قصة فراق ( روايات ليبية )

حلقة 27 🔥

#قـصة_فراقـ💔
.
.
.
الحلقة 27🔖
.
.
.
مشي محمد ركب السيارة..حميدا بوك يبيك تقعد قال عندك امتحان براله وغدوا تو يجيبك
محمد..حاضر ياجدي
نزل محمد وهو خايف من بوه خش وقعد يشوفله من بعيد وخايف منه
نادر شافه..خيرك
محمد..ششي😰
نادر..خايف مني؟ تعالى تعالى قعمز اهني
محمد..بببه
مشي محمد وقعمز بحدا بوه وحط يده ع كتف بوه..بابا خيرك انت وماما😞
نادر..عادي يا بابا مشكلة وتنحل ان شاءالله
محمد..باه😔
نادر..برا ارقد انت هي باش غدوا نرفعك عندك امتحان
محمد..باه
نادر..قريت كويس
محمد..ايه قرتني امي بكري
نادر..باه كويس برا امشي
مشي محمد خش لي داره ورقد اما نادر ف لم الحوسة اللي دارها وفتح TV ويفكر في المصيبة اللي جاته ووحل فيها 😣
.
.
.
جي تاني يوم ناض نادر بكري ونوض محمد بدل وكمل نادر..محمد ترا برا جيبلي فونك وشفرتك فيه؟
محمد..ايه فيه
نادر..برا جيبه
خدي قهوته وطلع هوا وولده حطه في المدرسة ومشي خدي اذن من عمله وكلم بو مياس
ومشي نادر لي حوش امالي مياس
خشو للمربوعة وكان معاهم حتى انس
محمد..فهمني كيف صار هكي ؟؟
انس..احني مش مانعينك تتزوج تاني وتالت ورابع هدا شرع ربي بس كيف هكي؟؟ المفروض عاطيها علم يا خي علاش ضاربها؟
محمد..خلي الراجل يتكلم 😕
نادر..اني راجل زيي زي اي راجل وصح خنتها بس ماكنتش ع عقلي مانعرفش كيف وعلاش المهم بعدها كشفتني وفتتها وفتت الموضوع ولينا شهرين وقصة الكف هي بس قعدت تعلي في صوتها وترد في الكلام عفلقتني ومديت يدي لاني ماتحملتش😠 ...والخ
محمد..كان هكي صح غلطت انت بس مدام هددوك ماعندي مانقول الا ان شاءالله هي تسامحك ويطيب خاطرها وتروحلك
انس..ومع هدا اختي خودها مني اني مش حترجع لعند ما اطلق هديكا 😁
نادر..عارفها وعارف عنادها واني حنطلقها بإذن الله لكن خلي تسكر شهر ونطلقها هي مسئلة وقت بس
كانت مياس تسمع فيهم وسمعت كل شي كانت نص فرحان ونص زعلان💔
خشت للحوش وركبت لي دراها طبعا امها مهناش من الصبح وصلها للمطار ومشت لي ولدها ✨ وماتندريش بـ مياس 😁
طلع نادر ورفع ادم للروضة
ادم..بابا
نادر..ها
ادم..ماما امس تبكي هلبا
نادر..اممم شن تاني
ادم..حيلتم انتم حتى ماما دتلها بابا يبكي قتلي اممم وشن دار تاني حيلتم تبكو اتم
نادر..خلاص اس يا بابا هي وصلنا وماتقولش اللي صار لي حد من صحابك باهي حبيبي
ادم..باه
نزل ادم ومشي نادر لي خدمته وكمل خدمته ومشي خدي شفرة وفون وروح بالصغار حطهم عند مياس وروح لي حوشه بدل ومشي لي امه
ام نادر..نادر كيف حالك
نادر..اااه يا يما ماتسأليش خير 😣
امه..وين بنيتي مياس اليوم يومها تعرف يا نادر نستنى في اليوم بساعة والدقيقة ضمانها ماضمه واحد وماكلتها زي العسل وينها خيرها ماجتش
نادر..في حوش بوها حرجانة💔
امه..العفوو شن في شن درتلها اكيد اشبح شن درت
وحكالها نادر
امه..😱😰
نادر..قوليلي شن ندير هي
امه..ماني راضية عليك ياولدي لعند ماطلق العقرب هديكا
نادر..يا يما حتى انتِ؟؟
امه..لانك غلطت وتوا صلح غلطك بيدك وين تلفوني ووين اهوا اضربلي لي مرتك بسررعة
نادر..باهي يام 
