قصة فراق ( روايات ليبية )

حلقة 22 🔥

#قصة_فراقـ💔
.
.
.
.
الحلقة 22🔖
.
.
.
ميسم..ن ن ب ي ا م ي ا (نبي اميا) 😪
عطوها اميا وبعدين
ميسم..ا احح مد
الممرضة..يادكتور هدا احمد راجلها اللي طول الوقت مقعمز قدام غرفة العمليات ويبكي
الدكتور..دخليه بسرعة
الممرضة..اوك
طلعو من الغرفة اللي فيها ميسم
هنادي..دكتوور قولي كيف حالها بنتي ليها يومين هكي في غيبوبة
الدكتور..لا الحمدلله بنتكم حالتها استقرت وهي توا فاقت وانطمنكم عليها☺
الممرضة..وينه احمد
ميار..نزل لوطة للكافي تو يجي
الممرضة..المريضة ميسم طالباته
مها..تو ننزل انادي عليه
محمد..خليك انتِ تو نمشيله 😠
مشي محمد ينادي ع احمد واما مها ف مفهمتش تصرفات محمد
ميار..غبية انتِ ولا تستغبي
مها..شن في خيرك
ميار..ياحمارة راجلك قدامك وبتمشي تنادي ع راجل تاني خيرك انتِ
مها..مش قصدي بعدين شن هالتفكير اختي مريضة بين الحياة والموت يعني نندري ع روحي شن ندير اني وبعدين عادي بنية صافية وهو مش غريب ولد خالتي هوا
مياس..حمارة اهو احني قدامك وحتى هي اختنا بس في حجات لا تندارش غلط في غلط مش في تركيا احني 👌
مها..باهي شن ندير والله ماقاصدة حاجة اني😰
ميار..احني فاهمينك بس راجلك هو اللي برريله مش احني 😉 فاهمة
مياس..ماما اني بنروح نشوف حجات لي ميسم ونجيبلها حوايجها باهي
هنادي..باهي بري
محمد..روحي معاها خلاص ميسم حالها باهي
ميار..هي نخشولها نطمنو عليها ونروحو وغدوا نجوها حتى ليل امخر هلبا ره
هنادي..اح باه
كلمو الممرضة وخلتهم يخشو
ميسم..خشو عليا كلهم وكنت فرحانة سلمو وحمدولي ع سلامتي بسس لحضة وين احمد ليش احمد مش معاهم وين مشي ااخ ياربي وينك يا احمد شن صايرله زعما صارتله حاجة
محمد..الحمدلله ع سلامتك يا بنتي خوفتينا عليك☺
ميسم هزت بي راسها ومش قادرة تتكلم
الممرضة..عفوا لازم تطلعو لانة المريضة لازم ترتاح
طلعو روحو وخش عليها احمد
ميسم شبحاته فرحت بس كشرت في وجهه
احمد..حبيبتي ياعمري واخيرا نضتي استاحشتك خوفتيني عليك هكي😍😘
ميسم..و و يي نن ك ممنن ببككرري
احمد..كيف نزلت بنجيب اميا ووقت نادرت الممرضة اني كنت لوطة ناداني محمد راجل اختك وتوا جيت لقيتهم عندك كلهم ستنيت لي يطلعو وجيتك ياعمري تو معقولة نسيب حبيبتي اني
ميسم..😊
احمد..خوفتيني عليك
ميسم..اس فة بس
احمد..اشش حبيبتي خلاص تو خلي ارتاحي وبعدين هدرزي لييييين تعيي باهي
ميسم هزت راسها بي ايه وكانت تعبانة هلبا اول ماغمضت عيونها راحت في سبات عمييق واحمد قعمز ع الكرسي ويشوفلها ويفكر فيها
حميدة..ها شن صار ياولدي
احمد..الحمدلله ناضت
حميدة..والله ياوليدي بنجيها فيش كيف من بيرفعني ياوليدي من لما مشيت مع مرت عمك معاد قدرت نمشي تاني هي مش فاضية واني اهو
احمد..والله يا امي مالايم عليك اصلا ماعندك لاش جاية مستشفى ومرض واخي بكل اهو غدوا نروح ونجيبك
حميدة..باهي به
احمد..ارين وتيم وين
حميدة..رقدو
احمد..باهي هي امالا ارقدي يا امي حتى انتي وراك تنسي دواك
حميدة..ان شاءالله
سكرت منه وهي مطمنة ع بنت اختها او بنتها لانها كانت ميسم بنتها التانية
صلت وحمدت ربي ان ميسم طلعت منها
.
