قصة فراق ( روايات ليبية )

حلقة 31 🔥

#قـصـة_فـراقـ💔
.
.
.
.
.
الحلقة 31
.
.
.
.
.
ميسم..يا احمد ساعدني قداش بندير حاجة وقفطاني عقدني قريب انحيه ونلبس قفطان عادي😠😣
احمد..باهي شنو هي
ميسم..تيم مباش يقعدلي بدله انت
احمد..تعالى بابا هي ولبسه وتكمله ودارله شعره بالجل وهو دار شعره زي ولده وشده في يده وطلعو مع بعض وطلعت مقابلته ميسم و ارين وكانو 2 معجبين ببعض😍😍
.
.
ميسم..حليلي طالعين مشاءالله عليكم
احمد..مش احلى منكم يا اميراتي
ميسم..☺☺
احمد..هي وقت اطلعو
طلعو وركبو السيارة ومشو لي حوش عمه
ميسم..هي دير بالك ع روحك وع تيومي 😘
احمد..تمام
ارين..حبت بابا امممووواه
احمد..هههههه حتى بابا يحبت هي انزلي
نزلو وخشو للحوش
حميدة..خيركم عطلتو
ميسم..الطريق زحمة يا خويلة😘 زحمة ؟
حميدة..لالا شوية مزال الوقت هي خشي واسي روحك
ميسم..وين حور نبي نخش لي دارها بنحط حجاتي😊
حميدة..حووور يا حووور تعالي سلم بنتي
حور..اهلا اهلا انستينا انستينا
ميسم..الله يآنسك كيف حالك
حور..الحمدلله كيف حالك انتِ
ميسم..الحمدلله بالله نبي نخش لي دارك بنحط حجاتي فيها مايخشلها حد وله
حور..اي مسكرتها خشي تعالي اركبي
ركبت ميسم و حور وخشت حطت حجاتها وواست روحها وطلعت ❤
ارين..ماما نبي حنينة
ميسم..اهو ندور فيها يا ماما 😘
قامت ميسم قفطانها وعطت خالتها ارين
حميدة..تعالي نرفعك تسلمي في ناس مش شايفينك يبو يسلمو عليك من بكري يسألو فيا
ميسم..تعالي ارونة
حميدة..خليها تلعب مع صغار😁
ارين..امسي العب ني ماما
ميسم..باه ردي بالك تلبزي روحك
ارين..به
حميدة..هدي اخت فاتن
ميسم..اهلين كيف حالك
فاطمة..اهلا بيك الحمدلله
حميدة..هدي كنتي يا فاطمة☺
فاطمة..اهاا اهلا اهلا كيف حالك
ميسم..الحمدلله كيف حالك
فاطمة..الحمدلله يا بنيتي 😍😘
حميدة..تعالي هدم تعرفيهم حماواتي بري سلمي عليهم وتعالي تلقيني واقفة ع المرا هديكا
ميسم..باهي حاضر
ميسم..خير يا عميمة كيف حالك
عمت احمد..اهلااا😍 الحمدلله كيف حالك انتِ شن اخبارك
ميسم..الحمدلله ناضو عماته وسلمو ع بعض كلهم ليلى..ايه الحلاوة دي ههههههه
ميسم..هههههه خزي شوفي انتِ مشاءالله عليك تبارك الرحمن تي كيف خلاك علي😉
ليلى..تي من بكري يرن يقولي هيا😒
ميسم..😂😂😂 وين رندة
ليلى..في المزين قاعدة ماجتش هديكا بالها واسع ره تجي الفجر عادي😂😂
ميسم..يا باردة😂😂
سلمت ميسم ع باقي البنات ومشت لي حميدة
ميسم..خويلة
حميدة..اهلاا سلمي هدي خالت المرحوم راجلي
ميسم..اهلااا كيف حالك خويلة
مريم..الحمدلله كيف حالك يا بنيتي مشاءالله هدي كنتك يا حميدة وله
حميدة..ايه هدي كنتي يا خالتي
مريم..مشاءالله مشاءالله
ميسم..سلمك😍😘
مريم..قوليلي
ميسم..نعم
مريم..عندك وخيات اوو😁
ميسم..ايه عندي وخيات
مريم..نبي نخطب لي ولدي
