قصـة_فراقـ💔
.
.
.
.
الحلقة 28🔖
.
.
.
.
.
مها..ايه بكري قبل مانركب طلبته
خش محمد رقد بعد حطه ع الطاولة
مشت مها خدت الحجات اللي جايبينهم
وقعدت تاكل لانها تحب الحلو ولانها متعفلقة فشت غلها فيه وبعد شبعت خدت حوايجها وخشت دوشت ولبست بيجامتها ورقدت حتى هيا ناضو تاني يوم امخر✨
.
.
.
سناء..ها شن تبي قتلك مافيش فلوس شن فكرك فيا انت باش معاد تتصل😡
وليد..يا اما تعطيني الفلوس يا اما تجيني اهني ليلة مع بعضنا😉 يا اما نقول لي بوك وانتِ تعرفيني مانقصرش😉
سناء انصدمت..ءءء انت شن تقوول😳
وليد..ومع هدا نبي ضعفهم الفلوس
سناء..تي من وين بنلقاهم
وليد..زي ماقتلك هي تشاوو هههههههععع
سناء قعدت تبكي
اسراء..سنو خيرك تبكي شن في😳
سناء مسحت دموعها..ولا شي😢
اسراء..باه هي تعالي تعشي جبت معاي عشي من برا بايتة عندكم
سناء..الله باهي هي جاية
نزلو البنات وتعشو
اسراء..زعما صلاح وصل؟
سناء..علاش وين؟
اسراء..مشي هو وصاحبه سافر لي تركيا
سناء..ومخليتيه؟
اسراء..خيرك ياغبية ماه ديمة يسافر مرات نمشي معاه ومرات نفوت ع الجو وهو يعني يتاجر
سناء..اه باه من من صحابه
اسراء..اللي خطبك😉
سناء..اي حق خطب؟
اسراء..ايه قريب عرسه
فاتن..كانك قعدتي راه عرسكم قريب😒
سناء..ربي يهنيه😏مش خاشلي راس
اسراء..تو نشوفوه اللي بياخدك😒😉
حور..خاطري نشوف شكله وحق ربي 😂😂
ادم..حويلة حبت
حور..ياوخييتي سلمه ولد خويلة😍
ادم..☺☺
ركبت سناء وخشت لي دارها قعمزت تفكر كيف بدير في مصيبتها اللي جت ع راسها والمشكلة ماحصلتش فايدة منها وفلوس ماعندهاش ومشي مستحيل تمشيله كيف بديرر؟؟
سناء..ايوا نعم😕
وليد..وتيتي فلوسك اني قدام حوشكم ره 😁
سناء..نننعم😳😨
فتحت الروشن ولقاته قدامها واقف بسيارته
وليد..هيا ماتعطلينيش
سناء..بس اني ماعنديش المبلغ اللي قلتلي عليه😰
وليد..معناها اطلعي معاي ومش حنعطلو😉😈
سناء..تتتي شن تقووول انت😱في احلامك والله
وليد..كنتي فكري وقت قتلك هاتي الفلوس وانتِ ماتبيش وتوا ضعفهم وماتبيش وقتلك حل تاني ماتبيش الحل الاخير اهو نشبح في بوك توا خاش للحوش شن رايك نقدم ونمشي نقوله ع كككل شي😁وينصدم ببنته😉
سناء..حتى كان قتله بيضربوني صح وبنتعذب منهم صحح بس في النهاية اهلي مش حيلوحوني في الشارع😉
وليد مسح ع وجهه لانها استفزاته..معناها تطلعي معاي
سناء..قتتتلك لاااااا😡
وليد..باه عندي ليك خيار رابع يا اما تطلعي معاي يا اما اختك حوور باي باي عليها😉
سناء..ننننننعم😡انت ماليكش علاقة بعيلتي مشكلتك معاي اني
وليد..وانتِ ماتبيش باه كل المحاولات معاك باتت بالفشل هدا اخرلك حل وهي غدوا بنجي في نفس هالمكان ره وعندك مهلة هي تشاو😉
مشي 💨
سناء..حي عليا حي عليا شن ندير😣😣
وقعدت تبكي وتفكر لو طلبت من بوها واختها اسراء وعايدة وكلهم مش حيكفو مبلغ كبير ومستحيل تسدده بس كيف حدير سنااء!!😉
.
