قصة فراق ( روايات ليبية )

حلقة 21 🔥

#قصة_فراقـ💔
.
.
.
.
الحلقة 21🚩
.
.
.
.
ميسم..سمعت من امك ان سناء مصارش منها😒
احمد..واللهي جديات؟😳
ميسم..هكي امك قالت
احمد..باهي ماعندهاش فيه نصيب وشن دخلنا فيها توا احني خلينا في حالنا😕
ميسم..باه😕
احمد..ميسو حبيبتي اني سناء بنت عمي ومش مفكر فيها بكل فاهمة انتِ هي مرتي وحبيبتي بسس وهي بنت عمي بس
ميسم..☺😍نحبك
احمد..حتى اني نحبك❤
.
.
.
.
سناء..اني لازم نتخلص منها اللي اسمها ميسم هدي😠 بس كييف
.
.
.
بعد ايام
ميسم..حميدا خميس اليوم نبي نمشي لي حوشنا خواتي غادي😘
احمد..باهي حاضر نتغدا ونرفعك
ميسم..اوك
حطت ميسم الغدي وتغدو مع بعض وبدلت ميسم للصغار وليها واحمد رقد شوية وبعدين
ميسم..حبيبي هيا نوض
احمد..باهي
ناض احمد صلا وبدل ورفعهم لي حوش امالي ميسم وهو مشي لي صحابه
قعدت ميسم تهدرز وجوها مليح
.
.
.
سناء..ها شن صار
هو..رفعها لي حوش اماليها على ما اعتقد
سناء..صوره وابعته وتو نقولك حوش اماليها او لا
صوره وبعتهولها
سناء..ايه حوش اماليها
هو..باه شن يصير
سناء..اني احمد مانبيشي يتضرر لا هوا ولا الصغار نبيها هيا بس
هو..يعني لما تطلع نضربها بالسيارة
سناء..بالزبط
هو..لحضة بس طالعة هيا في سيارة ومعاها مرا كبيرة
سناء..قول والله
هو..والله
سناء..اكيد امها هدي خليك وراهم
هو..اوك
سناء..ولو قعدت بروحها دير حل باش ادير هي حادت 😏
هو..اكيد نعجبك ره هي تشاو
سناء..تشاو 😏
.
.
.
ميسم..ايوا حميدا
احمد..ها حبيبتي
ميسم..قتلك ماما تبيني نوصلها لي خالتي نرفعها ونولي باهي
احمد..لا
ميسم..خالتي مريضة وضروري تمشيلها بالله عليك
احمد..مش مطمن بس باهي ديري بالك وحطيها وروحي طوول فاهمة
ميسم..اوك حاضر 😍
ميسم..هيا ماما ميار ديري بالك عليهم
ولت ميسم باست ولدها وبنتها وكانت مضايقة ومش عارفة خيرها 😶
ركبت السيارة ومشت لي حوش خالتها حطت امها نزلت سلمت قعدت شوية وطلعت خلت امها وهي مروحة تشوف في سيارة نفسها اللي كانت وراها قبل 🚗
ميسم..تي شن يبي هدا😣 ناقصني
قعدت ميسم تجري وهو يجري ويضايق فيها هلبا لعند ماخشت في سيارة قدامها ونقلبت بيها السيارة💔
.
.
.