ميسم..اهااا ههههه والله يا خويلة كلهم متزوجات
مريم..لاا الله غالب نصيب هههههه
ميسم..ايه هههه
حميدة..وهدي خالته التانية خولة
ميسم..خير كيف حالك يا خويلة😘
وسلمو ومن هدا الموضوع هههههههـ
ميسم..خويلة نمشي نجيب ارين اني نقدرش نقعمز وهي مش جنبي
حميدة..باهب تلقيني بحدا عمات احمد
ميسم..تمام
مشت ميسم ادور في ارين
ميسم..اريين يا ارييين وينك وعد وين ارين بنتي
وعد..نعرفس ني
ميسم..امالا شن تعرفي😒 اففف وينها البنت هدي
مشت ميسم ادور لقتها ورا الحوش تبكي
ارين..مامااا اهئ اهئ اهئ😭😭
ميسم..اريين😳خيرك
ارين..رحت ني عرفتس وين نمسي اهئ اهئ😭
ميسم..ههههه خلاص تعالي هي بنيتي
احمد كان يدرس في سيارته ونازل سمع صوت بكاء بنته حس بيها خش طول لقاها واقفة ومتغمرتها امها
احمد..ميسم ارين!!
ميسم..احمد؟
احمد..شن اديرو اهني😠
ميسم..طلعت لعب مع الصغار دورتها لقيتها اهني تبكي
احمد. وانتِ وين كنتي
ميسم..خيرك انت كنت نسلم ع الناس وامك قتلي خليها تلعب
احمد..معاد تطلقيها احسن ماتصيرلها حاجة😠
ميسم..هدي اعصابك ومعاد تعيط هكي شن صار يعني ماصار شي
احمد..افرضي حد تاني خش ولقاك بالمنظر هدا😠 خشي امشي ومعاد تطلعي هكي😠
ميسم..معاد تعيط عليا وخاشة😠
خشت ميسم وهي متكنطية حطت بنتها وقعمزت
ليلى..ميسو خيرك
ميسم..اه لا شي
ليلى..واضح من وجهك اشبح من مكلمك
ميسم..اني واحمد فوتي
ليلى..خيركم عاد
ميسم..جاته الهبلة😒
ليلى..😂😂
رندة..سلاام
ميسم..اوووو هدا شنوو😍😍
ليلى..غر بشوية علينا😍😍😍
رندة..تو نجيكم نسلم ع عماتي
سلمت رندة ع الناس وجت قعمزت جنبهم
رندة..تي وينك يا ميسو من يوم الزردة معاد شفنالك وجه
ليلى..عندها الحق من حماتنا الدراه
رندة..😂😂قصدك خايفة ع احمد منها
ميسم..يمشي ياخدها كان يبيها😒مبرده
رندة..تي خيركم
ليلى..كيف تاكينها توا
رندة..معليشي لما تروحي اوفري الميك اب وجو هكي تو يدوب😂😂
ليلى..ايوواه
ميسم..التقعميز معاكم حرام 😱
رندة..هوا انتِ لسة شفتي حااجة😉😂
ليلى..اسمعو نديرو يوم ونتلاقو
ميسم..اي والله قداش ليا معاد طلعت
ليلى..خلاص تم الخميس الجاي معزومين عندي
ميسم..نشوف احمد ونقوللكم
رندة..اني طبعا بدون شك حنجي😂😂 الحوش في الحوش
ليلى..لا بلكي مش حتجي نقتلك
ليلى..وين خوات العروسة ماريتهمش
ميسم..يعولو حتى اني ماريتش غير حور
وطلعت انوار فتحت المسجل ع قوته وبدت عاد تنوض في الناس هي وخواتها ويصفقو وفرحانين ودايرين جو🎉🎊🎆🎇
حميدة..ميسم نوضي ارقصي خيرك مقعمزة نوضي معاهم
ميسم..نتحشم☺
عمت احمد..لالا عندناش كنة تتحشم نوضي مع رندة وليلى هونا واقفين ويصفقو معاهم
ميسم..باهي حاضر
ناضت ميسم وخلت بنتها عند حميدة ومشت تصفق معاهم ودخلوها ورقصوها ودارو جو مع بعض وبعدين خشت العروسة وجو امالي العريس جابولها بيانها واتفقو الرجالة وتم موضوعهم واصبحت سناء خطيبة صلاح❤ وبعد شهر عرسهم💕
