قصة فراق ( روايات ليبية )

حلقة 15 🔥

#قصة_فراقـ💔
.
.
.
.
#الحلقة 15🔖
.
.
.
.
وفاتو ايام وليالي وكل منهم عايش حياة
.
.
احمد..😡مليت اني مليت يا ميسم كل ليلة وانتِ راقدة تهتري بي اسمه💔 خلاص خلاص تيم انسيه تيم مات ✋وشبع موت الله يرحمه اني توا راجلك فيقي لي روحك راك جرحتيلي قلبي راك💔تعبتيني والله تعبتيني😔حرام عليك😞
ميسم..باهي شن بالندير ع قد مادرت قدرتش ننسااه
وقعدت ترن الكلمة هدي في ودن احمد
احمد ناض خدي مفاتيحه.. باهي وقت تنسيه كلميني هيا ماشي✋💔
طلع احمد ومشي لي استراحته
.
.
.
ميسم..😭😭😭ياربي شن بندير اني واااك عليا والله مانقدر اني نحب تيم😔💔
جي تيم ولدها طبعا ابدي يمشي
تيم..ما ما😟
ميسم..ها يماما والله ماناقصة قاماته في حجرها وقعدت تهز بيه لين رقد وهيا تفكر في حياتها كيف بيصير معاها واحمد وين مشي وخلاها 💔معاد عرفت هل تبي احمد امـ تبي تيم ؟؟!!
تاني يوم الصبح ناض احمد مالقاهاش متصلة وجعه خاطره يعني ماتصلتش حتى تسئل هوا وين ولا بعتت مسج ..مشي روح لي حوشه لقاها راقدة ع الكنبة ولقي تيم نايض يلعب بي العابه قامه وباسه
احمد بصوت هادي..استاحشتك يامعفن
تيم..ماما ماما ابكي😔
احمد..شنو ماما تبكي؟
تيم هز راسه بي ايه
نزله احمد يلعب بي العابه وجي لي ميسم قعد يلعب بي شعرها وباسها ع جبينها ومشي خدي حوايجه وطلع وسكر الباب ناضت ميسم ع تسكيرة الباب✨
مشت ميسم دورت ولدها لقاته يلعب
مشت لي الدار لقت حوايج احمد اللي راميهم حطت في الغسالة وخشت هي دوشت وطلعت بدلت ودارت فطور وقعد زي ما هوا ضماته وضمت الحوش وبدلت لي ولدها وخلاته يلعب
ميسم..ننزل لي خالتي
نزلت لي خالتها
ميسم..صباح الخير ❤
حميدة..صباح النور❤
ميسم..تبي نساعدك في حاجة خويلة هاتي عليك تو اني نكنس الجنان☺
حميدة..وين ولدك
ميسم..فوق بدلتله وخليته يلعب بي العابه
حميدة..تو كان يجبد عليه حاجة
ميسم..تو نمشي نجيبه هي
حميدة..لالا خليك انتِ تو نركب نجيبه هي
ميسم..بلكي دروج عليك خويلة تو نجيبهولك
حميدة..لالا خلي نسرح رجيلاتي ههههههـ
ميسم..باهي براحتك
كنست ميسم الجنان كله وبعدين خشت ضمتلها الحوش وهي هدا كله تلهي في روحها باش ماتفكرش في احمد 💔✋
حميدة..صحيتي سلم كنتي ياربي☺❤
ميسم..سلمك خويلة 😍☺
حميدة..درت قهوة اني الصبح جيبيها نشربوها برا
ميسم..حاضر هي
قعدت حميدة تلعب في تيم وميسم جابت القهوة والحلويات وقعمزت هي وياها وقعدو يهدرزو ✨ محلاها لما تبدا الكنة وعزوزتها متفاهمين😍😍
.
.
.
.
