#قـصـة_فـراقـ💔
.
.
.
.
الحلقة 33🔖
.
.
.
.
سناء..فونك يتصل
حور..هدا هوا شن يبي تاني😭
سناء..ردي
ردت حور..الو
**..السلام عليكم اختي
حور ساوت روحها..تفضل من انت
**..صاحب الفون دار حادث وحالياً ناقلينه للمستشفى
حور..في اما مستشفى😭
**مستشفى الـ...
طلعو مشو للمستشفى ولقوه في العمليات💔
حور..زعما شن صارله😭😭يااارب كون معاه ياااارب ساعده يااارب اهله ماعندهمش غيره ياااارب🙏😫
جت امه وخواته
سناء..حور هيا نروحو نولو بعدين😕
حور..حولي
سناء..حور لااا
حور..ارتحتي توا ارتحتي😭😭فرقتينا عن بعض خليتيه يدعي على روحه اهو شوفي شن صار مش مسامحاتك لو صارتله حاجة😭😭😭
جوري..احترمي نفسك ومش اول وحدين يصير فيكم هكي😠
سناء..حور هيا خلاصص😠
حور..ماعندكمش لا قلب ولا احساس ناس عديمي الاحساس الله لا تسامحكم زي ماحرقتولي قلبي ربي يحرقلكم قلبكم😠😢
سماء..هي حور نروحو
حور..حولي مش محولة من هني لين نعرف شن حاله
امه..بصفتك منو قاعدة اهني😠😠
حور..بصفتي حبيبته😡البنت اللي حبها البنت اللي لقاها حنونة عليه اكتر حتى من امه البنت اللي شاريها ومتمنيها نزيد نكملك والا ساد؟؟
حياة..خلاااص هوا بين الحيي والموت وانتم تتعاركو اهني😡😭اسكتووو
سكتت حور وقعمزت ع الارض وتبكي وتستنى وتدعي جت باقي عيلته واللي يجي يسئل من اللي ع الارض مقعمزة
سناء..حور هيا صلاح يتصل ومانبيش نقوله شي وبابا يتصل اهو شن بنقوله💔
حور..قولي اللي تبيه
سناء..ايوا بابا
بوها..وينكم😡
سناء..يا بابا صاحبة حور دارت حادت ومشينالها اهو نستنو فيها تطلع من العميلة وحور ماتبيش تمشي من مكانها اهوا نشوف في الدكتور طلع تو نكلمك بابا
بوها..باه وطمنوني
سناء..حاضر
حور..كيف حاله😭💔خيركم عطلتو
امه..كيف حاله ولدي💔
حور شبحتلها شبحة انتاع انتِ سبب في كل شي
الدكتور..لحد الآن حالته استقرت بس
امه..بس شنو😰
الدكتور..للأسف ولدك من اليوم معاد يقدر يمشي يعني مقعد💔😔
امه..لالالا شن تقوول😠
الدكتور..درنا اللي علينا يا خالتي الله غالب قضاء وقدر
حور حطت يديها ع فمها وتبكي بشهقة وصاخت قاموها ورفعوها عطوها مهدئ
ناضت حور بعد ساعة..😭😭
سناء..خلاص حور حبيبتي خلاص💔💔
فكت حور اليبرة ولبست وشاحها ومشت لي وين حاطينه قعدت تترجى في الدكتور انها تخشله خششها بدون مايندري حد
الدكتور..لحد توا مايعرفش بشي تمام؟
حور هزت راسها بي ايه وخشت💔
لقاته فايق وكانت دمعته ع خده نازلة
حور..حبيبي💔
جهاد يشبحلها ومش قادر يتكلم يأشرلها ع رجليه ويحاول يدوي مش قادر💔
حور..اشش تدوي شي خليك ارتاح توا حبيبي
جهاد..ر ر رجليااا
حور..خيرهم😣
جهاد..مش قادر نحكرهم💔
حور..ماه مزال لانة البنج قاعد فيك ماتحسش بشي😁
جهاد..تكدبوش عليا مش حاس بيهم نهائي💔
حور..😔
جهاد..انشليت؟؟
حور..😔نعرفش
جهاد..باين وواضح😩
حور..الله غالب جهاد هكي ربي كاتبلك
جهاد..😣😣
حور..امك تبي تشوفك اني مش مسيباتك قاعدة معاك مهما يصيرلك اني معاك مستحيل نسيبك💔
جهاد ضغط ع يدها..اسف ع كل شي
حور..اششش مش ذنبك خلاص انسا واني معاك ديما❤
طلعت حور وهي تبكي
