قصة فراق ( روايات ليبية )

حلقة 13 🔥

قصة_فراقـ💔
.
.
.
الحلقة 13🔖
.
.
.
هياااا تفااااعلوووو 😍😍😘😘👏👏
.
.
.
امجد..يما تعالي نبيك
هنادي..هيا هي
جاته امه لي داره وقعمزت معاه
امجد..غدوا نبيك تخطبيلي اميرة
هنادي..نعم شنو
امجد..الل قلتهولك
هنادي..وكيف باه لاعندك حوش ولا خدمة
امجد..ع الاقل خطبة
هنادي..اني مانمشيش لي ناس وانت ماعندك شي باش نبي نقابل
امجد..من الاخير غدوا ابتمشي لانة ولد عمها اليوم كلمها ويبيها واني نبيها ترضي ولدك قلبه ينحرق يما انتي تعرفيني من امتى اني واميرة من الثانوية بالله عليك تمشي اكدبي ياودي قولي ولدي يخدم مع بوه ويقرا ابيقرا برا اي شي المهم قولي ان نبي نديرله مرا تعبا بيه وباش يقرا برا نتهنى عليه الفي منك ليك وحوشه واتي تو نقو لي بوي وندبر حوش ساهل شن تاني بي سيارتي والحالة مستريحة شن تبي تاني
هنادي..انني تبيني نكدب ع الناس اووو
امجد..تبيش تمشي نمشي اني وبوي مافيش لزمة
هنادي..اااه بالتجيب اخرتي الا انت باهي باهي
امجد جي باس ع راسها..ايووواه هكي اميمتي حق 😍😍
مشت هنادي كلمت ميسم وكبمت محمد وقاللها مش مشكلة المهم اخطبيهاله وتم الموضوع ومشو تاني يوم هنادي وميسم و ميار اما مياس كان عندها عرس
هنادي..والله شن بالنقولك يا صبرية (ام اميرة) احني جايين نطلبو بنتكم اميرة ع سنة الله ورسوله☺ونتمنو ماتردونا
صبرية..شرفتونا والله ولينا الشرف اناسبو عيلة زي عيلتكم 😍
هنادي..تسلمي☺
صبرية..واللهي يا هنادي بنيتي تقرا واني الحاج مايبيش كذا مرة يجيها نصيب وهي بروحها تقول نبي نقرا مزال يعني ان شاءالله خير وخلاص
هنادي..شوفي حتى اني ولدي يقرا وهو يبيها وبيموت عليها وحوشه واتي ويبي يقرا برا واني قتله من غير ماتتزوج برا لا لانة تعرفي انتي عاد من بي يعبا بيه اني قلت نزوجه ويمشي يكمل برا هو وياها ونتهنى عليه
صبرية..وهيا لازم تكمل قرايتها
هنادي..تكملها حتى عنده ع ضمانتي اني 😉
صبرية..والله خشيتو خاطري وان شاءالله الحاج يقول باهي ربي يكتب اللي فيه الخير ☺
هنادي..ان شاءالله ياربي
وقعدو يهدرزو وميشم وميار مصدومين وينه الحوش ووينها الخدمة😳😳 وهما في الطريق
ميسم..امجد امتى درت حوش😒
ميار..وامتى بديت تخدم 😳 وانت دينة ياقراية يا راقد
امجد..ساهل كله الخدمة بوي خدمني معاه واموري طيبة والحوش حاط عيني ع حوش ونشوف بوي كان قال باهي ناخده عندي حقه 😉
هنادي..هالاميرة هدي اللي مطيرتلك عقلك😂
ميسم..حتى هيا اميرة
ميار..اي مشاءالله عليها اميرة حق
امجد يبتسم 😍😍 وعيونه قلوب قلوب ووصلو للحوش وجوهم مليح
.
.