سناء كانت برود كلهم مستغربين هدوئها المفاجأ
اسراء..سناء خيرك هدوء وجو ماكنتش متوقعة ردت فعلك هدي بكل😰
سناء..مش هدا اللي تبوه خلاص😒
اسراء..هي اطلعي ماتحشميناش قدام الناس وابتسمي وبيخش يلبسك ردي بالك من حركاتك
سناء..اي اوامر تانية
اسراء..هي تعالي وراي
طلعتها اسراء من الدار..روروروروروروروروري😍😘 حووور جيبي الوشق هيا
البنات..روروروروروروري
طلعوها وفتحو اغاني وهيجو البنات
ميسم..الف مبروك سناء😊
سناء..تريحتي توا!؟اهو صار اللي تتمنيه اصلا انتِ علاش جاية من عزمك؟؟!! انتِ خديتي حبيبي مني كنا متسميين ع بعض فجأة ناض قال لا اني نحب بنت خالتي ونبيها وفيش نصيب تعرفي شن صار فيا يومها نكسر قلبي وبسبب مني بسببك انتِ💔
ميسم..😳نعم! امك قتلي ان القلوب تصافت وسناء اصرت ان نعزموك😕واني مالياش علاقة احمد هو اللي يبيني واني تزوجت تيم وشاء القدر ان يجمعني بي احمد وتوا هوا راجلي وهدا نصيب واحمد مش من نصيبك تقبلي الشي هدا
سناء..الكلام هدا كله مافيش منه وتراه لو سمحتي مانبيش نشوفك اهني😠
ميسم..ميتة عليك يعني اقعدي فيها هه😏
نزلت ميسم خدت حجاتها ومشت خشت لبست وتكلم في احمد
حميدة..شن في يابنتي اني قايلة لي احمد بنباتو
ميسم..لا والله ياخالتي معاد قاعدتها
حميدة..شن في؟
ميسم..تو نحكيلك احمد برا يستنى تروحي غدوا كلميني ننزلك بالسلامة💔✋
ليلى..ميسمم؟؟ شنو في ع اساس بايتين
ميسم..تو نكلمك غدوا ونهدرزو هي مع السلامة
طلعت ميسم وركبت بنتها من الخلف وركبت هيا من قدام وماتكلمتش ولا كلمة
احمد..خيرك شن في؟
ميسم..روح بيا توا
احمد..باهي شن في
ميسم..قتلك روح بيا😠
روح بيها احمد وخشو للحوش نحت ميسم عبايتها ولوحتها ع الصالون وقعمزت قعدت شادة راسها وتحاول تبعد فكرت انها كسرت قلب بنت بس هي شن ليها علاقة قعدت حاطة راسها بين يديها
احمد قعمز جنبها حط  يده ع ظهرها..حبيبتي قوليلي خيرك شن في
ميسم..حول يدك من عليا
احمد..قولي خيرك شن فيي
ميسم..اني اني تهزبني وحدة وتقولي خديتي مني حبيبي وكنا متسميين ع بعض انييي اني بنت تقولي كسرتيلي قلبي انييي ؟؟ علاش اني شن درت شنن درت؟؟؟ ولا انت تكشخ تعيط عليا شن درتلك اني كلكم جيتو عليا😭😭
تيم..ماما حيلت (خيرك)
احمد..ماما تعبانة حبيبي شد يد اختك وبرو لي داركم العبو
تيم..باه
جي احمد مقابل ميسم وقعمز ع الارض نحالها يديها من ع وجهها
ميسم احمد..خليني
احمد..تعالي
ميسم..يا احممد
جبدها احمد نزلها لوطة وحضنها..اسف
ميسم تبكي وبالعبرة اذكرت تيم حركت احمد ذكرتها بي تيم قعدت تبكي اكتر واكتر