كتب رقمها وع طول طلعله كنتي الحنونة اتصل بيها وعطاهولها وقال في عقله ( الحنونة حق  كان تعرفي يام هدي وقت تزعل شن اديري باش تسامحك وتكون معاك زي قبل اااخ درتها بيدي ولازم نصلحها ) ناض نادر
نادر..اني مش حنستنى شهر كامل وهي بعيدة عليا هكي😡
ناض ومشي لي شموخ لقاها راقدة
نادر..نووضي يا٪#@٪
وشدها من شعرها وقعد يكر فيها
شموخ..ااااي راسي اااي خليني يا حيوان خليني
وقفت شموخ..ماقدرتش تستنى اسبوع هههههااي
نادر..اي والله ماقدرت ياروحي تي انتِ طالق طالق طالق😡😡
شموخ..😳😨 نعممم
نادر..لمي روحك وبري لي حوش اماليك الشقة يبيها صاحبي وبيننا المحكمة هي تشاو
كلمت شموخ خوها وجي رفعها وفي الحوش عطاها طريحة وقاللها تستاهلي وفاتها
طلع نادر لي البحر وقعد يشوف من بعيد ويتفرج وكل مرة يخطمو من قدامه 2 شادين في يدين بعضهم وصغارهم يلعبو معاهم
نادر..الو حبيبتي استاحشتك
مياس..نادر خلاص يا نادر طلقني وريحني
نادر..😡شن تقولي انتِ ااه شنووو تي نجوم السمي اقربلك من ان نطلقك وياسر عاد اهو طلقتها شن تبي تاني
مياس..من😳باش قلت شهر
نادر..اني بنقعد ع فراقك شهر؟؟
مياس..نادر بالله عليك وراس اغلى ماعندك تـ
نادر..انتِ انتِ وراس اغلى ماعندك تحني عليا ياسرنا فراق عاد يا حبيبتي
مياس..بس يا نادر مش قادرة خيانتك ليا وزواجك كسرني
نادر..مافيش حد يعرف بالموضوع غير امي وهي كلماتك بكري والله هي بروحها عاطيتني قلت السماح وغاضبة عليا هي عاد والله انتم 2 عليا والدنيا عليا هلبا والله هلبا
سكر منها وقعد مضايق يبي يفش غله في حاجة ماعرفش شن يدير قعد مقعمز في مكانه لعند جاه اتصال
محمد..خير يا ولدي
نادر..خير ياعمي شن الصغار فيهم حاجة مياس فيها حاجة؟؟
محمد..لالا كلهم بخير بخير قتلك الصغار ومياس يستنو فيك تروح بيهم
نادر..هي هي جاااي😍😍 
سكر وكان بيطير من الفرحة 😍 مشي للحوش طول وبيبلهم طلعو الصغار يجرو
محمد..اني غدوا متسقد لي خوك تعالو حتى انتم
مياس..ان شاءالله ع الفلوس يا بابا بعدين الصغار قراية يصير خير
محمد..منو قراية محمد بس امتحانات
مياس..اي الصغار كملو امس مانقدرش نخليه
انس..اني مش ماشي وقت نولي بنمشيله نقعد عنده اسبوع وبعدها نولي لي تركيا 😁كان تبي تخليه عندي عادي
مياس..اني والله محتاجة تغييرة جو تو نشوف نادر ونكلمك 😉
محمد..هي مع السلامة يا بنتي ❤
مشت مياس ركبت السيارة
محمد وانس طلعو معاها..دير بالك عليها وهدي اخر مرة بنتي تجيني حرجانة فاهم
انس..رد بالك عليها
نادر..في عيوني
مدلها نادر يده شافتلها مياس شوية بعدين حطت يدها فيها باسها..من اليوم يدي معاد ترخي يدك☺
مياس..الصغار😳
نادر..هما اللي قالولي دير هكي صح وله
ناضو يضحكو وفرحانين بي رجعة امهم وبوهم
نادر..توا وين نمشوو 😌
مياس..ناخدو حجات للحوش ناقصينه
نادر..انتِ امس بس غبتي ع الحوش
مياس..ولو اصلا كنت نبي نشري حجات للحوش مواد تنظيف وهلبا حجات
نادر..شكله حوش بوك استاحشك😉
مياس ضرباته ع كتفه..قاعد ماشفتش شي نبو نسافرو لي خوي لي امريكا😁
نادر..نعممم؟ امريكا تي تبي هلبا
مياس..والله ياحلو كان تبيني نسامحك هدا شرطي😁
نادر..😉ادللي ..ياربي سترها تي شن هاطلب هدا اي عندها حق حتى اني بهدلتها هوا احني بنسافرو بنسافرو..بسس محمد!!!
