حالتك تعبانة احمد الدنيا ماتوقفش ع حد يا احمد صدقني حتلقى البنت اللي تحبك وتحبها انت
احمد..اني نبيك انتي يا ميسم
ميسم..سامحني يا احمد بس اني مانقدرش نكون مرتك واني مانحملكش اي مشاعر اسفة
احمد..اوك براحتك يا ميسم براحتك
ميسم..عندي فكرة فينا نكونو اصدقاء ☺
احمد..اني نبي ننساك وانتي تقوليلي فينا نكونو اصدقاء 😏
ميسم..احمد ماتعملنيش هكي نبي تقعد احمد ولد خالتي اللي وقت نحتاجه نكلمه
احمد..ان شاءالله
ميسم..باه توعدني انك تهتم بروحك تي رايح زي داعش😂😂
احمد..الله غالب وحدة شيبتني وكبرتني قبل عمري 😅
ميسم..هي نوض اغسل وبدل وحلق لحيتك شن هدا رايحة وحي ع الدار صنتها تقتل 😷😷
احمد..اني بالنخش ندوش نظمي امورك فيها
ميسم..وين هناء
احمد..مش عارف ممكن طلعت هي وصحباتها مزال في حجات ناقصينها قالت
ميسم..امم به
خش احمد للحمام حشاكم ونظفت ميسم الدار وبختها بي ريحة وطلعت
هنادي وحميدة يشبحزله ويبتسمولها
هنادي & حميدة..😄😃😃😍😍
ميسم فهمتهم..تفهموش غلط تفاهمنا اني واحمد وهو حيشوف حياته وحيبداها من اول وجديد ☺
هنادي..😕
حميدة..المهم يرجعلي طبيعي بسس😁
هنادي..نحسابك اقتنعتي ووافقتي 😕
ميسم..ماما اني قتلك خلاص عاد سكرو عليه الموضوع هدا ومعاد تجيبو سيرته قدامه
احمد..خير خالتي كيف حالك☺
هنادي..الحمدلله بخير ياوليدي كيف حالك انت
احمد..اهو ماشية الحمدلله الحمدلله
حميدة..كان نعرف ميسم بتنشطك هكي راه جبتها من آآمتك 😂
احمد ابتسم😊
ميسم اتحشمت ونزلت راسها😊
هنادي..اي ياوخيتي 😉
احمد..اني طالع ماتبو شي
حميدة..سلامتك وليدي تعطلش بس
احمد..ماشي😐
مشي احمد وهو كان خاطره يقعد معاهم بس خلاص حط حد لي روحه وتوعد نفسه انه ينساها ولازم ينساها😉
.
.
فِـي قـلـب 💖كـل مـنـَّا
مـعـجـزة لـشـخـص مـا👌
لـن تـكـونـ لـِغـيـرهـ ☝✋
وفـي قـلـب 💖كـل مـنـَّـا
نـبـضٌـ لـيـسَ لـهُ😔
.
.
روحو ميسم وهنادي للحوش وكان تاني يوم مشروع تخرج ميسم كانت فرحانة واخيرا بالتحقق اللي حلمت بيه نضات بكري وطلعت ومشو معاها خواتها هيا توتي في مشروعها وخايفة وخواتها يرتبو في مكان الحفلة اللي بيديروها في الجامعة وناقشت ميسم مشروعها ونجحت بتقدير ممتاز التانية ع دفعتها وكانت بالطير من الفرحة اول شخص شفاته هوا بوها طول تغمرااته ودموعها ينزلو من الفرحة
محمد..الف الف مبروك يابنتي😍😍 رفعتي راسي ربي يخليك ويعليك في اعلى المراتب
وجوها خواتها وخوتها فرحانين سلمو عليها زتغمرت امها وكانو الاثنين يبكو دموع الفرحة😍 فرحة يوم التخرج مافيش احلى منه ربي يوصلني ليه ياربي ويوفقنا 🙌🙈
ودارو حفلتها ودارولها نوبة جاها احمد استغل الفرصة لقاها بروحها كان جايبلها هدية باكو صغير
احمد..الف مبروك التخرج مذيعتنا😉😍😍
ميسم تغمراته طول..الله يبارك فيك حميدا 😍😍 وتباعدت عليه شكرااا لاش متعب روحك 🙊
احمد..مافيهاش تعب تستاهلي اكتر من هكي 😉
ميسم..نفتحها توا؟
احمد..هيا افتحيها ☺ وقوليلي شن رايك
فتحتها ميسم لقتها سنسلة ذهب بي اسمها مَـيْـسِـمْ
ميسم..وااااو😍😍😍احمد تهبلللل شكراا
احمد..عفوا اهم شيء عجباتك 😊
ميسم..اي اكيد عجبتني ههههههـ شكرا هلبا احمد
احمد..عفوا هي اني ابنمشي للأولاد
مشي احمد قعدت ميسم تهدرز واللي هدا يجي يباركلها من صحباتها وجي تيم وقف عليها وهي مع البنات