امه..خيرك تبكي😰شن في عرف ؟
حور..كان يعرف من لما خشيتله يقولي رجليا مش قادر نحركهم 😭
سناء..هيا حور وقت مغرب شن بيروح بينا😡
طلعت حور تبكي وخلت جهاد من اول ماطلعت يبكي ويعيط زي البيبي عطوه مهدئ ورقد وكانو كلهم متأثرين💔
بعد فترة طلع جهاد من المستشفى وداروله حفلة وكان مضايق منهم ومش حاس بشي تجاههم
بعد اشهر
جي بو البنت اللي خاطبينها لي جهاد كان مقعمز في المربوعة ومعاه راجل اخته
خش بوها..السلام عليكم
جهاد..اهلين وعليكم السلام😑
راجل اخته..ارخي روحك. وعليكم السلام😀ياعمي كيف حالك
والمهم سلمو وقعمز وهدرزو
بوها..والله شن بنقولك اني جايك منا بنهوا عليك ومنا بنقولك بنتي طلبها ولد عمها ف شن قلت يا ولدي انت تبيها صح والا غر كلام نساوين ؟
راجل اخته..احكي يا جهاد مش ضروري ادرق شي😉
جهاد..والله شن بنقولك ياعمي اني الحق هيا بنت خالتي وزي وخيتي وع العين وع الرأس بس اللي صاير كله دوة نساوين واني مانبيش الحق اني نبي بنت تانية وكل اللي صاير غصب من امي ولما عارضت حلفتلي برضاها💔 وانت تعرف
بوها..كيف هكي وخالتك تندري!!؟؟
جهاد..لالالا خالتي ماتعرفش شي ع الموضوع تحسابني اني اللي قلت نبيها
بوها ارتاح..باه معناها شنو!؟؟
جهاد..معناها يا عمي توكل ع الله وخلي بنتك تاخد نصيبها ولد عمها😌
بوها..ان شاءالله خير هي اني بنمشي تبي اي شي يا ولدي قولي انت زي واحد من اولادي😌
جهاد..بارك الله فيك نبي منك حاجة وحدة انك ماتجيبش سيرة ان اني اللي رافض لانة امي هكي حتغضب عليا فهمتني؟؟
بوها..بإذن الله👍
طلع بوها وكان فرحان لانة يبي ولد خوه ولانه جهاد مادرقش عليه❤
كان جهاد فرحان وقريب يطير من الفرحة
جهاد..تعرف يا علاء ليا اشبح قداش معاش فرحت الفرحة هدي
علاء..الحمدلله ربي فتحها قدامك
جهاد..بنتصل بي حور بنبشرها😀
علاء..هيا اتصل اني طالع شوية وجاي ❤
طلع علاء وكان فرحان لي صاحبه
جهاد..حبيبتي
حور..نعم جهاد فيك حاجة مريض شن في؟
جهاد..اشش خيرك ولعتي اللطف😂
حور..واو السيد جهاد فرحان فرحني معاك قداش ليا معاد فرحت💔
جهاد..خلاص انحلت يا حور
حور..كيف
جهاد..خلاص معاش في لا بنت خالتي ولا غيرها
حور..❤😍لااا مش مصدقة
جهاد..صدقي ههههه
حور قعدت تنقز فوق السرير وفرحانة وقريب اطير من الفرحة👏❤
سكر جهاد وقعد ينادي على امه خشتله امه
امه..ها ها خيرك شن تبي
جهاد..راجل اختك جي توا وله
امه..ايه
جهاد..قال بيعطي بنته لي ولد عمها
امه..كيف؟
جهاد..هدا اللي صار واني مانبيش نظلنها البنت لانة واضح من لما درت الحادت وهي حتى رنة معاد دارت هدي اول حاجة تاني حاجة اني قتله اعطيها وعندها الحق لانة مستحيل ترضا بي معاق💔وتالت حاجة توا اللي نبيه اني بيصير خديت رأيك وشوفي شن االي صارلي✋
امه..اااه باهي دير اللي تبيه
جهاد..هه بعد شنو بعد ماخسرت حياتي💔المهم وتو روحكم غدوا علاء بيرفعكم لي حوش البنت اللي نبيها وبتخطبوها واني جمعت فلوس وحنطلع برا ونتعالج لانة في امل ان نتعالج😌واني مرتاح واملي في الله كبير وان شاءالله خير
امه..اللي تبيه يصير💟
.