مياس..قالي انس خلوه عندي
نادر..كان هكي عادي
محمد..وين وييين بتمشو ووين ماشيين لي امريكا واني نقعد اهني
نادر..اسكت يا حمار ماه قتلك تنجح ممتاز نسافر اني وياك وهما يقعدو
محمد اتكى..كان هكي باهي غر مش تونس بس
نادر..غر انجح انت وجيبها من الاوائل 😒
محمد..والله نجيبها ونبي نسافر لي لندن وعد مني نجيبها الاول اني محمد ومش حتقدرني بنت من دفة مني انطيحها😠مبرد عمها هيا
مياس..لحضة لحضة من هالبنت 😂
محمد..بنت وقت بديت نسكر في درجاتي والابلات بدو يشكرو فيا هيا جتني في مقعدي وقتلي انت تغش انت ماعمرك سكرت درجات وقالتها للأبلة كدبت والابلة صدقتها مشي عاودتلي وسكرتها وجابتلي اسئلة واعرة سكرتها سكرتها وقعدت في وجهها وبدت الابلة معاد تصدق فيها وتو اني وياها متعاندين اما واحد يجيبها الاول😉واني حنجيبها
نادر..تعرف لو جبتها نديرلك حفلة ونعزموها البنت باش معاد تجي جيهتك ومعاد تتمسخر عليك😉
مياس..شن تقولو انتم لالا عادي البنت بس غارت لانها شاطرة وماتبيش حد اشطر منها بس يعني عادي ديمة هكي حني البنات😁😌
ومشو شرو شن يبو وروحو ضمت مياس الحوش ورقدو
.
.
.
.
ميسم..حبيبي شن صار بنمشو؟ امجد كلمني قالي عطوني كلمة من بيجي ومن مش جاي لانه بيدير حفلة وحفلة طهور ولده 😊
احمد..خلاص قوليله حنجو حصلت 😉
ميسم..انت احلى زوج بالدنيا 💋💋
احمد..هههههه خنقتيني يا مهبولة
.
.
.
.
مها..شنو صار حبيبي نمشو ؟
محمد..وين؟
مها..لي امريكا
محمد..تمام قتلك اصلا اني بنسافر بيك غادي باش حتى تعايني ياروحي ماه وعدتك
مها..به
محمد..صاحبي شكرلي دكتور غادي
مها..اهااا باه حلو بكل💋❤
محمد..هي نرقدو غدوا نايض بكري
مها..اوك
.
.
.
.
ميار..شن صار بنمشو؟
عمار..وين؟
ميار..تي لي امجد
عمار..ايه حجزت الاحد الجاي طيارتنا😉😌
ميار..نحبككك
عمار..نموت فيك يا ألبي 😉❤💋
.
.
.
.
ومشت العيلة كلها وتجمعو مع بعض في امريكا
ميسم واحمد وحميدة وتيم وارين ✨
مها ومحمد❤
ميار وعمار وآيات وولدهم رواد ✨
مياس ونادر وشهد وشدى وادم✨ اما محمد قعد مع خاله😁
وعيلة اميرة ومحمد وهنادي❤
واجتمعت العيلة وقعدو ناقصينهم 4 افراد انس وهناء و ثمارة ومحمد💔
.
.
.
.
محمد..خالي سمع عليا😌
انس..هات هي وينه ؟
محمد..هدا كله😁
انس..هي سمع
محمد...الخ
انس..زيد عاود مش حافظ 😌
محمد..والله قلتها كلها
انس..تقول كلمة وتسكت تقول كلمة وتسكت هدا مش حفظ😒
محمد..باه شن بندير اني مانعرفش نحفظ امي كانت تفهم فيا😣
انس..شن هدا هوا
محمد..تاريخ 💔
انس..اهي خالتك هناء شاطرة فيه تصمه صمااان قوللها تفهمك
محمد..😍خالتي هناء خالتي هناء
مشالها في المطبخ..تعرفي تشرحيلي التاريخ حقا؟
هناء..ايه لحضة خلي ندير هدي بس
كملت اللي في يدها وجت قعمزت جنبه وقعدت تقري فيه📖
.
