الضابط الغيور والعنيدة (الأصلية)

البارت التاسع

🥺❤️

كون يَمك ..
مَ اريد هواي أَطلب بَس آشمك
بَس آطشَّك بين اديةة
وآرجَع بِـ كُل حُب المَّك ،

**

عسل : اتجاهلت نضاراتهم ألي واجيت كعدت يمهم وبديت آكل ما عرف بس حاسة نفسي شهيتي مفتوحة لعد شكد جان خانكني ؟!
ياريت يتآخر أطول وقت ..ضحكت بكلبي على تفكيري

فزيت على صوت همام : عمة شعرج كولش حلو

ريام : انتي نفس ماما لمن يروح عمو ياسر اطلع شعرها ليش هو عمو ميحب الشعر طالع ..لعد اني وعمة غيداء ليش شعرنا نطلعه ؟!

أبتسمت ألها ومعرفت شلون أجاوبها رغم صغرهم بس أسألتهم اكبر من عمرهم
كلت : حبيبتي ..اني ..

نبأ : لا حبيبتي عمة عسل تغطي شعرها من ابوج واني اغطي عن عمو ..بس الواضح هي ناسيته اليوم
وألتفتتلي وكملت : مو هيج عسولة ؟!

كلت : بصراحة اني ..ممقتنعة بالحجاب بس ياسر هو الي جبرني عليه ولهلسبب أني اريد البس الي يعجبني بغيابه

نبأ : غلط هالشيء حبيبتي ..لأن انتي لازم أطيعين زوجج سوى بحضوره او بغيابه ..وانتي مو صغيره واكيد تعرفين هالشيء

لزمت غيداء أيدها وأشرتلها بعينها

أم ياسر : عادي نباوي مصار شيء يمكن هي ممنتبها لهلشيء واحنه وضيفتنه انبها وانتي مثل اختها الجبيرة اكيد حلو منج تساعديها

بعدها محد كال اي شيء وكلهم سكتوا زاهر خلص ريوكه وكام لحكته نبأ وحجوا شوية بعدهاطلع رأسآ وغيداء آخذت جنطتها وصاحت الجهال يطلعون وياها لأن عيادتها قريبة على مدرستهم

كامت خالة وراحت للمطبخ دخلت نبأ بعدها ..اني كمت وعزلت المواعين واخذتهن حتى اغسلهن
شفتهن يحجن ومن وصلت سكن رأسآ ونبأ طلعت مسمعت شنو كالن ولا هتميت حتى اعرف

**

ياسر : مرت اسبوعين على الألتحاق وامي وزاهر كل يوم يتصلون وحتى غيداء ونبأ معداها هي مشتاقلها حيل بس كبريائي يمنعني اتصل بيها ..لازم اتصرف مثلها و اتجاهلها مثل ما هي تسوي
اني جنت غلطان هواي لمن خليت مشاعري تتحكم بي وخليت كلبي يتعلق بيها ..بس مو بيدي ما مر علي يوم ومفكرت بيها ولا صفنت شوية ومتخيلت عيونها وضحكتها رغم هي حارمتني منها بس لمن تضحك ويه ريام وهمام احسها طالعة من كلبها واشوف بيها طفلة حالها حالهم
لازم الكه حل يخلصني من حبها الي متعبني ومخليني مشدوه وبالي مشوش يمكن هسة تأكدت من حقيقية هاي الأغنية
" يشيب الراس يا عشك الزغيرونة "
عسل مو بس راسي حتى كلبي حتشيبه ..اخ يا عسل شسويتي بيه ؟!

تقدم عليه الجندي الي وياي وكال : سيدي محتاج شيء ؟!

ياسر : لا علاوي ممحتاج ..بس جكارة اذا عندك لأن العندي خلصن