الضابط الغيور والعنيدة (الأصلية)

مشاهد من الرواية

مشهد 1
-------------

ياسر: طلعنة اني وفريقي بحملة تفتيش ونتأكد من سلامة الأماكن العامة
دخلنه لمدينة ألعاب وجان بيها طالبات جايات بسفرة مدرسية من الصفوف الأعدادية

وية ما جنت اسأل المدير شوية اسألة شفت بنات اثنين وحدة تركض ورا الخ
واجتي وحدة اصطدمت بيه حيل ووگعت على الأرض صديقتها وكفت تباوعلي بخوف
وهي رفعت رأسها ألي وياريتها ما رفعته انصدمت بحلاتها
اني الي عمري كله ممركز بوجه وحدة ركزت على أدق تفاصيلها
جانت بدون حجاب وشعرها مخصل و عيونها الخضر ووجهة الي مثل الگطن
تهت اي تهت بجمالها غصبآ عني ولگيت نفسي اريد اتطلع بيها اكثر وما أبعد عيوني عنها ...

گالت: اسفة عمو

وهنا رجعت لنفسي ...عمووو

مشهد 2
-------------+

عسل: لزمت أيد بابا وتوسلته ...بابا اترجاك لا اني ماريد ازوج ..حباب بابا لا تجبرني

صاح بصوت: اسكتي ..ولا صوت ..هاي فوگ فضيحتج والعار الي ردتي تجيبينه ألي هسة ترفضين الزواج؟ !..مو زين هو وافق يزوجج
ورجال غني وهيبة وين تلگين مثله

بجيت اقوة وگتله: بابا فدوة ..ليش تضلمني هو اكبر مني بثنعش سنة ..اني ماريد ازوج اريد اكمل دراستي واتخرج وو...

ما كملت كلامي بسبب الكف الي صفرلي اذاني ووكعني بالأرض
لزمني من شعري وصاح: لج راح تزوجينا وغصبآ عنج مو أمج الكحبـ...رمتج عليه وراحت ازوجت الكو... مالها
واني لازم اتحملج ..راح تزوجين لو اقتلج بيدي يا عار

لزمت خدي وضليت ابجي: كله بسبب امي ليش خلتني عنده؟ !....

مشهد3
--------+-+++

عسل ..گمت واني ارجف من العصبية وصرخت عليه: طلگنيي ..اني ما اريدك ..لك مليت منك تعبت ..بعد ما أگدر اتحملك... طلگنييي

ضحك بصوت عالي واجه لزمني من شعري بقوة وصاح: ما اطلگج للموت ..يا عسولتي ..انتي موتج وحياتج هنا وياي ..وما ألج اي حياة خارج هذا البيت واضح؟ !

ما يخلصج مني بس الموت ..
سحبني اله اكثر وباسني بشفايفي وعضهن حيل كأنه يعاقبني بيهن...وهمسلي: لج اني غير أموت عليج يا نبض كلبي

وبعدين مشى وسحبني وراه واني احاول اخلص نفسي من ايديه ما أگدر ...

نهاية البارت

~~~~~~~~~~~~

مرحبآ هاي مقدمة صغيرة من قصتي الجديد وهي تحجي عن ضابط عمره 30
يحب بنية عمرها 18

وصفاتهم متناقضة مثل الماي والنار

شلون راح تصير حياتهم سوة هالشيء راح تعرفونه من خلال القصة

وان شاء الله راح ابلش بيها بعد نهاية
(عشكَت جنوبيه )

❤️💋