احمد..حبيبتي الموضوع مش مستاهل اني وقتها كنت متعفلق لانة عمي حط كل شيء على راسي والباقي مافيش واحد يتحرك وجت الفشة فيكم اسف مكانش قصدي وهدي سناء مادوريهاش هيا كانت معيشة روحها في وهم اني كنت طول حياتي نراقب فيك انتِ وبس حافظك شن تحبي وشن ماتحبيش شن تحسي كل شي كل شي نعرفه نعرفك اكتر من تعرفيني نحبك اكتر من حبك ليا عارفك تعودتي عليا وتحبيني وتخافي عليا وتغاري عليا بس مش زي حبك لي تيم ومع هدا راضي المهم انك تقبلتيني وحبيتيني حتى لو مش زي حبك ليه لانة هو حبك الاول واني نحترم الشي هدا زي ما انتِ حبي الاول ويا ميسومتي بطلي تفكري في الحاجات هدي اني نحبك انتِ وليك انتِ واهو سناء خلاص بح تو ايام وتتعود ع راجلها لانه كويس ويبيها وربي يهنيها واهي سناء طلعت من حياتنا والخوف اللي كنتي عايشتيه نحيه
ميسم هدت وقعدت تسمعله لين رقدت في حضنه😍🙈
احمد..محلاك ياعمري ربي يحفظك ليا ومايحرمني منك حلوة بكل اوقاتك❤
قامها احمد ونوضها بدلت حوايجها وغسلت وجهها وخشت رقدت ع طول خش احمد جايب العشي لقاها راقدة
احمد..ياروحي تعبانة خلي نمشي ناكل في المطبخ
كلي احمد وطلع شاف الصغار لقاهم راقدين غطاهم وطلع خش لي داره رقد😴 لعند الصبح
ميسم ناضت تجري للحمام استفرغت اللي في بطنها كله وطلعت دايخة لقت احمد مهناش عرفاته في الخدمة
ميسم..اااه يا بطني
أرين..ماما ماما
ميسم..حولي يا ماما خليني مريضة اني
تيم..ماما حيلت يا ماما
ميسم..بطني يا ماما تعالو ارقدو بحداي
ركبو فوق السرير وقعمزو يلعبو مع بعضهم بحداها وهيا دروة دورة تنوض تستفرغ
فونها يشرين
ميسم..الو😣
ليلى..ايواا
ميسم..ها
ليلى..ميسم خيره صوتك
ميسم..تعبانة
ليلى..خيركك
ميسم..مش عارفة دايخة الدنيا ادور بيا ومش قادرة نوقف
ليلى..باه كلمي احمد
ميسم..نقولك دنيا كلها مدغدشة قدامي 😩😩
ليلى..خلاص خلاص تو يكلمه علي هي شوية بسس
ليلى..علي علي نووض
علي..ها ها شن في
ليلى..عندك رقم احمد
علي..من احمد
ليلى..تي احمد ولد خالك
علي..خيره
ليلى..اتصلت بمرته دوب ماترد عليا تعبانة كلمه قوله يروحلها بروحها في الحوش
علي..اوووف الصبر ايواا
احمد..عندي خدمة اختصر
علي..سيب الي في يدك مرتك تعبانة وبرا شوفها
احمد..كيفف
علي..زي ما قتلك مش وقت نشرحلك برا شوفها
تتصل ليلى بي ميسم بس ماتردش عليها
ميسم كانت دايخة ومش قادرة توقف تسمع في الفون بس مش قادرة تمد حتى يدها😖
ليلى..ربي يستر ماتردشش
علي..مشالها احمد ريحي بالك اكيد مريضة واخدة بردة
ليلى..باهي اللي كلمتها😢
علي..ان شاءالله خير وتيلي حوايجي بنخش اندوش
ليلى..اوك 😣
وتتله ليلى حوايجه وقعدت تتصل بي ميسم لارد
لين وصل احمد للحوش خش لقي ميسم ع السرير والصغار يعيطو
احمد..ميسم ميسم حبيبتي ميسم
قامها احمد لبسها ونزلها حطها في السيارة وركب لبس الصغار وحطهم معاه ومشي يجري للمستشفى دخلها لي الطوارئ ونزل الصغار معاه وقعد حاصل فيهم طلعت الدكتورة