.
.
ميسم..حميدا
احمد..ها
ميسم..نوض ياسرك نوم حي عليك اتأخرت
احمد..مش ماشي واخد اجازة سبوع
ميسم فنصت عيونها..شنووو علااش😳
احمد..تعبت قلت خلي نرتاح😣
ميسم..امباه كمل نومتك اني بنوض ندير دورا ع الحوش تبي تفطر وتولي ترقد
احمد..لالا طفي الضي بس وخليني😴
ميسم..حاضر😌
طلعت ميسم وخلاته راقد هو وارين😴 ومشت لقت تيم نايض يلعب بي العابه
ميسم..حبيب الماما نايض 😘
تيم..ماما ابي دوس (نبي دوش)
ميسم..حاضر هي تعالى
خشت دوشتله وبدلتله وضمت داره وقعد يلعب بروحه خشت هيا دوشت وبدلت ومشت ضمت الحوش ونشفاته ودارت فطور وخشت غسلت اطرافها وطلعت لقت احمد نايض مقعمز
ميسم..صباحو ياحلو😘
احمد..😊😌احلى نومة
ميسم..ههههههـ نوم العوافي هي نوض دوش واهو حوايجك تو نوتيهملك
احمد باسها ع خدها..حاضر❤
خش احمد يدوش وميسم وتتله حوايجه وحطتهم ع السرير ولقت ارين نايضة وتلعب قامتها ودخلتها دوشتلها وبدلتلها وخلتها تلعب مع تيم💕
فطرتهم وخلتهم يلعبو وجت فطرت هي واحمد
ميسم..بتطلع؟
احمد..والله ماعندي نية نبي نرتاح كان ماكلمونيش الاولاد
ميسم..لالا طفي فونك باهي ونمشو للإستراحة نتزردو خلي ننزل لي خويلة ونقوللها توتي روحها
احمد..باهي تمام 😌
ناض احمد وقعمز يتفرج ع TV
اطق ميسم ع حميدة لعند فتحتلها لقت عندها بنت عمت احمد
ميسم..اهلين نورس كيف حالك
نورس..الحمدلله😑
ميسم..ءء خويلة نحسابك بروحك
حميدة..امس جتني نورس ومابيتش نخليها تروح قلت حتى تونسني
ميسم..ايه صح اي قتلك احمد واخد اجازة وقلت مدامه قاعد شن رايك نمشو للإستراحة نزردو فيها😊
حميدة..ايه عادي علاش لا تمشي معانا حتى نورس
نورس..اي عادي ماعندي شي اصلا😌
ميسم..😕مبردها
حميدة..شنو
ميسم..ءءء قتلك خلاص وتو روحكم معناها واني نمشي نوتي الحجات والصغار
حميدة..باهي هي
ناضت حميدة توتي
نورس..ندير معاك مرت خالو؟
حميدة..اي هي
.
.
ركبت ميسم وصلفقت الباب✨
جاها احمد..خيرك شن في علاش صلفقتي الباب
ميسم..شيي😏
خشت للمطبخ وقعدت توتي
احمد..شن في تعاركتي مع امي!!