عند اميرة
صبرية..شن رايك في الناس اللي جو ياحاج
عمر..من ناحية نصيب مقوم نصيب لاكن البنت لازم تكمل قرايتها
صبرية..واني قلتلهم هكي بس هيا قالت ان الولد يقرا حتى هو ويبي يكمل برا ويبو يزوجوه ويقرا هوا وياها 😊
عمر..خلي نزيد نسئل عليهم ويصير خير ان شاءالله 😊
صبرية..هوا هدا
عمر..والبنت شنو
صبرية..قاعدة ماسئلتهاش تو نمشيلها غر قلت نكلمك انت الاول
عمر..شوفيها لاني شبه موافق خليني نزيد نسئل عليهم و نفكر ✋
صبرية..باهي ان شاءالله
خشت صبري لي دار ريان و اميرة
قعمزت جنبهم
صبرية..ريان بري شوفي بوك بلكي يبي حاجة
ريان..واضحة توزيعة يعني
صبرية نحت شبشبها..ماتمشيش من قدامي توا نوريلك لسانك كيف شكلها 😠
ريان هربت تجري💃
اميرة..هههههههـ 😂😂
صبرية..نوضي قعمزي انتِ
ناضت اميرة وخايفة فهمت علاش بالتكلمها..نعم
صبرية..قوليلي هوا امه قالت ان الولد يبيك وبيموووت عليك 😉 شن قصدها حتى انتِ اووو؟؟؟
اميرة..ءءءء هوا هوا
صبرية..وصلني الجواب
اميرة..باهي والله نحبه وكان يبي يستناني حتى هوا بس خرب علينا طه
صبرية..هييييي شن صار نهارك الابيض
حكت اميرة كل شي
صبرية..واني وين في هدا كله علاش ماتكلمتيش
اميرة..خفت انكم تجو مع طه واني مانبيشي وبحكم ولد عمي نقدرش نرفض ونشتت العيلة 😞
صبرية..المهم بوك عجباته العيلة عيلة امجد هدا وقال مزال يبي يزيد يسئل عليه وهو شبه موافق غر اللي مضايقه موضوع قرايتك 😉
اميرة..بالحق😍😍
صبرية..وماتخافيش اني حنوقف معاكم ربي مايحرقلك قليب يابنيتي☺
اميرة حضنت امها❤
صبرية..ربي يفرحني بيكم ياربي كلكم ونشوف صغار صغاركم
اميرة..ياااارب وراسك حي ☺ 🙌
طلعت صبرية وابدت اميرة ترقص ع السرير
اميرة..خلوني نرقص خلوني امه واخواته خطبوني🐽𰰽𰰽򓐽򓐽𓰽𓰠رووروروري
ريان..👏👏حي حي💃💃
.
.
.
.
ميسم..ها ياماما خلاص اهو شبعتك شن تبي تاني 😕
مها خشتلها في دارها..خيره يعيط😳هكي
ميسم..مش عارفة شكله حرارة 😕
هنادي..هاتي نرفعوه نعاينوه
ميسم..بيركوله غير الدوا ياماما خلي ندوشله بلكي تهفت حرارته
هنادي..هاتي منك انتِ رايحة ترعشي مع بعضك مافيه شي بالشوية هي هاتيه
خداته هنادي دوشتله برداته وبدت تهز بيه لعند رقد وارتاح ونزلت حرارته
ارتاحت ميسم ورقدت حتى هيا بس مرة مرة تنوض تمس فيه وتقيس في حرارته تلقى فيها نازلة
ميسم..الحمدلله💕
ناضت ميسم الصبح لقت ولدها عارق هلبا دوشتله وبدلتله ونزلت فطرو مع بعض وميسم قعمزت في الجنان هيا وامها يشربو في القهوة مع بعض ويهدرزو
اتصلت بيهم ميار
ميار..ها شن جو
ميسم..الحمدلله مكسدين
ميار..احرف منكم وقتله ارفعني ليكم قالي امس كنتِ عندهم😒