.
.
اميرة..امجد يا امجد نوض مابوش يرقدو😣
امجد..تي الزفت نبي نرقد من لما جو معاد عرفت نرقد😠
اميرة..اي هوا هدا صغاري اني بس هما ماه😡
خدت اميرة ولدها محمد وخلتله البنت
قمر..😭😭😭😭
امجد..اااوووف استغفررالله😡
ناض امجد وحط يديه ع عيونه صحصح وقعمز وشدها حطها في حضنه وقعد يسكت فيها❤
امجد..هي يابنت بوها ياسر حبيبتي خلاص عاد ماعييتيش من البكي هي هوووهاا هوووهاا نني👶
اميرة..نني هوووهاا هي حبيبي خلاص رضعاته اميرة وخشت حطاته رقد ولقت بنتها ترضع في صبع بوها
امجد..جيعانة البنت 😁
اميرة..هاتها خلاص ارقد تو نرضعها وترقد😌
امجد..ااه راسي مشي تفجر خلي نرقد ساعتين وانوض
اميرة..ماتعباش انوضك لانة خلاص ميتة اني😣
امجد..اهو عدلت الفياق
رقدو وكانو تعبانين💤
.
.
.
ناضو الصبح كانو كلهم نازلين في نفس الفندق كلهم غسلو وبدلو ونزلو يفطرو لوطة خدو طاولة وحدة مع بعضهم حتى من اهل اميرة
هناء اخت اميرة..كمال حبي اطلعنا بعدين ندهورو😊ونشرو هداية لي توم اميرة😍
كمال..حاضر😉
محمد..حبيبي انتِ قايلة لي اهلك ع موضوعك
مها..لا ماحبيتش نقوللهم لين نزيد نعالج😣
محمد..باه نحبك
مها..نموت فيك
ميسم..احمد شد ارين معاد قدرتهم 2
احمد..هاتيها
خدي احمد ارين وقعمزت ميسم توكل في تيم
تيم..انلاا نبي حويلة😢
ميسم..شن خويلة هدي لا هيا كول
تيم..نبي حوويلة😭
ميسم..وااك اهما خالاتك اما وحدة
كلهم شبحوله ويضحكو
تيم..ابي حويلة
وقعد يأشر عليها
مها..ههههههه ريتوه ولد حويلة هوا اصلا
ناضت مها خداته وحطاته في حجرها و محمد يضحك ويتمنى انها تشد ولدهم او بنتهم 😌
دعي في قلبه وقعد يشوفلهم
صبرية..نشوفوه عندك يابنتي☺
مها..ان شاءالله خويلة☺
.
.
.
.
ناضو كلهم ومشو تفرقو اللي هدا مشي لي مكان
محمد ومها مشو شرو هداية ع السريع ومشو للدكتور اللي موصيينهم عليه خدو عنده موعد وكان الاحد الاسبوع الجاي
طلعو وهما فرحانين ومشو قعدو يدهورو ومع شتاء امريكا كان جو حلوو😍 والثلج
مها..الجو يهبل
.
.
.