ميسم..لا اصلا امك واني مستحيل نتعاركولانها امي
احمد..امالا شنوو
ميسم تلفتتله..نورس من امتى اهني😠
احمد..نوورس! امتى جت
ميسم..ماديرش روحك ماتعرفش يا احمد
احمد..امس كلمتني نجيبها لي امي مع العشية وجبتها اهني وقتلها شوفي من يروح بيك نقدرش نروح بيها في الليل وشورا مالقتش باتت
ميسم وهي شادة الموس..مشاااءالله واني المية تجري من تحتي ومانندريش🔪
احمد يشوف للموس👀.. مش هكي بس عادي يعني شن فيها بنت عمتي جبتها
ميسم وجهت الموس ليه وحطاته مقابل قلبه..الله يا احمد لو نشوفك جاي جيهتها اهوا في قلبك
وتلفتت قعدت تشرح في الدجاج
احمد..😳😳تقتليني
ميسم..اممم
حضنها احمد من الخلف..والله اني نقتل روحي بعدين لو فكرت في غيرك
ميسم..بعد تو يجو الصغار عيب قدامهم
احمد..باه مشي احمد قعمز يلعب فيهم
وميسم كملت الدجاج ودارتله تتبيلة وحطاته في حفاظة ومشت وتت باقي الحجات ولبست عبايتها وخدت صاكو ليها واحمد وصاكو لي الصغار ونزلو لقو نورس وحميدة مقعمزين في الجنان يهدرزو لين طلعو ميسم واحمد وركبو السيارة
فتحت ميسم باب السيارة القدامي
نورس..من الادب ان مرت خالي هي اللي تركب القدام😉
ميسم ضحكت عليها..تو انتِ جاية بتعلميني الادب😏 اركبي خويلة هي
حميدة..نورس ميسو بنيتي ديمة هي اللي تفتحلي في الباب وتركب فيا☺
واستها ميسم وسكرت الباب وتشبح لي نورس وهي قريب تضحك ع الموقف اللي صار
مشت ميسم ركبت ورا احمد شبحلها من المراية وغمزلها ميسم ضحكت
حطت ارين في حجرها وتيم في الوسط💖
لعند وصلو نزلو رتبو حجاتهم وبدي احمد يشوي وجاته ميسم
ميسم..مش قادرة نتحملها مبردها اففف
احمد..😂😂
ميسم..اي اضحك زيد عليك لبسة لابستها ماتقولش معاي حد نقدرش نلبس قدامه هكي😒
احمد تلفت
ميسم قرصاته من يده وتتكلم من بين سنونها..تلفتلي اهني😬😠
احمد تلفت..اح خيرك
ميسم..😡علاش متلفت اااه
احمد..فضول بس
ميسم..مبردك يا احمد تقول مش مالية عينك تشبحلها 😢
احمد..لا والله ماهكي يا مهبولة
ميسم..حول فوتني امشي
ناضت ميسم من جنبه ومشت تتمشى
حميدة..احمد يا احممد وين ميسم
احمد..مشت تتمشى يا امي
حميدة..حوش عمتك جايين
احمد..باهي يتفضلو
حميدة..باه برا جيب خضرة وحجات ماكناش دايرين بحسابهم وزيد دجاج
احمد..خلي نكمل الشوية هدي
نورس..تو نكملها اني برا انت
احمد..اوك لحضة بس
جت نورس وقفت جنبه واحمد قعد يدير في الشواء لعند كمل وهو مش منتبهلها بكل
جت ميسم وقفتلهم هما الزوز
احمد..وين كنتي
ميسم شبحتله وشبحتلها ومشت قعمزت بحدا خالتها وهي عاقدتهم
حميدة..تحمليها هما يومين ونروحو
ميسم..باردة بكل شوفيها كيف ادير
جميدة..وانتِ شن جاية ومقعمزة جنبي نوضي جنبهم مخليتهولها وتقولي شوفيها😕
ميسم..باه .. نورس خالتي تبيك
نورس..ماسمعتهاش تنادي
ميسم..قتلك خالتي تبيك😠
مشت نورس لي حميدة ووقفت ميسم ع احمد..عاجبك الجو ماوزعتهاش من جنبك بكل
احمد..مانندريش عليها انها كانت جنبي لين انتِ جيتي وهي قعدت تدوي واني نساير فيها وخلاص اصلا بنمشي
ميسم..وين