احمد..شن في يادكتورة؟
الدكتورة..بنديرولها شوية تحاليل وخير بإذن الله😘
دارولها تحاليل وطلعت حامل😍
الدكتورة..مبروك المدام حامل
احمد..😍😍الله يبارك فيك يا دكتورة
الدكتورة..بس حملها المرة هدي صعب لازم ترتاح وماتتحركش وماتلبسش الكعب وتاخد الفيتامينات هدم ضروري حتى تقوي روحها وتاكل هلبا خليها ونعاود ونقول ماتخليهاش تتحرك هلبا👌 وهيا واخدة بردة خليها تحت الملاحظة وغدوا تطلع
احمد..بارك الله فيك بإذن الله انفد اللي قلتيهولي
تررن تررن
علي..ها شن صار معاك
احمد..قولي مبروك بنولي بابا مرة تانية
علي..اوووه الف مبروك يا غالي
احمد..عقباليك عليوة
علي..ان شاءالله يارب❤
احمد..قتلك هوا مافي حد يعرف بالموضوع ومانبي نرعش حد تجي تاخد الصغار
علي..اوك تمام تو نجيك هي
ليلى..شنو
علي..مرته حامل
ليلى..الله😍😍مشاءالله هدا تالت بيبي
علي..عقبالينا😘
ليلى..امين يارب
ليلى..ارفعني عليوة معاك ناخدولها هدية ونمشولها
علي..من امتى صحبة انتم؟
ليلى..من لما مشينا للإستراحة
علي..اهااا باه هي وتي روحك طالع شوية وجايك نشرينلك معناها انزلي
ليلى..اوك
خشت ليلى بدلت وطلعت
نزلت لقت عزوزتها في الجنان
ليلى..عميمة كيف حالك😘
عزوزتها..الحمدلله باين عليك تنزلي
ليلى..والله بننزل وع اساس بنطيب الغدي
عزوزتها..وشن صار توا ووين طالعة
شرين علي في وقتها
ليلى..اهو طالعة هي ..ماشيين نزورو ميسم
عزوزتها..كنة حميدة؟
ليلى..ايه
عزوزتها..خيرها
ليلى..مرضت خليها بيننا مايبي يرعش حد احمد تو نروح ونحكيلك اني كيف عرفت
طلعت من قبل ماتتكلم عزوزتها وركبت
علي..هدا كله شن اديري ونقصي من الاحمر اللي دايرتيه والا نحيه بكل😠
ليلى مسحت الروج وتتكلم..امك لقيتها في الجنان شن نمشي ونخليها؟ قعدت تكلم فيا
علي..باهي
مشو وقعدو ساكتين لين وصلو
ليلى..قبل مانركبولهم
علي..شنو
ليلى..نبي نديرو تحاليل
علي..على شنو
ليلى..عليوة عاد شوف اني شاكة ان في حمل بس نبي نديرو تحاليل ونتأكدو
علي..باهي
مشو ونزلو دارو تحاليل وركبو لي احمد
احمد..عطلتو يا راجل
علي..كنت لوطة نديرو في شوية تحاليل
احمد..شن في 😳
علي..بعد نتأكد نقولك😉
خشت ليلى لي ميسم
ليلى..ميسو حبيبتي كيف حالك
ميسم..الحمدلله وانتِ
ليلى..الحمدلله كيف درت تحاليل لوطة
ميسم..تحاليل شنو
ليلى..حمممل😍😍
ميسم ..قولي والله😍
ليلى..مش معروف بكري قريت عن اعراضه وفي من حجات نحس فيهم الفترة هدي وجايتني على النوم😴😴هللبة تعرفي
ميسم..ان شاءالله ربي يرزقكم بالذرية الصالحة😍
ليلى..يارب😍
خش احمد قال لي ليلى ان علي قاللها هيا طلعت ليلى نزلو خشو للدكتورة وعطوها التحاليل
الدكتورة..اممم اممم
ليلى..شن في😳
علي..😨
الدكتورة..هههههههه خيركم
ليلى..ع اعصابي راه قولي😢
الدكتورة..لا عاد نبوكش تتعصبي توا في بيبي ونبو صحته كويسة😉