ميسم..معليشي سايري 😂😂
ميار..تو كانا قتله حوش اماليك يقولي هي هي😒😒
ميسم ميتة بالضحك ع اختها
ميار..بطني بدت تكبر
ميسم..هههههه حلوة الفترة هدي ره ومعاد تعصبي روحك وشن بالديري بينا وبي اماليه اهو عندك هوا اهتمي بيه ياحمارة ياغبية
ميار..شن بالنديرله باهي دربوكة ؟؟
ميسم..ديرو جو لي روحكم مثلا الليلة خميس هوا مهناش وله ؟
ميار..ايه كان قاعد نقدرش ناكلم هكي 😂😂
ميسم..حسيتك واخدة راحتك المهم قتلك دلعي الجو ديري عشي بيزا وحجات هكي يحبها هوا وجو شموع من الباب لعند مايوصل عندك اممم عبي سريركم ورد وجو تي شن هدا اكبر مني ونعلم فيها 😠
ميار..الله غالب الزمان طيحني لي اللي اصغر مني 😂😂 باهي تمام فهمت شن تقصدي وشن ندير خلي نبدا من توا ويالله نلحق بس في حجات ناقصة
ميسم..اسمعي تو نوصيلك اني من برا ونجيبهولك توا الهي في روحك شوفي شن تلبسي ونظمي الحوش وحطي كل شي يبدا باقي الماكلة بسس
ميار..تمام😍😍احلى اخت والله
(عندكم منها ميسم والا لا؟😂😂#حنو)
ناضت ميسم فتحت المذكرة واتصلت بي مطعم وطلبت هلبا حجات وطبعا وصلوهم لعند الحوش فتحت ميسم الباب وقتله يحطهم في السيارة ركيت ميسم السيارة وقبل ماتولعها تفكرت شخص
ميسم..زعما لازم نقوله؟؟ امممم ايه خلي نقوله
بعتتله مسج (احمد كيف حالك ؟ اني طالعة لي ميار بنعطيها حاجة وبالنروح تمام )
وهيا كيف ولعت السيارة اتصل احمد
ميسم..اهلا
احمد..اهلين بيك
ميسم..شفت المسج
احمد..ايه امتى مروحة
ميسم.في نفس الوقت قتلك ابنعطيها حاجة موصيتني عليها وبالنروح
احمد..باهي ردي بالك بس
ميسم..حاضر
احمد..سلامات
ميسم..مع السلامة
سكرت ميسم منه ومشت لي ميار
طق طق طق
ميار..هيا هي منوو
ميسم..اني افتحي
فتحت ميار لي ميسم وخشت ميسم حطت الحجات
وشبحت لي اختها
ميسم..طالعة تهبلي 😍
ميار..هذا من ذوقك 😍😍
ميسم..هي تعالي نستفو الحجات بسرعة ساعة كم يروح
ميار..مزالت دقايق ويوصل
ميسم..مانبيشي يشوفني ياغبية نبيك انتِ اول مايوصل تفتحيله الباب
ميار..باه هي
ستفو كل حاجة ع السريع وساوت ميسم الشمع وخشت لي دارهم فرشتلها الورد ع السرير وخدت شنطتها وطلعت مشت ركبت السيارة وراجل ميار درس سيارته وطبعا شافش ميسم
ميسم..الو اهو راجلك كيف درس السيارة ☺
ميار..اوووك
جي عمار ابيفتح الباب وهي كانت واقفة جنب الطاولة ومطفية الضي كله
عمار..خيره الضي هارب؟؟ ميار وينك حي شن هدا وابدي يتبع في الشمع لين وصل عند ميار فتح الضي لقاها قدامه
عمار..😍😍😍😍اوووووه
ميار..ههههههه
عمار ترا دوري
قعدت ميار تلف لين وقفها وقربها ليه
احم خلاص مش شورنا😁😂😂
.
.
.
.
.