ميسم..حبيبي حلو الجو اهني
احمد..ايه
تيم..اي بوة (اميا)
ميسم اهو عندي شيشة..ها اشرب ياروحي
شرباته اميا ومشو قعدو يتمشو ويخشو محل ويطلعو من محل وشرو هداية وحجات وروحو للفندق تلاقو كلهم ع الغدي تغدو ومشو لي امجد
اميرة..امجد جبت كل شي وصيتك عليه
امجد..ايه كله في المطبخ تو يجو امك وامي وخواتي ويرتبو ويديرو ويوم الجمعة نديروها الحفلة😉
اميرة..ايه على خير ان شاءالله
جو الكل وفرحو وقعدو يهدرزو وغيرو جو
اميرة..تعرفو قداش ليا ع التقعميزة هدي والجو هدا كدب عليك بلادك بلادك😍
ميسم..ايه بس مناظر زي هدي تجنن وتبي تروحي 😁 الصراحة لو في مكانك لو يعطوني مليون مانروح
اميرة..غر تقولي هكي اي وين سلفتي هههههه
مياس..هما ماليهمش هلبا في ليبيا ف قالو وقت نروحو بيجوكم وبعدها بيولو لي تركيا
اميرة..اهاا باه☺
هيجو وفرحو وبعدين روحو
ميسم..مها بعد نوصلو للفندق ماتركبيش نبيك😉
مها..اوك
وصلو للفندق
محمد..حبوبتي جيتي
مها..حبيبي مانيش راكبة توا اختي ميسم تبيني نكلمها ونركب اسبقني انت
محمد..تمام ماتعطليش
مها..اوك☺
مشت مها لي ميسم وقعمزو وطلبو قهوة☕🍪
مها..شن جو
ميسم..تمام قوليلي شن اديرو بكري في العيادة😈
مها..شن قصدك اما عيادة😳
ميسم..وخيتي ادويلي خير من ان نسمع من مكان تاني
مها..اووف
طبست وحطت راسها بين يديها..ميسم اني معاد نجيب صغار
ميسم كانت تشرب في القهوة شرقت..كح كح😰😱شنووو
مها..ايه من لما طيحت البيبي الاول خلاص قتلي الدكتورة معاد تجيبي واني جيتي اهني منا ع خاطر امجد ومنا ع خاطر نعاين ونشوف روحي😔
ميسم..حبيبتي علاش ماقلتيش باهي
مها..مافيش ولا شخص يندري غيري اني ومحمد وتوا انتِ مانبيش نقول لين نتأكد
ميسم..ربي يجبر بخاطرك ويرزقك ببيبي عسل ياربي 😘
مها..ياااااارب خلي نمشي محمد يستنا
ميسم..اي حتى اني احمد خليت معاه الصغار
مها..هي نركبو
ركبو الاتنين وكانت غرفهم لاصقين في بعض خشو رقدو كلهم
محمد..خيرها ميسم؟
مها..عرفت بالموضوع
محمد..موضوع شنو
مها..عرفت ان اني مانجيبش
محمد..اششش خلاص حبيبتي معش تبكي اهو حصلنا معاها موعد واكيد قتلك مش حتروحي الا وانتِ حامل خلاص
مها..خايفة خايفة يكون فيش علاج ونروح مهزوزة نروح مكسورة الخاطر نروح وامك تزوجك لي غيري و نشوف صغارك من غيري😭😭
محمد حضنها وقعد يسكت فيها..حبيبتي خلاص عاد قتلك مش حنتزوج اني صغاري نبيهم منك وتحرم عليا مرا غيرك😠
مها..تسيبنيش ارجوك😢
محمد..حاضر

.
.
.
.
.
ومشو الايام ودارو الحفلة روحو كلهم الا مها ومحمد وامجد عرف بموضوعهم
امجد..ها مها شن جو
مها..الحمدلله
امجد..وين انتِ
مها..كيف خشينا للعيادة اليوم بتقول الدكتورة هل نتعالج او لا
امجد..تمام طمنيني
مها..حاضر
امجد..هي مع السلامة
سكرو من بعض وخشو محمد ومها وهما شادين في يدين بعضهم وكل مايقربو من مكتب الدكتورة كل ما مها تضغط ع يد محمد خشو للدكتورة وقعدو يهدرزو معاها لعند ما قالتلهم الخبر
.
.
.
.
.