احمد..امي قتلي زيد دجاج وزيد خضرة باقي العيلة جايين والبسي حاجة باهية ووشاحك مايتنحاش من على راسك فاهمة
ميسم..امم باه
احمد..هي كملي باقي الشوايات اني على مامشيت وجيت😉
ميسم..باهي
احمد..نحبك
ميسم..حتى اني ❤
مشي احمد 💨
كملت ميسم باقي الشواء وحطاته وحطت سلايط اللي دارتهم لكن ماقعمزتش معاهم دارت ساندويتش وقعدت تاكل ودارت لي تيم ساندويتش صغير ياكله وقعمزاته جنبها وخدت مشروب وقعدو ياكلو
نورس..شواء اللي داره احمد احلى فيه بنة تهبل
ميسم..😳
نورس..شواك يا ميسم قاعد ني
ميسم..نوضي طيبيه بروحك😒 شن يا خويلة شن رايك
حميدة..لا مشاءالله طايب زين غر انتِ يا نورس تبالغي شوية😑
ميسم قعدت ترقصلها في حواجبها وتضحك😊😉
قعدت نورس تاكل وساكتة
ميسم..اها حميدا جي
نورس..حتى اماليا وراه
ميسم..امم😒
خشت ميسم بدلت لبست قفطان طويل لونة رصاصي ومكتوب عليه من الجنب Nike
وفيه فتحة من الجنب لبست تحته HD اسود ولبست سبيدرو Nike ودارت وشاحها وطلعت سلمت عليهم احمد شافلها وغمزلها😉
ميسم ابتسمت وسلمت على البنات والكناين وشبحت الاولاد قدامها مابتش تسلم
ميسم..خير كيف حالكم
الاولاد..الحمدلله
نورس شافتلها..خيرك ماسلمتي عليهم مش واكلينك
ميسم..حميدا يغار مايبينيش نسلم ع حد😁😉
كنتهم جنبها..في منتصف الجبهة😉👏
نورس..😒😒
ميسم..😂😂
ليلى..شكلنا حنتفقو يا ميسم
ميسم..كيف
ليلى..تجي نتمشو
ميسم..قبل مانتمشو تجي معاي نتبلو الدجاج ونحطو مكرونة ع النار ونطلعو
ليلى..هي
مرام جتى كنتهم..نجي معاكم
ميسم..هي تعالي
مشو 3 مع بعض
نورس..الكناين بيطيبولنا 😂😂😂 راه نتسممو بسس
امها نخصتها
وكلهم شبحولها فيش حد ضحك معاها 😒
حميدة..اي احمد خش جيب باقي الدجاج اكيد تبلاته ميسم
احمد..باهي
خش احمد..ميسوو
ميسم..لحضة بس اهو ندير فيه
احمد..تكملي قوليلي
ميسم..اوك حاضر
عمتهم سوسن..قلتو لي سراج؟
حميدة..لالا
سوسن..تو نقوله هي
قالتله سوسن وقاللها نشوف العويلة قبل كنهدا نجوكم غدوا
سوسن..تعالو غدوا احسن توا دنيا ليل
سراج..ان شاءالله
كملت ميسم التتبيلة وطلعت لي احمد
ميسم..احممد هاكا
خداه احمد..قدمي وشاحك
ميسم..باهي
خشت ميسم ولقتهم حاطين المكرونة ع النار
ميسم..هي نتمشو
ليلى..والمكرونة مرات تندار
مرام..نكلموهم يديرو بالهم عليها
ميسم..ايه هي
طلعو هما 3
ميسم..خويلة احني ابنتمشو اهني ديرو بالكم ع المكرونة
نورس..اللي بيدير حاجة مايخليهاش ويمشي
حميدة..خلاص برو بنيتي تو نكملها
نورس(خيرها هدي كل كلمة مخليتها في رقبتي اي طبعا بنت اختها ياحنة علاش لا😏)
شبحتلها ميسم وهي مبتسمة ابتسامة شر
علي..ليلى
ليلى..برو انتم تو نلحقكم
ميسم..ايامك يا عروس😉
مرام..ايه ايه ايامك ياحلوة بري عادي😉
مشتله ليلى وكانو مستخطيين بروحهم
ليلى..نعم يا علي
علي..ردي بالك تقوليلهم ع حاجة خليك عادية قدامهم فاهمة اكدبي ومثلي ع قد ماتقدري المهم ماتحكيش شي ع حياتنا
ليلى نزلت دمعتها..لي امتى هكي!؟
علي..مانعرفش تقعديش تتبكي الذنب لا ذنبي ولا ذنبك الذنب ذنب بوي وبوك هي بري توا