ميسم..وين تيم ووين امي تيم مرض؟؟
امجد..بالشوية امي مشت لي خالتي ورفعها بوي 😊
ميسم..خلعتني تعرف نحسابه مرض باه شن جو
امجد..مليح
ميسم..علاش لا 😂😂 حبيبتك وخطبناها وتوا نستنو في الرد
امجد..عيلة وافقت واقفة بسس ع بوها قال عطوني مهلة نفكر مش عارف في شنو بيفكر😑
ميسم..😂😂😂😂 بنته عاد عادي 😉
امجد..الصبر وخلاص
امجد..ماتقوليليش وين مياس مختفية؟؟ هيا وصغارها
ميسم..قاعدة غر الصغار حارقيلها دمها
امجد..بكل صغارها يقولو لي السمي انزلي والا نركبلك
ميسم..في قولتك😁
امجد..ايوا اميرة
اميرة..امجد اعطيني رقم امك تبيه ماما
امجد..وافقو؟؟
اميرة..علمي علمك
امجد..باه سجلي
سجلت اميرة الرقم وعطاته لي امها
اميرة..هاك كلميها هدا رقمها
صبرية..باه شن تبي توا انتي بري لي دارك
اميرة..تي قوليلي شن في
صبرية..اسكتي ولي دارك
اميرة..بااه😑
مشت اميرة للدار
صبرية..السلام عليكم
هنادي..وعليكم السلام مني
صبرية..اني صبرية ام اميرة
هنادي..اهاا اهلا هلا
صبرية..اهلا بيك كيف حالك وكيف حال العويلة باهيين اوو
هنادي..الحمدلله بخير كيف حالكم انتم شن اخباركم
صبرية..الحمدلله
هنادي..باهي ربي يدوم يا حنة
صبرية..بالنقولك الحاج سئل ومافيش شخص لا وشكركم لينا واحني الحق فرحنا بيكم وموافقين
هنادي..هدا النهار المبارك 😍😍😍
صبرية..هههههه
وهدرزو شوية وسكرت هنادي
حنان..شن صار
هنادي..هدي ام كنتي الجديدة
حنان..اهاا ام اميرة؟؟
هنادي..ابه وافقو
حنان..باهي باهي الحمدلله ربي يقدم اللي فيه الخير☺
هنادي..ان شاءالله ياربي😘😍خلي نتصل بي امجد
اتصل فون امجد اللي كان ع اعصابه
امجد..ها نعم امي كلماتك ام اميرة؟؟ شن قتلك شن في 😨😱
هنادي..ههههههههه غر الشوية عليا ياولد اي وافقو
امجد ناض يرقص
ميسم..ههههههههههههههههههه😂😂😂😂يامهبووول قعممزز تي كان يشوفك بوي هوا اللي يبطل مرة وحدة
امجد..تي مش مصددق 😍😍 روروروري
ميسم..لالالا اوووفر 😂😂😂
هنادي سكرت وهيا تضحك ع ولدها
حنان..باهي توا وين الحوش
هنادي..شري حوش صغير شوية لاكن يسدهم هما الاثنين اصلا مش حيقعدو فيه قدم اوراقه وتوا يستنى بيسافر يقرا برا وتو بياخد اوراقها وبتكمل حتى هيا برا
حنان..خيرك وخيتي العفو طيشتيهم كلهم برا
هنادي..خلي يمشو نلقى وين نمشي ونوسع خاطري 😂😂
حنان..اما في هدي صح😂😂
حنان..ياوخييتي سلمه تيوم هدا يهبل
هنادي..سلمك😘😘
وهدرزت وتعشو وروحت هنادي
ميسم..وليدي ستاحشتته 😍😘😘
هنادي.هههههه
خشت مها للدار واتكت فتحت النت وقعدت تهدرز مع صحباتها
محمد..بست
مها..اهلين
محمد..شن جو
مها..الحمدلله وانت
محمد..الحمدلله بخير وينك معاد شفتك في مكانك المعتاد
مها..ههههههه راحت الايام هديكا اني في ليبيا
محمد..والله؟؟
مها..وحق ربي
محمد..امتى
مها..ليا اسبوع ممكن
محمد..خيرك ماقلتيش
مها..عفوا!