علي..ءءء وضحي دكتورة😳
الدكتورة..مبرووك المدام حامل😂
ليلى..😍😍😍
طلعو فرحانين وجوهم حلو ركبو خدو الصغار
ارين..امو لي نبي لاتة (عمو علي نبي شكلاتة)
علي..حااااضر
تيم..استي عيب (اسكتي عيب)
علي..وانت تبي
تيم..لالا ثكرا 😁
نزل علي جابلهم شكاليط😍😍 لي الصغار ولي ليلى وروحو للحوش نزلو الصغار ركبهم علي وليلى مشت خشت لي عزوزتها
ليلى..السلام عليكم
عزوزتها..وعليكم السلام باهي اللي شرفتي وينكم
سهيلة..كانو يدهورو ماقالولكش اطلعي معانا حتى بالكدب😒
ليلى..حرام عليك ديما ظالمتيني
عزوزتها..اي والله شكلكم ماليينها برا ومروحين وماتقولو في ناس معانا نرفعوهم
ليلى..حرام عليكم خلوني نكمل كلامي
سهيلة..شن بتكملي اكدبي علينا هي
ليلى..الحق فيا اني اصلا خدت شنطتها وبتركب
سهيلة..ريتيها يمى هدي والله ماتطلع الا دايرتله خطين😏ولدك حتى الخشان ماخشش
ليلى..كونش انتِ اديري فيه راه الناس مش زيك
وطلعت وركبت تبكي💔كانت فرحانة وتبي تفرحهم لكن لقتهم مايستحقوش اي اهمية منها
علي..خيرك
ليلى..برا شوف امك واختك
علي..خيركم عاااد
ليلى..خاشة بنفرحهم ماخلو ماقالولي😭😭شن درتلهم اني
خشت للدار تبكي
علي..حبيبتي خلاص عاد ياسر بكيمش كويس ليك ولي البيبي هيا عاد ياعمري
ارين..للا حيلت (ليلى خيرك)
علي..مريضة ياعمو
تيم..حيلها خويلة تبكي
علي..نوضي ها شوفي الصغار
ليلى مسحت دموعها..شي يا خويلة
تيم..عاس تبكي اتِ حوة ( معاش تبكي انتِ حلوة)
علي..ريتي معاش يتحشم هههههه
ليلى..هههههههه
علي..ايوواه اهيا الضحكة هي نوضي غيري حوايجك اني نازل شوية ونجي
ليلى..عليوة بالله ماتكلمهم
علي..مش حل هكي
ليلى..الله غالب امك مرا كبيرة ونسايرها وسهيلة سيورها بتتزوج
علي..يصير خير هي نوضي بدلي واهو الصغار جنبك شوية ونجي اني نطلع نشري شوية حجات
ليلى..اوك نحبك❤
علي..احمم
ليلى..حييي نسيت هههههه
ارين..امو لي حبت (عمو علي نحبك)
علي..نموت فيها اني ارونة
ارين طلعت لسانها لي ليلى😛يحبني ني بث
ليلى..هههههههه
علي..هههههههههههه هي ماشي
طلع علي نزل خش للحوش لقي امه واخته خلا روحه طبيعي وماباش يدير مشكلة
علي..يمى ليلى حامل
امه..اشي تو كانت جنبنا مابتش تقول خايفة نحسدوها والا شنو وناخدو بالعين
علي..هي كانت بتقوللكم بس انتم ماخليتولهاش فرصة ويشبح لي سهيلة وكانت خايفة منه
امه..مبارك عليك ياوليدي اني شن نتمنالك كان الفرح😘
علي..هي تبو حاجة
امه..سلامتك
علي..اي حقا صغار احمد عندنا مرته تعبت شوية ومباش يقول لي حد باش ماتنشغلوش وحتى هيا حامل
امه..باهي تو نمشولها بعد تطلع
علي..ماشي
سهيلة..حامل ميسم؟
امها..ايه
سهيلة..اففف مانحبهاش المخلوقة هدي اني ..نايضة نقرا
امها..امتى بتتخرجي
سهيلة..مزالت سنة
امها..على خير
خشت سهيلة تقرا
.