مها..احم كح كح م ميسم من هدا😍😍😍
ميسم نخصت اختها وفنصت فيها..😳😳ت تيم
تيم..اي تعالي شوية بس ع انفراد
ميسم..اوف اوك
مشو مع بعض
ميسم..شنو😑
تيم..الف مبروك التخرج وهدي هدية بسيطة ☺
ميسم..شكرا يبارك فيك وخلي هديتك عندك 😏
تيم..مايجيش هدي هدية ولازم تقبليها
خدت ميسم الهدية بالسيف ومشت فاتاته
تيم..انعم
**..اليوم تخرجها وانت شن قاعد اتضيع في الوقت
تيم..البنت صعبة وماقدرتهاش يا ** لازم تبي شوية وقت
**..لازم ادبر حل
تيم..باهي تمام ماشي
سكرو من بعض وقعد تيم يراقب في ميسم وطبعا في حد كان يسمع في تيم احمد سمعه
احمد في عقله..شن يبي من ميسم وخيره كان يدوي هكي يارب احميها اني لازم معاد نخليها بروحها لازم نديرلها حل تقعد تحت عيوني 😠
وتم اليوم هدا ويوم عن يوم ابدت ميسم مكسدة لا شغلة ولا عملة مزال ماتبيش تشتغل كانت واخدة راحة من التفكير وتيم ديمة يتصل بيها لين ملت منه وترد عليه تخلي فيه يدوي بروحه وتسكر لين في يوم تيم ما اتصلش بيها بكل هيا كانت عارفة اوقاته وامتى يتصل
ميسم. اوووف خيره ما اتصلش ياربي 😣
خدت ميسم مق قهوة وطلعت للجنان قعمزت ع الكرسي و تشرب في القهوة وتتفرج ع الفون وتستنى فيه يتصل بس عبس لين رقدت وناضت ع اتصاله ساعة 3م
ميسم..اووف مني يي رقدت اهني اني حي تيم خلي نمشي للدار خير
ركبت تجري لي دارها وسكرتها وقعمزت ردت عليه
ميسم ودايرة روحها مش معدلة وهي بتموت ع ما تسمع صوته..نعم
تيم..ممميييسسسممم اااننني مممانننفففعععش يااممميييسمم بببعدددي ععلييياااا خخخيرر
ميسم..تسمع فيه ولسانه رزين عرفت انه سكران ومش بوعيه ف استغلت الفرصة باش تعرفه شن يبي منها
ميسم..علاش انت ماتنفعش خيرك؟؟
تيم..اااننني بالنظظرك فففوووتيييني
ميسم..بس انت شخص كويس
تيم..ءءااني ششخص كوويس؟؟
ميسم..ايه
تيم..لالااا اني مانصلحششش
ميسم..باه شن درت انت
تيم..مانقددرش نقووول
ميسم..احكي يا تيم
تيم..فووووتي مميييسم 😭😭
ميسم..ها حي تيم تيم تبككي
تيم..ميييسم اني نحبببك والله نحببببككك
ميسم..شن تبي مني يا تيم انت
تيم..ممماانننبي ششي ننحبببكك انني خيرك اننتيي تتتفهمممييش
ميسم..الصبر باه شوف توا شن ادير برا اشرب قهوة واغسل وجهك وارقد وغدوا نهدرزو
تيم..اكيددد نننهدددرزززووو
ميسم..اااييه ياهمي ايه اكيد
تيم..ببباه تتصصصببحححي عع خيير
ميسم..وانت من اهله
سكرت ميسم عليه وهي مش فاهمة شي بكل
ميسم..ماطيحني فيهم اني احسن شيء نرقد
رقدت ميسم وناضت الصبح ع اتصال تيم
ميسم..نعم ها شن تبي يا دراه لا ليلي ليل ولا نهاري نهار في جرايرك
تيم..شن قلت اني اممس؟؟؟
ميسم..وخيرك مرعوش
تيم..قلنا شن قلت
ميسم..مش عارفة برا راجع روحك
تيم..ميسم قوليلي شن قلت
ميسم..احسنلك معاد تكلمني بكل فااهم واحد سكرجي تفو عليك امشي الواحد يتصبح في حاجة باهية واني نتصبح فيك انت  😠😠😠
وسكرت في وجهه
جتها مها تجري..خير امك تعيطي ع صبح ربي 😱😠
ميسم..اطلعي انتي التانية خير مانكملها عليك سكري ام الضي والباب وواحد يخشلي يحصل فيا نجبدله الجديد والقديم 😡😡
مها..بسم الله الرحمن الرحيم 😳😳😳 باهي باهي
سكرت مها الضي والباب وطلعت
ميار..خيرها الدعوة 😱😂
مها..جتها الحالة ما دوريهاش 😂😂
ميار..ربي يهدي😂😂😂
مها..امين
.