محمد..المهم توا شن جو غادي
مها..كساد ونو وهروب الضي اللي يحرق دم 😡
محمد..😂😂😂 مش ديما دلاع يا حنة
مها..بكل تعرف حرق دم
محمد..اممم حتى اني بعد اسبوع مروح ابنقعد شهر وبالنولي
مها..اممم كويس
وقعدو كل يوم ظروري مايهدرزو مع بعض فيش يوم مايهدرزوش فيه
مشو عيلة امجد وحددو يوم يديرو فيه الخطوبة💍
وابدو يوتو ويشرو في الحجات والمهم كملو كل شي وجي يوم الخطوبة 😍😍
كلهم مشو لي عيلة اميرة رفعو السوابيت وجوهم حلووو
داروه بيان مطنطن😍👏👏
خشت اميرة هيا وامجد لبسو الدبلة 💍 وكلهم فرحانين صورتهم المصورة وبعدين طلع امجد
ميسم..روروروروروروروري😍😍👏👏
رقصو وفرحو دارو جو وروحو
اميرة كانت راقدة ساعة 3 شرين فونها فتحت الخط من غير ماتشوف
طه فتحلها اغنية..يلي اختارت غيري😒
يشاركك مبروووك😪✋
عيش وياه واتنفس هواه👃👄
واضحكگ😃
انا اقدر على فراقك😔💔
أقولك ليييييش؟؟؟؟؟
لانة ماتدري انت شقد صعب..
جرححگگ😭😭💔
انا انطييتكك حنااان..
بقد حنااان الام😞😔💔
قبل ماشيل همي حاير بهمك💔😔
طه..اميرة سيبيه يا اميرة والله نعيشك بجنة بس سيبيه😔💔
اميرة ناضت قعمزت تسمع وتبكي
اميرة مسحت دموعها..طه اني مش ليك يا طه خلاص انساني عيش حياتك اني نبيه وهو يبيني بيننا حب من الثانوية يا طه بالنجي اليوم بالنسيبه خيرك اوك مقدرة انك تحبني وماكنتش متواقع اللي يصير هدا بس الله غالب يا طه الدنيا نصيبات واني مش نصيبك 😔💔 حرام عليك تقطع فيا هكي
طه..واني اني وين نمشي ننحرق يعني😠وين نمشي يا اميرة نحبك اني باش تفهمي
اميرة..تي خلاااص ياااسر يااااسر مانبيكش اني اني نحب امجد اني نبي امجد من وين طلعتلي انتتت لازم حد يفسدلي فرررحتي😠😭لو تحبني حق راك تتمنالي الخير وتخليني في حالي
طه..اوك اوك اسف فسدت عليك تمام سامحيني خلاص اني حنطلع من حياتكم كلكم
وسكر عليها
اتصلت اميرة تاني لقاته مقفل خافت يدير شي في روحه وشن قصده بي حنطلع من حياتكم كلكم رقدت اميرة وهي تفكر شن بيصير 💔
.
.
.
.
بعد اسبوع اميرة مقعمزة هيا وبنات عمها في الجنان واختها يشربو في الكابتشينو ومكسدين مع بعض
اماني..طه سافر
اميرة شبحت لي اختها
ريان..الله سعدوده وين سافر
اماني نزلت دمعتها..ومش مسافر وبس مهاجر مرة وحدة😢 لي بريطانيا
اميرة..😰علااش
اماني..مش معروف
اميرة..😔
ريان..عادي يابنات تزعلوش تي اهو طلع عندنا ولد عم كل صيف نمشو نصيفو عنده 😍😍خلاص عاد
اماني..😣
امل..الله غالب حنتعودو وخلاص اي اميرة امتى عرسك
اميرة..بحكم ان حنسافرو لي امريكا ف العرس قريب بعد شهر ممكن
البنات..شنوووو مش موتيين شي 😱