ليلى..لو سمحت ماتبينش قدامهم انك تكلم في بنت يعني لو ممكنالايام هدي تكلمهاش ارجوك
علي..يصير خير هي بري
مشت ليلى وهي بتبكي من حظها 💔
علي تنهد وقعد يشوفلها💔لعند وصلتلهم ومشي هو قعمز معاهم يشوو ويهدرزو
ميسم..قعدتي معاه علاش جايتينا ياغبية انتِ ليك شهر بس
ليلى شبحتلها وابتسمت ابتسامة صفرة..لاا عادي ههههه
مرام..احلى ايام هدي☺
ميسم..شنو شنو
مرام..اني ومؤيد متزوجين عن حب هدا باش قلت احلى ايام
ميسم..حلو💔 وحتى اني زوجي الاول كان عن حب بس احمد في الاول لا بعدين حبيته زي ماهو يحبني واكتتر وانتِ ليلى
ليلى كانت سارحة ومش معاهم سارحة في حياتها مع علي
ميسم..الوو ليلى
مرام..هههههههه مسرع سرحتي فيه توا كنتي معاه
ليلى..بطلي ياباردة ههههه
ميسم..اي سئلناك وانتِ
ليلى..شن واني
ميسم..اي لااا هدي من بداية الموضوع مش معانا
مرام..ههههههههه
ليلى..تي ياسرو عاد
ميسم..انتِ وعلي شنو عن حب او تقليدي
مرام كانت عارفة ان علي مايبيش مرام لانه كانت تحضر في عركاته مع بوه لما يقوله مانبيهاش بس ماحبتش تحكي شي👌
ليلى..عادي يعني زواج تقليدي بوي وبوه يعرفو بعض شركاء في الشركة😅
ميسم..اهااا حلو بس توا اكيد تعودتو ع بعض
ليلى..ااه اي اي الحمدلله عليوة كويس معاي ومش منقص عليا شي 😅
ميسم..اي كويس الحمدلله هي نولو خير حسيت الجو بدي يصقع
مرام..ايه هيا
مشو روحو للحوش وكملو مكرونتهم وحطوها وتعشو✨
مؤيد..حبيبتي جيبيلي حوايجي من الصاكو
مرام تحشمت قدامهم..امم باهي😊
حميدة لي ميسم كانو جنب بعض..ماتنصدميش هدا مؤيد جريء 😂😂 مايتحشمش
ميسم..اهاا😂😂
نورس..ضحكونا معاكم☺
ميسم..بيني وبين عزوزتي😉
ليلى..من تدخل في ما لايعنيه يأتيه كفُ لن يرضيه😁😂
نورس..احترمي نفسك ليلى ماكلمتكش اني😠
سوسن..هي هي نورس😠
نورس..شوفيها يام هي تلوحلي في الكلام
ليلى..لا نلوح لا شي نبصر يعني شن تتحمليش بصارة؟
نورس..😒
علي..لييلى
ليلى..هي جاية عليوة
نورس..عشنا وشفنا😕
ليلى قلبت عيونها ومشت لي علي
علي..جيبيلي حوايجي نبي نبدل
ليلى..ريحتك دخاان ..كح كح
علي..باه شوفي كان في حد نبي ندوش هي
ليلى..تعالى
علي شد يدها ومشي معاها
ليلى شافتله وشافت لي يديهم
علي..نطلقها اول مانخشو بس قدامهم💔
خشو للحوش طلقو يدين بعض خشت ليلى للدار خدتله حوايجه وفرشت اسنانه ومعجونه وكل شي يخصه
علي..مانحبش ندخلهم معاي خليك اهني وقت نكمل اناديك وهم ماشيين للحمام
مرام..شعرك مبلول يا مهبول خيرك مانشفته
مؤيد..متعود حبيبتي تنشفهولي
طبس مؤيد راسه وقعدت مرام تنشفله فيه ومؤيد يناشب فيها ويضحكو وجوهم عسل❤
ليلى غطت عيونها..هييي
علي تلفت وقال..احمم احمم
مرام..كله منك يابارد 😠
مؤيد..😂😂
بري امشي طلعت مرام تجري
مؤيد شافلهم قاعدين ع نفس الوضعية..حسستوني توا مش عارف شن بيقول فمي😒
ليلى اتحشمت وماقدرتش ترفع عينها
علي..خزي يا وسخ امشي من قدامي😑
مؤيد..😏😏مش عارف كيف متحملتيه يا ليلى يناري عليك وخلاص من هالثقيل هدا
ليلى ضحكت علي فنص فيها