طلعو من المكتب وهما يشوفو لي بعض
مها انفجرت من البكاء وقعد محمد يهدي فيها
محمد..حبيبتي خلاص اهدي اهي قالت انتي مافيك شي واني مافيا شي خلاص ياعمري مش هكي عاد
مها..نبي بيبي😭😭
محمد..والله ياروحي لو ربي بيرزقنا حيكون عندنا بيبي حتى بعد 10 سنين ولو لا يعني لا اللي كاتبه ربي حيصير خلاص عاد حرام عليك
مها..😔😔
طلعو ومشو لي قهوة يفطرو فيها
اتصل امجد بي مها
مها..ايوا امجد
امجد..ها شن
مها..قالت ان تحاليل اللي في ليبيا غلط شكلهم غالطين فيهم هو صح اني ماعاينتش الا عند دكتورة وحدة بس المهم توا عاينت ودرنا تحاليل وطلعو وقتلي مافيكش حتى حاجة ولا محمد فيه حاجة
امجد..باه شن السبب
مها..ربك قاعد مارزقش☺
امجد..الحمدلله وخلاص باهي المهم طمنتيني ان مافيكم شي والباقي يجيبه ربي
مها..ايه يارب
روحو بعد ما فطرو رقدت مها ومحمد قعد يتفرج ع TV وكسد نزل قعد يدهور بروحه لقي حجات في السوق عجبوه شراهم لي امه واخواته ونساوين خوه كلهم شرالهم ساعات وحجات حلوة هلبا وروح لقي مها مقعمزة تتفرج وتشرب في عصير🍹 ومتغطية بالبطانية وتتفرج ع فيلم ومنسجمة جي قعمز جنبها
محمد..الحلو شن يدير بروحه
مها..وين كنت
محمد..طلعت كسدت
وفتح الضي
مها..شن هدا كله😳
محمد..بما ان بعد غدوا مروحين ف قلت خلي نشري حجات للعيلة
مها..اهاا باه خير مادرت
جاها قعمز جنبها..شوفي شن جبتلك
وكانت ساعة حلووة😍..😍😍😍تهببل
محمد حط يده ع لحيته..بجد
مها..ايه عجبتني شكرا ياروحي
محمد..عفوا معاد نبيك تزعلي ديما اضحكي
مها..حاضر ااه امجد
امجد..ايواا
مها..اهلين
امجد..شن جو
مها..مليح
امجد..اي صوتك خير من بكري قتلك تعالو عندنا تغدو
مها..تو نشوف محمد
محمد..باهي
مها..اوك مسافة الطريق
امجد..تمام
ناضت مها بدلت ومشو خدو حلو ومشو لي امجد
مها..علاش متعبة روحك
اميرة..ولو تعبك راحة
قعدت تحط هيا واميرة في الغدي ومحمد وامجد يهدرزو تغدو وكملو وقعدو مقعمزين
امجد..اني طالع اني ومحمد تبو حاجة كلمونا
مهاا..وين ماشيين😳
امجد..ليكش علاقة
مها..اميرة راجلك بيصيعلي راجلي
اميرة..هههههههه
امجد..فيه اجنبيات تو نوريهمله الراجل يسيبك ومعاد يشوفلك
مها..اصلا مش حيلقى كيفي😜
امجد..تي لا يا عبد الواثق انت
مها نحت شبشبها ولوحاته جي في الباب لانة امجد سكره وطلع يجري
محمد..خيررك
امجد..مرتك الشريرة😂😂
محمد..خيرها
امجد..لوحت عليا الشبشب
طلعتلهم مها من البلاكونة..الله يا امجدد لما نوووريكك
محمد..خشي داخل 😠نقصي صوتك
مها..شن بيفهمو فيا اصلا عيونك لوطة تشبح هني والا هني نهارك
محمد ضاغط ع سنونه ويشوفلها ويفنص فيها
امجد..هيا يا محمد خليها تو تخش هي اركب
ركب محمد وهو متكنطي من مها
مها..المعفن هدا امجد الصايع
اميرة..ههههههه حرام عليك والله عااقل
مها..اي تعرفيشي انتي وقت كان عزري حتى لما يكلم فيك ره صايع مش مخلي بنت في شارعنا الا وناشبها ومزال امالا في تركيا بنات الجيران كلهم معاكسهم
اميرة..نهاره احرف غر يروح
مها..الله ديري فيه البلي ردي بالك تسكتيله
اميرة..غر يروح
مها..ياوخيييتي سلمهم حبايب عمتهم هما😍
اميرة..☺ربي يرزقك زيهم واحلى منهم
مها..امين يارب
وقعدت مها تلعب فيهم وقضت وقتها كله معاهم وبعدها جي امجد ومحمد روحت مها هي ومحمد وصلهم امجد وروح
خشو للفندق
خش محمد قبلها وسبقها ركب للغرفة وسكرها وركبت وراه مها بعد ماطلبت منهم يركبولهم حلو ومشت ركبت حتى هيا وخشت للدار لقت محمد مغير حوايجه ومتكي ع السرير وحاط دراعه ع عيونه استغربت مها تصرفاته
مها..حميدا مريض؟؟
محمد..