ويوم عن يوم ميسم ابدت تستاحش في احمد بدت تحس بفراغ كبير
حميدة..شن في يابنتي شن صاير بينكم
ميسم..مشكلة بيننا ياخويلة نقدرش نقولك💔
حميدة..باهي علاش هكي كلميه وقوليله يرجع لي حوشه
ميسم..مش حيرد عليا نعرفه😔
حميدة..انتِ جربتي تكلميه؟
ميسم..لا
حميدة..امالا اتصلي شن خاسرة
ميسم..باه
نزلت حميدة وشدت ميسم الفون
ميسم..زعما نتصل باهي لو مايردش عليا؟ ندير زي ماقتلي خالتي نتصل واللي بيصير يصير
اتصلت ميسم وع طول رد عليها✨
ميسم..ءء احمد😣
احمد كان يسمع فيها ومايبيش يتكلم
ميسم..احمد ارجع لي الحوش😞
ونفس الشي يسمعلها ويبيش يرد
ميسم..احمد نعرف انك تسمع فيا رد عليا يا احمد بالله عليك ارجع لي الحوش اخي الحوش من غيرك يا احمد بالله عليك استاحشتك واستاحشت كل شي فيك بالله عليك ارجع😢💔
احمد..هدا وين فقتي يا ميسم ؟؟😕
ميسم..كنت محتاجة وقت نفكر فيه
احمد..وشن صار توا
ميسم..اني تعودت عليك وحبيتك ومانقدرش الحوش من غيرك اخي معاد نقعد فيه ديمة لوطة بديت اخي الحوش من غيرك ولي بالله عليك😭😭
احمد..اااه يصير خير💔
ميسم.بالتولي الليلة؟
احمد..مش عارف
ميسم..هيا ولي خلاص ونوعدك اللي صار معاد يتكرر😌
احمد..ميسم اني مانبيش اللي صار معاد يتكرر لا لانة اللي صار بدون ماتشعري بروحك بس اني نبي نكون في قلبك اني اللي تفكري فيه واني الراجل الوحيد اللي تحبيه ميسم لو ماتقدريش تحبيني وانك متزوجتيني ع خاطر وصية تيم فقط قولي
ميسم انصدمت كيف عرف..شن تقول انت اين وصية 😳
احمد..اني نعرف يا ميسم وماتقوليش كيف المهم لو قاعدة معاي ع خاطر الشي هدا قولي واني مستعد نعطيك حريتك لانة كل شي ولا حبني يا بني ادم بالسيف💔✋هي سلام
سكر عليها وقعد يشبح لي السمي
احمد..يااااارب💔
ميسم قعدت تبكي ومش عارفة روحها شن تبي اتصلت بي ميار
ميسم..الو ميار
ميار..ايوا اهلين كيف حالك😍☺
ميسم..ميار تعبانة اني تعالي في حوشي💔
ميار..خير بسم الله شن في 😳
ميسم..محتاجة حد نفضفضله تعاليلي 😞
ميار..باهي هي تو نجيك😕
ميار..حبيبي ترفعني لي ميسم
عمار..توا ؟؟ مش وقتها
ميار..بس اختي مريضة ومضايقة مش عارفة خيرها ارفعني😰
عمار..باهي 5 دقايق كوني واتية
ميار..والبيبي تخليه عندك؟؟😉
عمار..لا عندي ماندير اني😊
ميار..اووف😒
ناضت ميار لبست ولبست بنتها الصغنونة وطلعو مشو لي ميسم ركبت ميار لي ميسم طول ولقت الباب مردود خشت ميار
ميار..ميسم حبيبتي وينك😣
ميسم..اني اهني في المطبخ😞
ميار..خيرك شن في ؟؟😳 خيرا عيونك هكي شن صاير احكي😰
ميسم..غر قعمزي وتو نجيك😁
ميار..اوك
حطت ميار بنتها ع السرير لانها راقدة وجت قعمزت هي وميسم ويشربو في القهوة
وحكت ميسم لي ميار ✨
ميسم..قوليلي توا كيف ندير
ميار..من رأيي انك خلاص تنسي تيم وتعيشي حياتك مع احمد
ميسم..بس ماقدرتش