.
.
.
يوم الحادث
سناء..شن صار
هو..مية في المية ماتت تي السيارة كان تشوفي شكلها كيف تي مستحيل تطلع منها هدي
سناء..😍😍احسن واحد
هو..امتى بتعطيني الفلوس
سناء..مطمعك باهي خليني فرحانة وغدوا زي ما اتفقنا هي تشاااو
سكرت منه وقعدت تنقز من فرحتها
فاتن..ايوا حميدة ها شن كيف حالك شن اخبارك
حميدة..والله حالي مايعلم بيه الا ربي حشاك ميسم دارت حادت وانقلبت بيها السيارة
فاتن..بالله عليكك😨
حميدة..ايه قاعدة في غيبوبة ياوخيتي ربي ينوضها ياربي
فاتن..اما مستشفى
حميدة..مستشفى الـ...
فاتن..باهي باهي تو نمشيلها هي
حميدة..اخطمي عليا
فاتن..حاضر هي
ومشت تجري لبست وكلمت ولدها
سناء..يمى يمى شن في
فاتن..مرت احمد دارت حادت وتوا قاعدة بين وبين
سناء..كيف يعني
فاتن..في غيبوبة البنت ربي ينوضها ياربي
فاتن..هي تمشي
سناء..لالا بري
مشت فاتن هي وولدها رفعها وسناء اتصلت
سناء..تي البنت حية وتوا في غيبوبة انت شن تقول وتمتل عليا
هو..ياتعطيني الفلوس يا اما حنقول لي عيلتك
سناء..مانيش عاطياتك واعلى مافي خيلك اركبه اصلا منين تعرفنا انت هه
سكرت في وجهه ✨
هو..صار منين نعرفكم😏تو نكمل شغلي ونفضالك الما نوريك
.
.
.
.
ميسم بدت حالتها تتحسن اكتر واكتر كتبولها خروج وكانت ع الكرسي لانة رجليها يوجعو فيها تقدرش تتحرك عليهم
ميسم..مانقدرش جيبولي كرسي متحرك
احمد..حاضر
طلعها احمد ورفعها لي حوشه مزين السيارة وجو يهبل واول ماوصلو ذبح قدامها 2 خرفان وكانو دايرلها حفلة وتنوير وجو حلو بكل
وكمل اليوم بحلوه ومره وجي الليل ركبها احمد في غمره ويضحكو هو وياها
احمد..الحمدلله ياروحي ع سلامتك والله خفت عليك ☺
ميسم..الحمدلله حبيبي
خششها للحوش وكان صنته بخور ومضموم
ميسم..الحوش مضموم
احمد..ايه بكري خواتك وامي ضموه وبخروه 
ميسم..امم ريحته حلوة نحبه اني البخور
احمد..انتِ احلى منه صدقيني هههههه
ميسم..هههههه خجلتني ☺😂
خششها للدار
احمد..ااه ظهري
ميسم..تعبتك ياروحي
احمد..لالا مش منك بس ليا ايام معاد رقدت
ميسم..يارووحي خلاص ارتاح
احمد..لالا خلي نبدلك حوايجك وبعدين نرقدو
ميسم..وين الصغار
احمد..تيم عند مها و ارين عند امك
ميسم..ااه باهي
بدللها احمد ولبسها روبها وبدل هوا واتكى جنبها وحطها ع صدره
احمد..حبيبتي
ميسم..ها
احمد..كيف صارلك هكي
ميسم..مانعرفش كان في شخص يلحق فيا واني ماعدلتش نحساب روحي نتخايل او نفس طريقنا قلت ومادارلي شي اصلا لين ماوصلت ماما اختفي قعدت عندهم شوية وبعدين طلعت شوية ولقيته وراي وبس المرة هدي قعد يضايق فيا حاولت نهرب منه بس شي شي وابنتصل بيك بس مخلاليش فرصة لين مانقلبت بيا السيارة مانحسابش روحي بنعيش نحساب روحي بنموت وتخيل راهو شهدت لاني شفت المووت بعيوني
احمد..خلاص ياروحي ارتاحي
ميسم..😢😢تخيل صارتلي حاجة كيف يصير فيكم
احمد..اششش خلاص معاد تجيبي سيرة الموت
ميسم..بس كنت حنموت اني
احمد..خلاص حبيبتي انسي مش باهي ليك عيونك راه
ميسم..ااه يوجعو
احمد..طبيعي لانة المرش كان فيهم
ميسم..نبي نرتاح من كل شي تعباااانة
احمد..شن رايك نديرو اسبوع في مكان هادي واني وياك بسسس حتى الصغار نخلوهم
ميسم..عادي المهم نريح روحي
احمد..تمام
رقدو 💕
.
