قصة فراق ( روايات ليبية )

حلقة 20 🔥

#قصة_فراقـ💔
.
.
.
.
.
.
الحلقة 20🔖
.
.
.
.
فتحتلهم حور الباب
حور..اهلا وسهلا شرفتونا
الكل..اهلا بيك وسلمت عليهم حور وخشو للحوش نادت امها وخواتها وطلعو سلمو ورحبو بيهم ركبت حور لي اختها
حور..سنو هي قتلك ماما انزلي اهو القهوة واتية في المطبخ طلعيها وفرقيها عليهم
سناء..😒باه
نزلت سناء وحور وخشو للمطبخ خدت سناء سفرة القهوة وماشية بإتجاه الصالون
دالية..هي وين عروستنا☺
فاتن..اهيا جت
خشت سناء..السلام عليكم
فاتن تفنص وتقوللها ابتسمي
سناء..😊تفضلي
وعطتهم القهوة وقعمزت شوية وطلعت ركبت
دانا..الصراحة مشاءالله عليها سناء تهبل وان شاءالله ربي يقدم اللي فيه الخير
فاتن..بالنسبة لينا احني ولي بوها ف موافقين سئلنا على خوكم ومشاءالله وعلى بركة الله
دالية..😍يعني موافقين
فاتن..ايه موافقين☺
دانا..معناها نحددو يوم لي الرؤية الشرعية
فاتن..ان شاءالله
دالية..خلاص انتم شوفو اليوم اللي يناسبكم وكلمونا☺
فاتن..بإذن الله
كملو قهوتهم وناضو روحو ويشكرو في سناء وطبعا امهم متوفية لهدا السبب خواته 2 بس
اسراء..تعالي تبيش تعرفي شن اسمه؟
سناء..اني مانبيشي لاكن فضول قتلني😒
اسراء..هههههه
عايدة..ياحنة اسمه معتوق😂
اسراء.. عمره في السبعين😱😂
عايدة.. متزوج😉😈
اسراء..وعنده حتى كناين😂😂
وسناء مع كل كلمة تشبحلهم ومصدومة😨 وتفتح في عيونها مع كل كلمة تنقال😳
سناء سكرت ودانها..خلااااااص اسكتتي😡
عايدة طقوها هيا واسراء..😂😂😂😂
سناء..حيوااانات😠
عايدة..خلاص خلاص اهو بنقولك 😂😂هههههههههههههههـ
اسراء..اسكتي انتِ تو نقوللها اني😉😂
سناء..معاد نبي نعرف اقلبو وجوهككم
وخشو عليهم انوار وشيماء كانو في الجامعة..سمعنا جي خطيب😍😍
سناء..ووووك كملللت 😣
اسراء..قعمزو تو نقولولكم هي
سناء..قتلك معاد نبي نعرفه
انوار..صكفمك اني نبي نعرف😒
سناء..هففف😑
شيماء..تي هي قولي
اسراء..ياحنة هو صاحب راجلي يعني نعرفه عز المعرفة طرف مغبر اسمه طارق مواليد 86 طبعا عايش حياته اهني وفي بنغازي لانه عيلة امه من الشرق وشن تاني اي اسمراني طويل وعريض رياضي عضلات لحية عيون خضر شعره اسود ااااه😍😍
سناء لوحت عليها المخدة..عندك راجلك خير ماتوا نحرشه فيك
انوار..كان ماتبيشي ناخده اني عادي 😂😂
سناء..😒😒هيا طيرو
عايدة..بعد هدا كله اللي حكيناه مزال مكعبشة في احمد😳
سناء..😒😒احمد حبي الوحيد
اسراء..خرررفي ياحليمة
سناء..هي طيرو
طلعو وكلهم مأيسين من اختهم نزلو هدرزو وروحو المتزوجات وقعدو مقعمزين البنات وقعد معاهم ولد اسراء مايبيش يروح
حور..ايهم هي تعالى اننو
ايهم..هي ياحويلة
ايمن خو حور..حويلة 😂😂😂
حور..اياح علينا عاد
ايهم..حويلة علاس يضحك حالو
حور..😂😂😂حاالو
ايمن..😒قول خالو
ايهم..ححالو
ايمن..برا ارقد اجري
ايهم..هي ننو حويلة
حور..هي يا حويلة
مشو للدار انتاع حور وبدلت حوايجها وبدلت لي ايهم وخشو رقدو مع بعض
.
.
.
.
.
ميسم..حميدا سمعت ان سناء نخطبت
احمد..ايه قالي عمي وقال انه موافق عليه وسئلنا عليه واموره طيبة
ميسم..ربي يتمملها
احمد..ان شاءالله ويفكنا سوها
ميسم..يارب
تغدو وقامت ميسم السفرة وكملت مواعينها ومشت بدلت ونزلت لي خالتها يهدرزو
.
.
.