ميار..اني نقولك انتِ باهي حبي حياتك حبي روحك حبي ولدك وحبي راااجلك❤خلي حياتك ناشطة شوفي لي مميزاته لا لي عيوبه قصدي يعني حاولي علاش تسكري فيها وتقولي لا ومانقدرش تقدري انتِ شن خاسرة جربي حبيه
ميسم..اني حبيتاشي بس تعلقت بيه حبيت كل شي يديره هوا ❤حبيت جرأته حبيت كلامه حتى نكون جافة معاه هو مايعدلش حبيته وقت يلقاني زعلانة يرضيني ع طول حبيته وحبيته وااااه💔💔
ميار..ومزال تقولي مانحباشي 😠
ميسم..بس كيف هكي اني نحب تيم💔
ميار..خلاص فيقي ع روحك يا اختي تيم مات مااااااااات✋😡 افهمي انتِ توا متزوجة غلط تفكري في واحد غير راجلك حرام عليك تعذبي فيه عاجبك لما تحوم عليه وحدة تانية😠 وقتها لو اديري الف حاجة مش حيتلفتلك ترا قولي علاش لانة لقي اللي تحبه تي وقتها اني بروحي انأيده 😠ع اللي يديره تي انقدي روحك وانقدي زواجك يا مهبولة 😠خلاص عاد فكري كويس وفكري بعقلك مش بقلبك حاولي تحبيه وبعدين شن حاولي تي انتي وقت تحكي عليه باين انك غاااارقة في غرامه وحبه ومزال تقولي نحب تيم 😠😠✋
ميسم..باهي شن بالندير باش نرجعه مايبيش يولي للحوش😔
ميار..ساهلة اتصلي بيه وقوليله تعالى العشي عندنا الليلة وانت فكر بعدها شن تقول
ميسم..بس كيف بالنوتي هدا كله توا
ميار..جي اليوم اللي بنردلك فيه معروفك اللي درتيه هديكا الليلة ههههههههه❤❤
ميسم..خزي ههههههه باهي هي كلميه وصي ع الماكلة والحاجات وانتِ انزلي لي خالتي عيب واني خلي نوتي روحي ونتصل بيه
ميار..حي ع اللزان😳
ميسم..نوضي😒
ميار..باهي يا كلبة باهي😒
مشت ميار خدت بنتها ونزلت لي خالتها وخدت معاها تيم💃
بعد كملت ميسن كل شي وبدلت جت ميار بالماكلة وستفوها ومعاهم حميدة لانها حكتلها ميار ع كل شي ✋
ونزلو ميسم..الو
احمد..ها يا ميسم شن في تاني
ميسم..احمد تعالالي بسرعة نحس في روحي تعباانة
احمد..امي لوطة؟؟؟ كلميها واني جايك
ميسم..تعباااانة مش قادرة
احمد..باهي باهي جاااي جاااي
جي احمد يجري للحوش وماوصل الا قريب دار حادت🚗
درس السيارة طق طق ع حوشهم مافتح حد
احمد..يمااا الحقيني بسرعة
ركب احمد يجري لعند ميسم فتح الحوش وهو يرعش ولقي قدامه ..#يتبع
.
.
.
.
.
😂😂😂نبصر نبصر
.
.
.
قدامه ميسم واقفة كانت لابسة قفطان قصير لونه بينك ومن الظهر دانتيل طالع يهبل عليها😍👌
احمد يشبح جاها هيا..فيك حاجة ؟؟ شن صاير 😳😳
ميسم..ههههههه قعمز باهي ريح روحك خلي نجيبلك ميا
جابتله ميسم اميا
ميسم..تفضل
خدي احمد شرب الميا وقعد يشوفلها ويشوف للحوش كيف مزين وجو رومنسي😍😍
ميسم حضناته..اني اسفة ع كل شي صار اسفة لاني جرحتك وعذبتك اسفة ع كل شي صار يا حمودي سامحني☺
احمد زاد حضنها..سامحتك😌😍
ميسم قامت راسها وشبحتله..احمد اني بجد بجد استاحشتك ونحبك المرة هدي نقولك فيها ومن قلبي مانعرفش كيف حبيتك بس نحبكـ ❤😍
احمد..😍😍نموت فيك اني ومانقدرش نعيش من غيركـ ربي يحفظك ليا ومايحرمني منك
ميسم..يارب ولا يحرمني منك❤💋
قعمزو تعشو بعدين فتحت ميسم اغنية وقعدو يرقصو عليها❤❤
.