.
تيم..ياربي شن قلتلها يارب مانكونش اعترفتلها بحبي يارب هيا مش ليا علاش تعلقت بيها علاش ياربي
.
.
ميسم..يااارب بعده عليا ياربي 🙌
ناضت ميسم دوشت ولبست بجامتها وصلت ونزلت فطرت وقعمزت تتفرج
هنادي دارت قهوة وقعمزت
هنادي..تطلعي معانا بعدين ؟
ميسم..علاش
هنادي..عرس اختك شن مزال عليه بالنكملو باقي الحجات
ميسم..باه حتى اني ماشريتش شي
هنادي..اوك
وقعدو يدردشو وجوهم مليح وميسم كان جوها اخي مش فرحانة هلبا كانت في حاجة مضايقتها ومش عارفة شن هيا 💔
ميسم..حقا ماما اني بالنباشر في خدمتي بعد عرس ميار 😁
هنادي..باهي كويس☺ ابنبدو نشوفوك ع TV
ميسم..هههههه ايه حصلت خدمة وابنبدا نقدم
هنادي..غر تربحي يابنتي فكينا من السياسة
ميسم..اني هدا اللي نبيه يا ماما لاش لا؟
هنادي..فكينا منها وجاع راس مش ناقصنا هي البلاد متخلطة تتكلمي كلمة تلقي روحك اشبح وين 😕
ميسم..لالا ان شاءالله مايصير كان الخير 😊😄
وبعد ايام يطلعو ويشرو وجي العرس
ناضت ميسم اول وحدة مشت لي دار اختها ميار طول ونقزت فوق سريرها
ميسم..اييي اييي روروروروروروروروروري نووووضي ياسرك نووم نوووضي
ميار..ههههههههه ياحمارة اييي رجلي وووك
خشت عليهم مها وابدت حتى هيا تنقز وفرحانة وخشت مياس هيا والفريق انتاعها وقفو تنقيز ورقدو 4بحدا بعض
ميسم..ميار خلاص ابتتزووجي😭😭
مها..خلاص كبرت وابتتزوج 😭 معاد في ميار في الحووش🙈
ميار..😳😳اني مصدومة كنتش نحسابكم تحبوني نحسابكم تستنو امتى نطلع باش كل وحدة تاخد نص الدار وتضمها لي دارها 😳😳
ميسم..حي وحق ربي فكرة😍تبدا داري كبيرة
مها..اي والله فكرة مليحة تعرفي 😍😍😍
ميار..اهما خواتي اللي نعرفهم😂😂😂
مياس..خيتي الصغنونة ولت عروسة ههههه كنا صغار نلعبو مع بعض تذكري لما ديمة نضربو في ميسم ونهربو 😂😂
ميسم..يا حيوانات صار كنتو متملحين فيا
ميار..😂😂😂ايه وبعد كبرتي بديتي انتي متملحة في مها عطيتيها طرايح ماهم طرايح😂😂👊
مها..اني ياحيوانة تضربيني مستقوية عليا ياقردة 👊
ميسم..اااي ياحيوانة كنت صغيرة مانعرفش😂😂
خشت هنادي عليهم.. مشاااءالله قاعدين مقعمزين تي نوضو العيلة كلها نايضو وكلهم لوطة يستنو فيك
مياس..اي حق نسيت اني 😂😂هيا نوضو بسرعة بدلو هي بدلي انتي
وطلعو البنات لبسو عبايات وخدو حوايجهم باش يغسلو مع اختهم في الحمام
مها..بالنحني اني
ميسم..فكيك منها حنت الحمام ماتنفعش
مها..باه
نزلو وابدو يدربكو ويزغرتو ودايرين جو 💃
ومشو للحمام وروحو وقرو الفاتحة جابو النوبة وفرحو هلبا
في الليل قعمزو سهرية ابدو يدربكو
ميسم..هييي اسسس خلي نغنيلكم اغنية قديمة وحلوة
البنات..هي
ميسم..دكتور اسنان وانا مانبيه 💉
دكتور اسنان وانا مانبيه
دكتور اسنان يروح نص الليل
شكله تعبان وانا مانبيه 😂👏
.......