علي..امشي خيرلك
مشي مؤيد سرح شعره وطلع
علي..عجبك كلامه😒
ليلى..مش هكي بس جو خوك هدا يضحك ديما بي عمايله
علي..ديما اني اللي نطب عليه
ليلى..محلاهم ربي يخليهم لي بعض❤
علي..يارب
ليلى قعدت تشوفله..هي خش دوش
علي..هي ماتتحركيش من هني
ليلى..حاضر يا باش مهندس
علي..بكشي مش عاجبك المهندس😒
ليلى..لا عاجبني مشاءالله عليه تي خشش مبردك😠
خش علي ويضحك بعدين فتح الباب عطاها فونه وخش دوش
رن الفون وكانت حبيبة علي
شافت ليلى للفون واضايقت فاتت مابتش ترد بعدين كثرتها معاد بت تبطل وليلى ماقدرتش تتحمل ردت عليها
ناهد..ايوا وينك يا علي من بكري نتصل بالله عليك اسمعني بعدين قول اللي تبيه
ليلى..ءء ناهد اني ليلى مرت علي
ناهد..كيييف مسرررع من مشكلة صغيرة فاتني
ليلى..ءء ناهد لا علي في الدوش وخلا فونه عندي هو يطلع ويكلمك اني قلت اكيد حتنشغلي وقت ماردش بكل ف رديت عليك
ناهد استغربت في كلامها يعني كانت ليلى تبررلها فقط ماكانتش لا تكشخ ولا تلوم فيها..اها مرة تانية معاد تمسي حاجة مش ليك فااهمة وبنقولك ياحلوة علي ليا اني وحناخده وهو حيطلقك فاهمة اصلا انتِ منين تعرفي العيلة وتكونها مداما امك ميتة وبوك هاملك هههههه يناري تعرفيش حتى حنان الام ولا بعد تطلقي تروحي لي مرت بوك اللي حتشرردك خههههههه متشمتة فيك تعرفي المهم هي تشاو قولي لي علي يكلمني😏
سكرت ناهد وهي فرحانة انها فشت غلها😼
ولت ليلى قعمزت وهي تفكر وتبكي ع حياتها وحظها تبكي ع شخصيتها الضعيفة ع حياتها بعد تطلق مع مرت بوها وتفكر في كلام ناهد اللي جرحها وتبكي
ناداها علي عطاته حوايجه وولت قعمزت وتبكي بعبرتها😭 ومن حظها مافيش حد خش طلع علي يسمع في صوت بكاء جي لقاها هيا تبكي استغرب لانها كانت تبكي بحرقة ومن قلبها واضح تقول بيبي مقعمز ويبكي ع لعبة خدوها منه💔
قرب منها علي ونزللها قعمز قدامها ع ركابه نحالها يديها من ع وجهها حط يده تحت ذقنها وقاملها وجهها خلاها تشوفله شاف علي وحدة مكسورة مجروحة دموعها مغطية وجهها
علي..خيرك علاش تبكي💔 نورس جاتك كلماتك؟ كلمك حد منهم؟ والله نمشي نطربقها عليهم قوولي؟
ليلى..نبي اممي💔😭😭
علي الكلمة هدي نزلت عليه زي المية السخونة جي قعمز جنبها وحطها ع صدره..ابكي فرغي اللي في قلبك كله
قعدت ليلى تبكي لعند ماهدت بس ماتبيش تحول من ع صدره كانت هدي اول مرة تبكي وهي في حضنه حست بحنانه حست بي اللي فاقداته حس بيها علي سكتت قاملها راسها شبحتله
قرب منها قعد قريب منها هلبا فجأة تباعد عليها
مسحت ليلى وجهها لقاته يدور في فونه..اهوا فونك اتصلت بيك ناهد ووقت مابتش تبطل رديت عليها اسفة بس ماقدرتش نشوف ومانردش وياريتني مارديت حسبي الله ونعم الوكيل فيها هدا مانقول وابتسمت وخشت للحمام غسلت وجهها وخلت علي واقف شبح للفون وشاف لقي تسجيل المكالمات خش عليهم وسمع التسجيل في الاول حس عادي مافيش في كلامها بعدين اخر كلام قعد يسمع فيه ومصدوم ان هدي هيا اللي حبها هدي اللي قلبها حنون هكي تقووول لي بنت يتيمة معقولة !!