احمد..كنت حاس بنخصة في قلبي ومش مرتاح💔 بكل من لما قالتلي فيها ميسم انها ابترفع امها واني بالي مشغول لين ما قلت خلي نتصل بيها ونطمن نتصل قريب 5 مرات مقفل مقفل انشغلت عليها هلبا اتصلت بي اختها وقتلي ماروحتش ونسمع في الصغار يتعايطو جنبهم زدت اضايقت اتصلت بي امها قتلي طلعت من بكري وينك يا ميسم وين مشيتي طلعت بالسيارة واني زي المجنون نتصلو مقفل مشيت لي حوشهم واني نستنى فيها
ميار..يناري احمد برا في الشمس ابعتيله مع ولدك اميا يبرد فيها غر وين مشت البنت هدي بس😰
روح محمد ولقي احمد مشغول..احمد! خيرك ميسم فيها حاجة؟ والله قلبي من بكري مقبوض 😰
احمد..ياعمي ميسم مش مبينة من بكري وماعرفتش شن ندير ايديا ورجليا تربطو ياعمي
محمد..اركب اركب السيارة
ركبو السيارة وطلعو في الطريق يدورو ومشو نفس طريق ميسم لقو سيارة مقلوبة وزحمة
احمد..وقففف وقففف هدي سيارة مييسم وقف ياعمي😨😨
وقف محمد ونزلو بسرعة ويسمع احمد في الناس يقولو لا اله الا الله لا اله الا الله احمد خاف اللي متوقعه يكون صح شاف لقي ميسم كلها دم كيف مطلعينها من السيارة
احمد..ميسسم ميسمم ردي عليا ماتمشيش 😰
محمد..بننتي بنتي ميسم شن صار خيرها بنتي
الراجل..قاعدة حية ياراجل خلي نحطوها في السيارة ونرفعوها ونكلمو ناسها
محمد..هدي بنتي هي حطوها اهني بسرررعة
محمد كان مش قادر يتحرك زين من الرعشة مش عارف روحه شن يدير احمد قام ميسم وماحسش بتقلها بكل حطها في السيارة وركب جنبها وساق بيهم الراجل ومحمد ركب قدام رفعهم للمستشفى نزل احمد وفي غمره ميسم..ساعدووووني😭😭 بالله عليكم ساعدوووني مرتي ابتمشي من بين يديااا اهئ اهئ
كان احمد يعيط عليهم واول مرة يبكي كأنه طفل وامه بتسيبه كانو كلهم مصدومين من شكله كان شاد ميسم اللي كلها دم ويبكي ويعيط عليهم ومحمد راعش مش قادر يوقف خش وقعمز كانت صدمة ليه جو الدكاترة وجابو سرير حطوها فيه ورفعوها طول للعمليات كانت ميسم متضررة هلبا لدرجة ان فاقدين منها الامل
احمد مقعمز قدام غرفة العمليات ويبكي زي البيبي الصغير اللي خدو منه لعبته💔كان قلبه يتقطع ومنضرها مباش يمشي من عيونه يشبح لي يديه اللي معبيين بدمها
محمد دخلوه في غرفة وعطوه مهدء لانه كان مصدوم ومش قادر لا يتكلم ولا شي يتصلو بيهم ومافيش حد يرد ميار ومياس ومها انشغلو هلبا عليهم وتيم و أرين كانو طول الوقت وهما يبكو ومابوش يسكتو كانو الخوات يشبحو لي بعضهم وخايفين ان اللي في بالهم يصير
هنادي كانت تهدرز ومضايقة وفي ضيقة في قلبها ومش عارفة روحها خيرها كانت مرتاحة فجأة نخصها قلبها بس مابتش تبين قدام خواتها قعدت ساكتة وتفكر اتصلت بي بناتها بس مافيش حد يرد اتصلت بي ميسم الرقم المطلوب مقفل خافت ع ميسم وقعدت مش مرتاحة بكل 💔 قلب الام😣
.
.
.
احمد كان مقعمز والعبرة تخنق فيه جاته ممرضة وجابتله اميا
..ياخوي انت من بكري هكي خودلك اميا اشرب شوية حرام عليك اللي ادير فيه ره💔
احمد..مرتي هدي حبيبتي من ونحنا صغار واني نحبها وتوا تقوليلي حرام عليك 💔
..حاضر خلاص اني حنخش ونشوف شن الاوضاع ونطلع نطمنك بس خلاص لازم تكون قوي مش هكي ادير
احمد..بالله عليك خشي وطمنيني عليها وراس وخيتي 💔
خشت الممرضة وسئلت عن حالتها وطلعت لي احمد
الممرضة..واللهي ياخوي مرتك عندها نزيف لانة الحادث كان قوي و عندها رجلها اتكسرت ويديها الزوز وعيونها خش فيهم المرش ياخوي ان شاءالله تسلم منها مرتك لانة حادثها باين عليه قوي هلبا ربي ينوضهالكم ياربي
احمد..بارك الله فيك ان شاءالله
الممرضة..وماتخافش الدكتور هدا شاطر هلبا ان شاءالله مرتك حتنوض بإذن الله 😊
احمد..ان شاءالله💔
.