سواق تيوته ونا مانبيه 🚌
سواق تيوته وانا مانبيه
سواق تيوته يروح نص الليل
يضرب في خوته  وانا مانبيه 😂👏
........
سواق كناسه وانا مانبيه
سواق كناسه وانت مانبيه
سواق كناسه يروح نص الليل
كله وشواشه وانا مانبيه
........
كامل صفاته هذا اللي نبيه
كامل صفاته هذا اللي نبيه
كامل صفاته يروح نص الليل
يصلي ف صلاته هذا اللي نبيه
.........
سواق الكيا هدا اللي نبيه
سواق الكيا هدا اللي نبيه
سواق الكيا يطلع نص اليوم
يتدهور بيا هدا اللي نبيه
.........
عندا هوندايا هدا اللي نبيه
عندا هوندايا هدا اللي نبيه
عندا هوندايا يروح نص الليل
يهدرز بحدايا وهدا اللي نبيه
..........
اسمر سمراوي وهادا اللي نبيه😍
اسمر سمراوي وهادا اللي نبيه
اسمر سمراوي يروح نص الليل
يجرح ويداوي هادا اللي نبيه😍😂
........
صاحب دكان وهادا اللي نبيه 😍
صاحب دكان هادا اللي نبيه
صاحب دكان يروح نص الليل
جايب قفطان هادا اللي نبيه 👗👘😍
👏👏👏👏👏
وتاني يوم يوم القفة واللي بعده يوم الحفلة كان الكل في الصالة ميار وصلت للصالة وخشت للدار انتاع العروسة قعمزت فيها كان قلبها قريب يطلع من الخوف
ميسم..مشاءالله طالعة قمر وخيتي اممممواااه😍😍 تهبلي هي هي سيلفي ههههههه تششك
خشت مها وخشت مياس وصورو مع بعض سيلفيات لين قالولها تخش ناضت وخش معاها امجد ع اسماء الله الحسنى بعدين ع اغنية الحلم الابيض خشت وقعمزت هيا وامجد صوروهم وبعدين باس ع راسها
امجد..الف مبروك😢😢
وطلع امجد يجري ومش متحمل طلعت وراه ميسم وتغمراته
ميسم..الله غالب هدي سنة الحياة وربي يفرحنا بيك حتى انت😍😍
امجد..ويفرحنا بيك😍😘
ميسم..خلاص هي برا
مشي امجد وكلهم كانو فرحانين بعدين اتسكر الضيء كله وسلطو الضي ع راجل ميار عامر ع اغنية هلا بريحة هلي 😍😍✨
خش عامر وهيا واقفة قاملها الطرحة
عامر..قمر😍😍
ميار..☺☺شكرا
باسها عام ع جبينها وقعمزو مع بعض صورتهم المصورة كم لقطة وبعدين نزلو وطلعو يصورو داخل وبعدين خشت تاني قصو التورطة مع بعض ووكلو بعض وصورو وطلعو سلمت عليهم خواتها وامها وصحباتها ولبست الكاب وطلعت
محمد..عامر بنتي في امانتك 😟
عامر..ميار في عيوني عمي محمد 😍😘
محمد..ربي يحفظكم لبعض ويرزقكم بالذرية الصالحة يارب 😢 
انس..رد بالك منها 😟
امجد..رد بالك تزعلها 😉
عامر..حاضر والله هي في الحفظ والصون 😍😉☺
ركبوها ومشو للفندق
ميسم..يااااارب هنيها وبعد عليها بنات واولاد الحرام ياربي 🙌🙌
طبعا مامشي معاها حد مشت بروحها للفندق عامر هكي طلب ☺
وتم العرس وكل واحد روح لي حوشه
.
.
.
.
بعد شهر
تيم..ميسم
ميسم..😕 #يتبع
.
.
ان شاءالله تكون نالت اعجابكم  #حنو