.
.
ميار..اني بالنروح بيه يا خويلة معاي باهي؟
حميدة..خليه عندي عادي
ميار..لالا تو يتعبك نعرفه اني
حميدة..باهي يا بنيتي ديري بالك عليه وع بنيتك
ميار..حاضر
مشت ميار روحت
عمار..جبتك ببنت وحدة روحتيلي ببنت وولد
ميار..ريت حصلنا ولد ع السريع ههههههه
عمار..ولد ميسم وله
ميار..ايه ولد ميسم ابيقعد عندنا اليوم
عمار..مرحبتين بيه😍☺
روحو للحوش دارت ميار العشي وقعمزو يتعشو وعمار كان يلعب في بنته وتيم
ميار..هيا تعالو تعشو
قام عمار آيات و تيم ومشي بيهم
ميار..ههههههه محلاكم تهبلو هي هاته تيوم قعمز هني هي واعطيني ايوته هي
وكلتهم ميار وكلو هما ودخلتهم ميار للدار رقدت تيم وخشت ببنتها رقدتها في سريرها ورقدت هيا وعمار
.
.
.
.
تاني يوم الصبح
ميسم جايبة الفطور لعند احمد
ميسم..صباحوو 😍
احمد..صباحك ورد ❤
ميسم..هي نوض افطر
احمد..نخش الحمام ونولي
ميسم..اوك ☺
خش احمد وولى قعمزو ع السرير وفطرو مع بعضهم
ميسم..احمد
احمد..ها
ميسم..انت مسامحني ع اللي صار قبل
طعمها احمد..مسامحك اكيد واللي فات فات وهي كولي وانتِ رحتي زي الخلال 😂
ميسم..عينك نبيش نسمن
احمد..اني نبيك بطة
ميسم..عينك
احمد..نجيك ره هيا كولي ماكلة القطاطيس اللي تاكلي فيها 😕كولي
ميسم..باهي حاضر هههههه
احمد..وين تيم
ميسم..نندريش ممكن عند امك او عند ميار
احمد..باه
ناضت ميسم وقامت السفرة وغسلت المواعين وناض احمد دوش وطلع لقي ميسم اطيب في الغدي
احمد..شن رايك نسافرو كلنا مع بعض
ميسم..😍😍بالحق
احمد..ايييه
ميسم..وين باه
احمد..وين تبي انتِ
ميسم..نعرفش بس شن رايك نمشو عمرة
احمد..😍عادي فيش مشكلة
ميسم..حتى امك معانا ره😍
احمد..اكيد
ميسم..امتى به
احمد..خلي انضم اموري ونقولك امتى😉
ميسم..اوك☺❤
.
.
.
بعد سنوات
اميرة..حبيبي مليت اني هني استاحشتهم😔
امجد..الله غالب ياعيوني اهو شن مزال خلاص قريب نكملو
اميرة..باه امتى بالنروحولهم يعني نروحو وانولو
امجد..مش عارف يا اميرة تشبحي في الوضع قدامك خيرك هكي تنقي 😠
اميرة..باه اني انق وله خلاص اهو سكتت
ناضت اميرة ومشت قعمزت في الدار دايرة قدامها الشيتات ولاكن هيا مضايقة ومش جايها نية تقرا بكل
لمت اميرة الشيتات وضمت رجليها ليها وابدت تبكي😭😭
امجد كان يشرب في القهوة ويقرا مرة مرة يسمع في شهقاتها وهيا تبكي مباش يمشيلها حب يخليها تبكي ع راحتها
بكت اميرة لييين طيبت خاطرها💔 وبعدين امجد معاد سمع صوتها جي لقاها
.
.
.
.
#يتبع
.
.
.
انـ شاءالله تكون نالت اعجابكم وهيا تفااعلو
#حنو