مها..حمودي خيرك
محمد..فوتيني
مها..هيي شن درتلك
محمد..لا مادرتي شي قلة الثقة اللي عندك هدي😒
مها..والله ماقصدي
محمد..اللي درتيه بكري من بكري واني نفكر شن قصدك بيه شن يعني مش واتقة فيا لهدرجة اني
مها..والله مانقصد فيها حاجة
محمد..خلاص طفي الضي بنرقد
مها..محمد
محمد مباش يرد عليها وعطاها بظهره وجعتها مها اللقطة وقعدت مقعمزة وتتفرج
طق الباب ناضت بتفتح لقت محمد قبلها دخل محمد الحلو
محمد..انتي طالبتيه؟؟
مها..#يتبع🙊
.
.
.

سناء..ها شن تبي قتلك مافيش فلوس شن فكرك فيا انت باش معاد تتصل😡
وليد..يا اما تعطيني الفلوس يا اما تجيني اهني ليلة مع بعضنا😉 يا اما نقول لي بوك وانتِ تعرفيني مانقصرش😉
سناء انصدمت..ءءء انت شن تقوول
وليد..ومع هدا نبي ضعفهم الفلوس
سناء..تي من وين بنلقاهم
وليد..زي ماقتلك هي تشاوو هههههههععع
سناء قعدت تبكي
اسراء..سنو خيرك تبكي شن في😳
سناء مسحت دموعها..ولا شي😢
اسراء..باه هي تعالي تعشي جبت معاي عشي من برا بايتة عندكم
سناء..الله باهي هي جاية
نزلو البنات وتعشو
اسراء..زعما صلاح وصل؟
سناء..علاش وين؟
اسراء..مشي هو وصاحبه سافر لي تركيا
سناء..ومخليتيه؟
اسراء..خيرك ياغبية ماه ديمة يسافر مرات نمشي معاه ومرات نفوت ع الجو وهو يعني يتاجر
سناء..اه باه من من صحابه
اسراء..اللي خطبك😉
سناء..اي حق خطب؟
اسراء..ايه قريب عرسه
فاتن..كانك قعدتي راه عرسكم قريب😒
سناء..ربي يهنيه😏مش خاشلي راس
اسراء..تو نشوفوه اللي بياخدك😒😉
حور..خاطري نشوف شكله وحق ربي 😂😂
ادم..حويلة حبت
حور..ياوخييتي سلمه ولد خويلة😍
ادم..☺☺
ركبت سناء وخشت لي دارها قعمزت تفكر كيف بدير في مصيبتها اللي جت ع راسها والمشكلة ماحصلتش فايدة منها وفلوس ماعندهاش ومشي مستحيل تمشيله كيف بديرر؟؟
سناء..ايوا نعم😕
وليد..وتيتي فلوسك اني قدام حوشكم ره 😁
سناء..نننعم😳😨
فتحت الروشن ولقاته قدامها واقف بسيارته
وليد..هيا ماتعطلينيش
سناء..بس اني ماعنديش المبلغ اللي قلتلي عليه😰
وليد..معناها اطلعي معاي ومش حنعطلو😉😈
سناء..تتتي شن تقووول انت😱في احلامك والله
وليد..كنتي فكري وقت قتلك هاتي الفلوس وانتِ ماتبيش وتوا ضعفهم وماتبيش وقتلك حل تاني ماتبيش الحل الاخير اهو نشبح في بوك توا خاش للحوش شن رايك نقدم ونمشي نقوله ع كككل شي😁وينصدم ببنته😉
سناء..حتى كان قتله بيضربوني صح وبنتعذب منهم صحح بس في النهاية اهلي مش حيلوحوني في الشارع😉
وليد مسح ع وجهه لانها استفزاته..معناها تطلعي معاي
سناء..قتتتلك لاااااا😡
وليد..باه عندي ليك خيار رابع يا اما تطلعي معاي يا اما اختك حوور باي باي عليها😉
سناء..ننننننعم😡انت ماليكش علاقة بعيلتي مشكلتك معاي اني
وليد..وانتِ ماتبيش باه كل المحاولات معاك باتت بالفشل هدا اخرلك حل وهي غدوا بنجي في نفس هالمكان ره وعندك مهلة هي تشاو😉
مشي 💨
سناء..حي عليا حي عليا شن ندير😣😣
وقعدت تبكي وتفكر لو طلبت من بوها واختها اسراء وعايدة وكلهم مش حيكفو مبلغ كبير ومستحيل تسدده بس كيف حدير سنااء!!😉 #يتبع
.
.
.
.
ان شاءالله تكون نالت اعجااابكم ياربي 🙈😍😍#حنو