اميرة..هههههههه يوتا ان شاءالله كل شي 😉
ريان..باه هيا نوضو نطلعو هيا امل جيبي مفتاح سيارتك تي عرس ميرو هدا لازم نوتو ككل شي اول عرس في العيلة ياناس😍😍
امل..لازم يكون كل شي ع اخر موديل😉
اميرة..ههههههه مهبلة
طق طق طق
اميرة..برو تو نفتح الباب اني
مشو يبدلو كلهم واميرة مشت تجري فتحت الباب
اميرة..😍😍😍يااااااي كيموووو هههههههههه
كمال..كبرتي يا فصعونة وانخطبتي😉
اميرة حضناته..استاحشتك وينك هكي معقولة تحضرش خطبتي 😢
كمال..الله غالب هدي خدمة الكابتن 😉
اميرة..واحلى كابتن😍
كمال ..ابنقعد قدام الباب
اميرة..هههههه خش ماما حتفرح اكيد بكري قالت استاحشته هلبا
كمال..خشي قبلي
خشت اميرة وتشبحلهم
ريان..تي هيا البسي يا حمارة
اميرة..جايبتلكم معاي ضيف😆
ريان..منوو
خش كمال
ريان جاته تجري نقزت عليه..كيموووووو 😍😍😍
صبرية..وليديي😍😍
عمر..نور الحوش
كمال فرحان ويضحك من قلبه
كمال..شكلي عطلت هلبا
اميرة..ايه هلبا
كمال..ههههههه
قعمز كمال جنب بوه..هكي يا حاج تخلوني نمشي وتعطي بنتك 😉
عمر..والله شن بالنديرو استنيناك هلبا وكلمتك وقتلي خوه نعرفه وعيلة كويسة قلت وين نلقا لي بنتي زي هكي توكلت ع ربي وعطيتها 😉ومزال انت
كمال غير الموضوع طول..اي شن جوكم وين طالعين حصلتو الحرية عاد اااه
ريان..هههههههه لالا كانك بالدير هكي خلي نمشي نتصل بالمطار اكيد في رحلة برا امشي طير بيهم
كمال..مبردك وين ع خير
اميرة..ابنمشو اني وبنات عمي نشوفو حجات
كمال..تو نرفعكم اني😉
اميرة..ماتعبش روحك اكيد تعبان من السفر
كمال..لالا
صبرية..خلي يرفعكم حتى قلبي يتطمن عليكم وكان عطلتو عادي 😌
اميرة..باهي
خشو اماني وامل لقو اميرة قاعد بلبسها
امل..والله معاد مستنية وحدة فيكم اللي بتطلع توا باهي واللي قاعدة ماااالبستش تررقد
اميرة تشبحلها وتضحك..😂😂😂
كمال..ياغجرية😂😂
امل..حي كيمووو رووحت😍😍خيركم العفو يجي واحد يمشي واحد 😢
اماني..مني كيموووو😍😍 باهي اللي شفناك
سلمو عليه وقعمزو
كمال..من اللي مشي
اماني..طه هاجر برا😢
كمال..واللهي؟؟
اماني..وحق ربي
خشت اميرة دمعتها في عينها حست ان هيا السبب في بعده ع بلاده وحياته وعيلته بس شن بالدير هي ماتقدرش تسيب حبيبها واصلا هي تعتبر فيه خوها وبسس لبست اميرة وهي مضايقة شوية كلمت امجد
امجد..ها حبوبتي 😘😍
اميرة..حبيبي كيف حالك
امجد..في افضل حال😍
اميرة..باه حبيبي اني ابنطلع ابنبدا نشري
امجد..باهي تمام تنقصك حاجة قوليلي ☺
اميرة حاضر
امجد..من بيرفعكم
اميرة..كمال خوي روح هوا ابيرفعني
امجد..باهي الحمدلله ع سلامته☺ وروحي بكري
اميرة..اوك 😊
.
.
.
.
.