اتصلت ناهد رد عليها..نعم!
ناهد..حبيبيي واخيرا رديت
علي..خير؟
ناهد..والله اسفة مكانش قصدي نطلع معاه بس عادي يعني هو ولد عمي
علي..تعرفي تحلي عليا ومعاد تقربيني
ناهد..شنووو معقولة مشكلة بسيطة وتنحل علاش مكبرها
علي..ناهد انتِ عارفة روحك شن قلتي لي ليلى؟؟
ناهد..اوووه وبديتو تحكو مع بعض اني عارفة لما ردت عليا بكري مش بلاش كنت معاها صححح صار بينكم شييي؟؟
علي..مصارش قبل بس توا بيصير تعرفي علاش لانة كلامك كان زي السم ليها يا ناهد ماكنتش متوقع انك تقوليلها هكي
ناهد..عاوداته صح بس اني ماقلتش شي هي تكدب عليييك
علي..بلا كدب ونفاااق ليلى ماقتليش ولا حاجة كله سمعته في التسجيل يا فالحة وهي معاد تكلميني ورقمي تسي امه مرة وحدة واللي بيننا انتهيييي تشاو
ليلى كانت تسمع وفرحانة انه سيبها طلعت من الحمام لقاته مهناش مشت طلعت وراه وقعمزت معاهم وجوهم حلو وليلى هدا وين تعدل جوها وفرحت وكان عندها شوية امل انها تقعد مع علي وماتطلقش
شدت ليلى ارين بنت ميسم..ييي محلاااها بنوتك ربي يحفظهالك 😍😍
ميسم..سلمها نشوفها عندك ياربي😘
ليلى..ااااه ان شاءالله☺يا ميسو😍😘
ميسم..ربي يحفظكم لي بعض انتِ وعلي طالعين على بعض هلبا😘
مرام..شن الكبسة اللي درتوهالنا ياحيوانة
ليلى..😂😂😂 تعرفي اني قريب دبت من الحشم
مرام..تقول مافيش حمام غيره😒
ليلى..نحسابو فيه مؤيد هداكا مشي جينا لي هدا 😂😂
ميسم..شن صار
ليلى..(وحكتلها)
ميسم..😂😂😂 حي حييي
احمد..ميسوو تعالي
ميسم..هههههه هي تو نجيكم
مشتله ميسم..نعمين حميدا
احمد..استاحشتك❤
ميسم..حتى اني💓
احمد..جيبي الصغار نتمشو😘
ميسم..اوك لحضة بس
ليلى..خليها
ميسم..نتمشو ونجيبهالك
ليلى..لالا برو خلوهالي
ميسم..اتعبك وبعدين مرات ينادي عليك علي كلهم يتمشو لانة هههههه
ليلى..عادي خليها
ميسم..براحتك ياحنة ردي بالك كان بتتمشو اهو جاكيتها😁😘
جابت ميسم تيم وارين قعدت عند ليلى❤
ومشو يتمشو مع بعضهم
علي شافهم كلهم واحد يكلم في الفون وواحد شاد يد مرته ويتمشو وصغارهم معاهم ويشبح لي ليلى من بعيد شادة ارين وتلعب فيها والبنات يتمشو بروحهم وحميدة وسوسن خشو رقدو جي علي لي ليلى✨
علي..#يتبع
ان شاءالله تنال اعجاب الكل واسفة ع التأخير #حنو❤
أنت تقرأ
قصة فراق ( روايات ليبية )
Roman d'amourقصة فراق ..... قصة حزينة بين بطلين و لكن فجاء يقلب الفراغ الي شوق و حب اخر للكاتبة : حنو لمحبي قصص حب الحزينة رواية من داخل المجتمع الليبي ؟