اما عند سناء فكانت ماتبيشي وبالسيف ادير في هدا كله💔
نزلت سناء وكانت لابسة ومتأنقة وبشخصيتها القوية وخشت لي الصالون كان طارق مقعمز وبوها خشت سناء بالقهوة وعطاته هو وبوها وقعمزت مقابلتهم وهي حاطة عيونها لوطة وماتبيش تشبحله اما طارق ف اول ماخشت وهو فرحان بيها لانها عاجباته من الاول وزاد انسحر بجمالها ومانحاش عيونه من عليها
سراج..اني تو نجيكم خدو راحتكم
طلع سراج خلاهم ع راحتهم وكان عنده امل ان بنته تتقبل الشخص هدا
طارق حط فنجان القهوة ويشبحلها كيف متوترة ومقعمزة وتهز في رجلها
طارق..كيف حالك
سناء قامت راسها وشبحتله..الحمدلله😕
طارق..شن امورك شن جو الخدمة؟
سناء..كويسة
طارق..كويس يا سناء طبعا اني عندي شروطي وحنقولهملك
سناء في عقلها..تي مزال حتى يتشرط الدراه هدا 😒..تفضل
طارق..طبعا اني اول شي اللبس مانحبش بنت تطلع بلبس وجو يعني عباااية وتاني شرط سواقة لا( وهني سناء شبحتله وقامت حاجبها😳)ووخدمة لا
سناء..احفرلي قبر واردمني فيه وخلاص😠
طارق..اللي عندي بنقوله ولو سمحتي ماتقاطعينيش احم و ابتلبسي وخمار😁وجو الطلوع هلبا مانحباشي
سناء..لااااااا كترته كترته على ماوصوه انت جاي باش تدفني في الحياء والا شنووو تي شن هدا تي ع كلامك هدا دور من يرضا بيك😡
طارق..والعرس حددنا اني وبوك بما ان اني شايفك قبل ف حدددناه ع طول يعني مانبيش نعطل الخميس الجاي البيان والفضانية وبعد اسبوعين من البيان العرس وهي السلام عليكم😉
ناض وطلع روح وسناء قاعدة في المربوعة تبكي ومصدومة من اللي سمعاته
خش عليها بوها لقاها في نفس الوضعية
سراج..خيرك شن في قاعدة تبكيلي ع احمد😡
سناء..نبكي ع حياتي اللي بتدمر من وراك انت وامي ومش مسامحتكم لانكم دمرتوني
سراج..مادمرناكش وطارق من مصلحتك
سناء..يابوي مشكلتك دلعتنا وكل شي عندنا وهدا في لحضة كل شي لا لبس لا خمار و عباية وسواقة مافيش خدمة مافيش طلوع مافيش تي شن هدا ادفنوني وخلاص انتم
وطلعت من الصالون وركبت لي دارها تبكي
قعمز سراج يفكر وهل اللي داره صح او غلط قرر انه يكلم طارق ويفهم منه وقاله ع شروطه
سراج..بس اني بنعطي بنتي ليك باش نبيها ترتاح وتتهنى ونتهنى عليها مش باش ندفنها
طارق..اني نتنازل ع شرطي الخمار والخدمة حنفكر فيها بس الباقي لا
سراج..ع الاقل الخمار عمره ماجي بالغصب لانه
طارق..اوك
سراج..هي نتلاقو ع الخير
سكر سراج وهو طايرتله من طارق وفكر انه مدامه بنته تبيشي يفسخ الموضوع وحكي لي اولاده ومرته وكلهم ماوافقوش
ايمن..يابوي بتولي في كلمتك قدام الناس؟؟
سراج..ها امالا ع خاطر الناس ندفن بنتي وهي حية؟
فاتن..مش هكي بس اني والله فرحتلها نصيب مقووم ومن غير الزين اللي فيه ساده وهي تو تبدا عنده وتقدر تقنعه بحجات هي ماتبيهاش يعني كل شي يجي بالتفاهم
سراج..اني كلمته وقتله ان شروطه هلبا مبالغ فيها يقتلها وخلاص مشي قالي نتنازل ع شرطي الخمار زالخدمة نفكر فيها والباقي لا
ايمن..تي شن ولا هدا يتأمر تي فوته خلاص مداما دوته هكي اختي مش طايحتله
سراج..وهدا علاش اني ماعجبنيش رده وكلامه
ايمن..خلاص افسخ الموضوع حتى هيا ماتبيشي خليها برضاها خير من هكي بالغصب
فاتن..تي شن تقولو انتم
سراج..مداما انتِ همك النااس ينفعووك الناس وقت بنتك ياخدها يومين 3 وتتكدسلك في الحوش اهنني عاجبك؟؟؟ خلي براحتها احسن من غصب واني قلت خلي نديرو المقابلة مرات هيا توافق قلت يهدرزو مع بعض مرات يعجبها اسلوبه بس صار العكس وخلاص الموضوع هدا تسكر وغدوا نكلمه نقوله مافيش نصيب✋