ميسم..ايوا حميدا
احمد..😍😍😍ءء اهلين
ميسم..كيف حالك
احمد..بعد سمعت صوتك ولا حالي باهي
ميسم..ههههه☺
وقعدو يهدرزو
مها..اها محمد شن الاخبار
محمد..وين انتِ
مها..كيف مروحة من الجامعة
محمد..بسيارتك وله
مها..ايه كيف ركبت توا
محمد..اقعدي في مكانك
مها..😳😳علااش
محمد..اصبري انتِ😂 سيارتك شن نوعها
مها..صابرة هي .. KIA لونها بيضة تي شن فييي
محمد معاد بي يرد عليها طبعا كان يكلم فيها شات ع الانستا
وماتندريش مها لين طق ع المرش
مها حطت يديها ع وجهها..😍😍😍😍محممممد
نزلت من السيارة سلمت عليه وهي فرحانة
محمد..عجباتك المفاجأة ههههههه
مها..😍😍احلى مفاجأة🙈 💕
محمد..ههههههه تفضلي هديتك
مها..شككرا😍😍
محمد..عيد ميلادك اليوم صح 😘
مها..علاش كم هوا التاريخ اليوم😳
محمد..اليوم تاريخ #####
مها..قول والله 😳😳
محمد..والله 😂
مها..فيش حد عيد عليا غيرك😳غريب
محمد..عادي عادي مرات يكونو نسو بس اني ماننساش😉
مها..شكرا
محمد..كل سنة وانتِ طيبة😘بطولة عمرك ان شاءالله 
مها..وانت طيب 😍😍
محمد..مها بنقولك ع شي
مها..شنو
محمد..مها انب نحبك واس ماتقطعيش نحبك ومش حنطول في الموضوع حنخطبك يعني امتى فاضيين باش نجي نطلبك من بوك☺
مها..😳😳شنووو بالشوية عليا
محمد..اللي سمعتيه
مها..ههههههه
محمد..خيرك تضحكي
مها..مش مصدقة ماه
محمد..لا صدقي حبيبتي صدقي
مها وقت سمعت كلمت حبيبتي منه فرحت هلبا وحست بشعور حلووو😍😍
مها..اوك موافقة وتعالى وراي باش تعرف حوشنا☺
محمد..تمام 😉
روحت مها ووراها محمد لين عرف حوشهم وبعدين مشي روح لي حوشهم
محمد..السلام عليكم
غالية ام محمد..وعليكم السلام ياوليدي
محمد..شن يام فيش غدي جيعان بنموت
غالية..بعيد السو اني والله تعبانة شوية نادي اختك تحطلك
محمد..باهي يا مشفشششفة وينككك
تولين..تو نكلمك هنو محمد ينادي فيا
هناء..حي حبيبي الغالي خلي الخط مفتوح
تولين..مهبولة وغبية اهو تو نخليه 😂
محمد..سنة انادي عليك😕
تولين..كنت نكلم في هناء صاحبتي شن في خيرك
محمد..اول حاجة نبيك اتحطيلي غداي وتاني حاجة قبل ماتحطي عندي موضوع بالنقوله
تولين..اوووووه مواضيع وجو شن في
محمد..هدا يا ستي خوك كبد😍
تولين..نعم 😳
محمد..ايه واللي كبدت فيها اني مانبيش بعلاقة نبي نخطبها
تولين حاسة بي صاحبتهاا اللي ع الخط 💔..من هيا
محمد..تعرفت عليها في تركيا في الملاهي غر تو نحكيلك بالتفصيل نوضي توا جيعان
تولين..باهي اسبقني هي
مشي محمد داره وفرحان 💓
تولين..ءءء الو
هناء بعبرتها تبكي..خلاص تولين بري لي خوك تو نهدا اني 💔😓
تولين..لحضة ونعاودلك
هناء..اوك
مشت تولين حطت لي خوها الغدي ونادت عليه
تولين..محمممممد يا محمممد تعالى
نزل محمد يتغدا ويتفرج وتولين ركبت قعدت تكلم في هناء صاحبتها وتهدي فيها
بعدين نادى محمد تولين ونزلت غسلت المواعين وقعمزت جنبهم دايرين شاهي وقهوة وحلويات
غالية..حميدا شن في بتقول من بكري اطربق في صوابعك ومتوتر وحالتك حالة 😉
محمد..الحق اني يا يما نبي نخطب😁
غالية..وهدا النهار المبارك
وتولين دايرة روحها فرحانة بس هيا في قلبها لا لانه صاحبتها مكسورة منه
غالية..من هيا 😍 والا نخطبلك كان تبي نخطبلك والله في بنيات زي العسل غر قول بس
محمد..لالا اني عاجبتني بنية ونبيك تخطبيهالي ☺😁
غالية..#يتبع
.
.
.
ان شاءالله تكون نالت اعجابكم ياربي 😍😍😘😘#حنو