.
جو خطبو حور وكانت حور حاكية لي امها كل شي
فاتن..بوك مش حيرضى افهمي
حور..تبو والا لا هوا بناخده واصلا هوا في امل انه يتعالج ويمشي ع رجليه وهما بيعطو فيا كلمة بس واني نبكمل مزالي 3سنين يعني لبين ماكملت يكون هوا تعالج اكيد❤ماما بالله عليك اوقفي معاي واقنعيه
فاتن..اااه ان شاءالله خير ❤
وجو خطبوها ورضو بيها غصباً عليهم
بوها..لالا
فاتن..غر افهم انت قبل
بوها..شن بنفهم مايتحركش الراجل
فاتن..الراجل مشاءالله عليه علم وزين واخلاق والناس كلها تمدح فيه حاجة وحدة بس دار حادت الفترة هدي وانشل مسكين
بوها..وينها هيا تبيه؟ 😠
فاتن..ايه هيا تبيه اهو نفولك هو كان حيخطبها قبل مايدير الحادث هدا ولما صار هدا كله جي خطبها وقاعدة تبيه ويبيها ماتوقفش بينهم يا راجل يهديك ربي💔 وهو حسب كلامهم يبو يعطو فيها كلمة لين ماتكمل قرايتها 3سنين ره مزالو وهو وبيمشي بيسافرو ويبدأ في علاجه💔
بوها..ناديهالي
فاتن..حووور يا حووور
جت حور تجري..نعم
فاتن..تعالي يبيك بوك
حور..نعم بابا
بوها..موافقة؟
حور..ايه
بوها..معاق!
حور..راضية بيه
بوها..قدها؟
حور..بنتك اني وتربايتك اكيد حنكون قدها❤
بوها..متأكدة
حور..100%
بوها..مش تجي بعد ماتحصلي وتقولي ووه عليا وووه
حور..مستحيل وبعدين ماحكتلكش ماما؟
بوها.. عارف حكتلي بس بعد مانعطو كلمة للناس حتى ولو ماتعالجش انتِ ليه خلاص مانقدرش نولي في كلامي بعدين☝
حور..بإذن الله جنكون قد المسؤلية هدي وحنرفعلك راسك وحيقولو ارجم من جاب وعقب👌💛
بوها..😊تعالي تعالي
حور..شنو😳
بوها..غر تعالي
قربتله حور وقعمزت جنبه وتشبح لوطا
بوها..لسانك هدا مايسلم منه حد في ثواني اقنعتيني ربي يحفظك ليا يابنتي ويعطيك كل ماتتمني ويواتيك الوقت الطيب ياااارب❤بري توا هي
حور باساته ع جبينه💋..ربي يخليك لينا يا الحنون علينا ومايغيبك ياااارب❤
ركبت حور تجري وفرحانة
سئلو عليه اهلها والكل شكره
دار اوراقه جهاد وسافر هو وصحابه وبدي في العلاج كل يوم يكلم في حور ومش مفارقها بكل❤
.
.
أنت تقرأ
قصة فراق ( روايات ليبية )
Любовные романыقصة فراق ..... قصة حزينة بين بطلين و لكن فجاء يقلب الفراغ الي شوق و حب اخر للكاتبة : حنو لمحبي قصص حب الحزينة رواية من داخل المجتمع الليبي ؟