فاتن..براحتك😏
ناضت فاتن ومشت لي بنتها
فاتن..ها ارتحتي توا ولد زي الوردة طيشتيه من يدك
سناء..شن قصدك
فاتن..بوك غدوا بيكلمه وبيقوله مافيش نصيب
سناء..قولي والله😍
فاتن..اشي الحمارة فرحانة زيادة
سناء..وعلاش لا😍 وينه بابا
فاتن..لوطة هوا وايمن
نزلت سناء تجري وهي فرحانة وتضحك..بابا😍😍 وتغمراته انت احسن اب في الدنيا والله عارفة روحي مانخونش بالسرعة هدي
ايمن..ههههههه
سراج..قتلتيني نوضي من عليا
ناضت سناء وقعمزت جنبه..حقا اللي سمعته من ماما
سراج..ايه
سناء..ربي استجاب لي دعواتي
سراج..المرة هدي خديت بكلامك ولانة هو اسلوبه ماعجبنيش واني بنتي مش ملوحة والف واحد يتمناها ولاكن المرة التانية لو جي نصيب مش حنوقف وحنوافق ره
سناء..باه غر يجي بعدين ساهل خليني فرحانة توا
نزلو البنات وكانو فرحانين لي فرحتها
سناء..هيا نوضو يابنات وتو روحكم معزومين ع العشي في احلى مطعم هي ايمن ارفعنا واني عازمتكم😍☺
ايمن..وتو روحكم اصلا مكسد
ناضو لبسو وطلعو تعشو وكانت سناء فرحاااانة وكأنه غمة وتنحت من ع قلبها💕
بعد تعشو روحو
.
.
.
.
.
.
امجد..بالشوية حبيبتي
اميرة..معاد قادرة شن هدا وليت بطة والله انت تيمون واني بومبة 😭
امجد..😂😂😂خلاص عادي ياروحي هانت شن مزالك شهرين او 3 بس
اميرة..وبسس معاها😡
امجد..شن بنديرلك اني هدا امر ربي عادي كل شي بأجره
اميرة..ماه كان انت هنيت روحك راني توا مقعمزة نقرا وقاعدة برشاقتي مش توا رايحة زي البرميل
امجد..😂😂😂😂ووووه ههههههههههه👏👏
اميرة..مبردك😡😒
خشت اميرة للدرا وامجد حط الشيتات دار قهوة ودار كاكاو لي اميرة ومشالها للدار لقاها كيف بدلت وتساوي في روحها باش تركب ع السرير وتقعمز وفتحت  TV
امجد..تسمحيلي نقعمز معاك
اميرة..امجد اني طايرتلي لاني عارفة غدوا مش حنجاوب
امجد..لالا ياروحي خلي نزيدو نقرو مع بعض احني شن خاسرين هي ياعمري عاد😉
اميرة..باهي☺
امجد قعد يقري فيها ومرة مرة يناشب فيها
اميرة..امجد عااد خلينا نقرو
امجد..تي باهي مستاحشك هدا علاش
اميرة..هات شيتاتي برا اقرا غادي وخليني نقرا بروحي
امجد..باه خلاص خلاص معاد نعاودها
اميرة..الصبر😑
وكملو قرايتهم ورقدو
.
.
.
هناء..انس انس
انس..ها هنو
هناء..وينك
انس..في المكتب
جت هناء وجايبة معاها سفرة فيها حلويات وكابتشينو ليها وليه وقعمزت
انس..جي في وقته
هناء..☺
انس..قولي هيا نسمع فيك
هناء..شن😳
انس..اني نقرا فيهم افكارك ره
هناء..😳ءء باه نبي نزورو امي وامك يعني استاحشت العيلة
انس..هدا علاش انتِ
هناء..ايه مليت اني هني انت تبينيش نخدم وحياتي بش عارفة كيف كل يوم نفس الروتين نبي نروحو نغيرو جونا مع العيلة شوية ونولو
انس..باااهي حاضر ياروحي انتِ اطلبي بسس☺
هناء..😍😍جدياات
انس..ايه خليني انظم اموري ونروحو شهر غادي ونولو باهي هكي
هناء..تي نحبك وراس امي نحبك😍😍
انس..ههههههه
ثمارة ناضت تبكي
انس..صوت ثمارة
هناء..تي 😡 شن هدا كيف رقدتها
انس..هههههه وجعها خاطرها تبي حضن البابا بلكي
هناء..هاهاها 😒
انس..ههههههه غيورتي تي انتِ العسل وهيا السكر😘😍
هناء..باه ياروحي كمل انت خدمتك واني نمشي نكمل باقي حجاتي ونسكت توتو
انس..باه نحبك
هناء..نموت فيك
.
.
.
.
ميسم....😏😒
احمد..😳😨
.
.
.
#يتبع
ان شاءالله تكون نالت اعجابكم ياربي واسفة ع التأخير حبايبي😘 #حنو