.
.
.
مها..حبيبي
محمد..عيونه
مها..هي نمشو لي عميمة ليا اسبوعين مامشيتش
محمد..وكان تتعاركو
مها..لالا
محمد..باه وتي روحك
ناضت مها لبست وطلعت هي ومحمد ومشو لي امه
غالية..اهلا اهلا كيف حالك
مها..الحمدلله ياعميمة وانتِ
غالية..بخير والله
محمد..امييي شن غداكم
غالية..مش متغدي؟!!
محمد..لا الحمدلله غر خاطري في حاجة من يدياتك
غالية..هونا مخلية صونية كسكسي قلت تو يجي حد من الاولاد من نصيبك 
محمد..الله قداش ليا على ماكلتك😍😍
مها..صحيحة تو انوض نحطهولك
ناضت مها وتتله السفرة وجي قعمز ياكل
غالية..نوضي كولي بلكي خاطرك
مها..والله خاطري فيه
غالية..نوضي نوضي😂
ناضت مها تجري خدت كرسي وقعمزت تاكل
محمد..من عزمك😒ماتاكليشي كله شوفي ها اهي الماكلة الصح مش زي ماكلتك
مها..عزمت روحي بروحي😒وكل واحد وشن تطييبه اني هدا ماعاطيني ربي😉
قعدو ياكلو ويتسهوكو ع بعض جت قعمزت بحداهم غالية وقعدو يهدرزو وكانت غالية متغيرة هلباااا
روحو محمد ومها
مها..امك هلبا تغيرت ع قبل وله
محمد..ايه
مها..حسيت بيها
محمد..الحمدلله
مها..ايه الحمدلله😊
.
.
.
.
.
ميسم..حميدا غريبة امك ماجتش
احمد..قبل بتجي مابيتش نخليها قتلها غدوا مروحة
ميسم..ايه مش لازم اتعب روحها
وجي تاني يوم روحو خدو الصغار من علي وروحو للحوش
حميدة..الحمدلله ع سلامتك يابنتي😘
ميسم..الله يسلمك ياخويلة😍😘
ارين..نينة ثوفي في بيبي هني😍
حميدة..حقا😍
ميسم..ههههههههه ايه😍😘
حميدة..مبروك يابنيتي
ميسم..يبارك فيك خويلة
حميدة..هي قعمزو مدايرتلكم غدي كسكي بالبصلة تاكلو وراه صوابعكم
ميسم..هههههه تمام
.
.
.
هنادي..محمد
محمد..نعم
هنادي..قول لي ولادك يروحو ياسر
محمد..كيف
هنادي..والله اخي العيشة من غيرهم ع الاقل يعبولنا الحوش
محمد..اي والله اني بروحي تعبت في الخدمة بروحي
هنادي..ياسر خليهم يروحو💔
محمد..تو نشوفهم وامجد كمل قرايته شن مزال قاعد غادي
هنادي..ياسر اني تعبت نبي كنايني جنبي خليهم يروحو واني كل مانمشي لي مكان يقولولي وين كناينك زي قلتهم دايرتهم
محمد..ههههه واني يقولولي وين ولادك 💔خلو مكانهم
.
.
.
.
امجد..استاحشت امي تعرفي والعيلة وخواتي💔😔
اميرة..حتى اني الغربة صعبة💔
امجد..شن رايك نروحو
اميرة..ياريت💔
امجد..لكن احني رتبنا حياتنا ع اساس اهني
اميرة..دبر كيف ونروحو💔
امجد..تو نشوف
.
.
.
.