.
.
مشي احمد قعمز بحدا بو ميسم اللي كان راقد يسمع في فونه يتصل شافه لقاها ميار
احمد بصوت مبحوح ..ايوا ميار
ميار..احمدد وينكم وراس امك من بكري واحني نتصلو وين بوي ووين ميسم لعند توا ماجتش ره
احمد..ميار ميسم حالها باهي اهي معانا تو نكلمك هي
سكر منها واتصل بي محمد راجل مها وقاله باش يجيبهم للمستشفى مشي محمد يجري للحوش ركبهم وقاللهم في السيارة ومشي بيهم للمستشفى مشو خشو يجرو للمستشفى لقو احمد
ميار..احمد احمد وينها ميسم وينها تكذب علينا صح ووخيره بووي شن فيه قوللنا😳😢
احمد..بوكم داخ وكان مصدوم واعصابه انهارت ف داروله مهدء وميسم
مياس..اييي وميسسم
احمد..ميسم في العمليات انقلبت بيها السيارة
مها..ووه عليا وخيييتي 😱 شن صارلهااا
احمد..انضرت هلبا وان شاءالله خير ادعولها😞
كانو الصغار معاهم محمد.. اني بنزل الصغار لوطة لين يجو ابهاتهم
مها..احسن مادير
قعدو مقعمزين ويستنو في ميسم تطلع من العملية كانت هلبا طويلة
اتصلت هنادي بي بنتها مياس
مياس..😳ماما
ميار..اووف ماقلنالهاش كيف بنديرو توا
جي راجل مياس
مياس..جابك ربي هي نمشو لي ماما ماتعرفش بالموضوع بكل
نادر..هي
مشو لي ام ميسم جابوها وجو وكانت حالتها حالة تبكي وقريب تموت ع بنتها كان الكل في المستشفى الصغار رفعوهم لي حوش جدودهم
.
.
.
عند ميسم كانت تحت العملية والدكتور تعب معاها هلبا لانة عمليتها طولت
ميسم كانت في غيبوبة
ميسم..ت ت تيمم 😍
تيم..انتِ شن تبي
ميسم..تيم اني ميسم خيرك
تيم..ميسم اللي نعرفها ماتسيبش ولدنا يتيم
ميسم..بس اني نبي نمشيلك معاد نبي نقعد معاهم نبيك انت تيم اني مش مصدقة انت قدامي
تيم..حتى اني نبيك بس مانبيش نرفعك معاي خليك مع ولدنا ومع احمد وبنتك هما يحبوك اني خلاص متت
ميسم..بس نبي نقعد معاك
تيم..قتلك خلاص بري تخليش تيم يتيم
مشي تيم واختفي من قدام ميسم قعمزت ميسم تبكي
احمد..حبيبتي خيرها تبكي
ميسم..اهئ اهئ
احمد..خلاص عاد هي تعالي معانا تيم و ارونة من بكري يبكو يستنو فيك حرام عليك ماتخليناش
ميسم شدت يد احمد ومشت معاه
فتحت عيونها لقت روحها في غرفة كلها بيضاء وتقدرش حتى تحرك راسها شبحت شوية لقت اجهزة عليها وحجات وتسمع في صوت  _\/__\/\/______\/\/__\/\/\/\/___
كانت ميسم تشوف ومش فاهمة شي وتحس في روحها كلها تعبانة لين ماشافت الدكتور خاش ومعاه الممرضة شبحتلهم وعقدت حواجبها
الدكتور..تخافيش انتِ في المستشفى صارلك حادت والحمدلله نجيتي منه بي اعجووبة وحالتك توا مستقرة
ميسم.. #يتبع
.
.
.
.
ان شاء الله تكون نالت اعجابكم😍😘ياربي 🙏 #حنو