.
.
مها..اووف يا تيم هيا نني حبيبي خلاص علاش تعيط انت كبرت
محمد..بلكي حرارة الولد وين تندري
مها مساته..حي يا محمد حرارة ترا اعطيني نقيسله حرارته
قاستله حرارته ولقتها 38
محمد..هاتيه طلعيله حوايج واني تو نخششه ندوشله والحقيني
خش محمد وتيم قاعد يعيط
محمد..خلاص يا بابا هي اششش هي حبيبي هي اهي اميا ريتهاا حلوة وله
عباله محمد الحوض اميا وقعمزه فيه باش يبرد
تيم..اققعه (مصقعة 😂)
محمد..😂😂ايه عادي باش تنزل الحرارة
خشت مها وقعدت واقفة تشبحلهم ومبتسمة😍
محمد..هي جت خويلة هاتي المنشف هي
عطاته مها وقامه محمد وحطه ع السرير نشفوله ولبسوله خفيف وكانت حرارته نازلة وتيم رقد من بعد الدوش محمد ع طول رقد لانه كان تعبان ومها ترقد شوية وتنوض تقيسله في الحرارة كانت خايفة عليه هلبا تقول ولدها😌
ناض محمد الصبح لقي مها راقدة وتيم راسه ع بطنها والـ2 في سابع نومة خدي فونه وصورهم وشبح لقي مزال الوقت قعد متكي ويشوفلهم لين ناضت مها طول مست تيم لقاته بارد ومش حرارة تنهدت براحة وتلفتت لقت محمد يشوفلها..😊صباح الخير
محمد..صباح الورد والفل والياسمين
مها..امتى نضت
محمد..مالياش هلبا
مها..هبلني مارقدتش اني طول الوقت نغفى شوية وانوض نشوفه خايفة حرارته تزيد
محمد..لالا ماه عطيناه شروبو حرارة ودوشناله خلاص معناها
مها..ايه الحمدلله
محمد..امتى يبدا عندنا بيبي هكي
مها..ان شاءالله يارب☺
محمد..هي نوضي بدلو نمشو للبحر
مها..جديات😍
محمد..ايه هههههه
لبسو وبدلو كان يوم جمعة مشو للبحر
مها وهما في الطريق..حبيبي خلينا نخطمو ع عميمة يناري قاعدة بروحها نرفعوها تغير جوها ☺
محمد شافلها وفرح انها تحب امه وتحسب فيها..حاضر😉
تيم..حويلة وين ماسيين
مها..هههه ابنمسو بحر احني
تيم..ايييي بحل بحل بحل😍👏 (بحر)
محمد..ههههههههع بحر مش بحل
تيم..بححل 😜
ومشو لي ام محمد خشلها محمد
محمد..امي صباح الفل
وكب ع راسها
غالية..صباح الورد خيرا مرتك مانزلتش
محمد..ماهو جايين بنرفعوك
غالية..وين
محمد..ابنمشو للبحر
غالية..بلكي ياوليدي تبو بروحكم مانبيش نتقل عليكم اني
محمد..شن اتقلي يا يام انتي فوق راسي من فوق هيا نوضي البسي اهو نستنو فيك
غالية..بالك مرتك ماتبيش
محمد..يا يام مرتي هي اللي تفكراتك وقتلي اخطم على امك نرفعوها معانا
غالية..باهي هي
ركبت غالية بدلت ودارت صاكوها ونزلت
نزلت مها هيا وتيم وسلمت عليها
مها..كيف حالك عميمة والله فرحت لانك قلتي باهي وبتمشي معانا☺
غالية.. ***** #يتبع
مها..😳😣
.
.
.
.
ان شاءالله تكون نالت اعجابكم ياربي قراءة  ممتعة 😍😘
#حنو
.
.
حبايبي طـلب صغيـرون تنـورونـي فـي قـروبـي👇🏻❤ قـاعدة فـي بداية مـشروعـي يـاريت تـدعمـوني😍💜