هناء..اننس خلينا نديرو زيارة
انس..وين
هناء..لي ليبيا عييت اني منها الغربة استاحشت امي خوي عيلتي جمعتنا مع بعض😢
انس..والله ياعمري حتى اني بس انتِ تشوفي خدمة وشركة بوي امأمني عليها اهني نقدرش نمشي ونسيبها خلي احمد يجي يرفعك تشوفيهم وتزوريهم وتغيري جوك وتولي شن رايك
هناء..لالا يامعاك يا لا☺
انس..علااش
هناء..نخليكش مع التركيات اني😒
انس..😂😂مهبولة لحضة بس بوي يتصل
محمد..ايواا
انس..ها بوي كيف الحال
محمد..الحمدلله ياولدي وانتم
انس..الحمدلله بخير كيف حال امي و خواتي
محمد..كويسين اما امك لا
انس وقف..خيرها😳
محمد..هههههه ماتخافش مش مريضة لكن مستاحشة
انس..خلعتني والله حتى احني شن بنقولك الغربة متعبتنا
محمد..واني هدا باش متصل نبيك تجي وتعيش في بلادك وسط ناسك واحبابك يا ولدي ياسركم غربة وخليك اهني معاي تعاوني زي انت زي خوك امجد اني تعبت بروحي 💔
انس..واللي اهني يابوي
محمد..حندبروله حل😁زي ماكان قبل
انس..مداما هكي مستعد من غدوا
محمد..شكلك ماتبيش😂😂
انس..والله كيف كنت نهدرز اني وهناء ع الموضوع هدا
محمد..اي خلاص اني قتلك نظم امورك وروح ياسر
انس..عطيني شهر بس
محمد..تمام خلي نكلم امجد
انس..اوك
سكرو من بعض وشاف لي هناء لقاها من عيونها الفرحة
هناء..😍حس بينا
انس..😂😂كان في طيارة توا راهو لقيتك مكعبشة فيها
هناء..اي والله استاحشت كل شي فيها ليبيا صحباتي بنات العيلة الكل الكل
انس..اي والله حتى اني😊
.
.
.
.
ناض امجد من النوم ع اتصال من بوه رد عليه وهدرز معاه وقاله زي ماقال لي انس ( اختصار😂)
.
.
.
.
محمد..ارتحتي توا؟
هنادي..الله يريحك زي ماريحتني
محمد..ربي ييريحك ويريحهم ويهنيهم
هنادي..ياااااارب
.
.
.
.
ميسم..حبيبي
احمد..عيونه
ميسم..خاطري في عنب
احمد..وين بنلقاه توا
ميسم..دبر
احمد..فوتيني
ميسم..تو يطلع عنقود عنب في وجه البيبي بعدين قول ياريتني😒
احمد..هي هي طالع
ميسم..هههههه لما نهبلك😜
قعد احمد يدور لعند مالقي خداه وروح قعدت ميسم تاكل لين كملاته وخشت رقدت
.
.
.
.
.
سناء..اهلين صلاح
صلاح..ياهلا سناء كيف حالك
سناء..الحمدلله😒
صلاح..امس استنيتك تتصلي
سناء..رقدت
صلاح..اهااا كويس
سناء..صلاح انت####يتبع
صلاح..😳😳 #يتبع
.
.
.
.
.
حور..اهلين حبيبي😍😍
جهاد..اهلين بيك ياعسل
حور..شن الجو
جهاد..الحمدلله وانتِ
حور..كويسة الحمدلله وينك اليوم؟
جهاد..والله ماكنت فاضي ياقلبي
حور..في اهم مني ؟
جهاد بعد الفون وبعدين رده..لا مش هكي حبيبتي
حور..اممم بااه
جهاد..قتلك بنرقد اني توا
حور..مسرع😣
جهاد..تعبان وبنرقد هي تصبحي على خير
حور..اوك وانت من اهله حبي
سكر جهاد منها وقعد يفكر هل اللي يدير فيه صح او لا وسكرت حور وقعدت تفكر✨
.
.
.
.
ان شاءالله تنال اعجابكم ياربي
😍😘😘 #حنو