الضابط الغيور والعنيدة (الأصلية)

البارت الثالث

مراحب حبايبي شلونكم

لاتنسوا التصويت والتعليق حتى تشجعوني

متابعة ممتعة 💕❤💝

**

• انا اول بشر يعشگ وما معشوگ ،💛'
• گلبي ابيض واحبن كلشي على نيه '💭،

**

ياسر : كعدت متأخر لأن البارحة مكدرت أنام نزلت لكيت بس ماما كاعدة بالصالة

ياسر : صباح الخير يوم ..وبستها براسها

كالت : صباح الخير حبيبي اكعد خل اصبلك الريوك

اكلت كلش طيب اني اصلآ كل ايام التحاقي آكل أمي هو الي اشتاقله كل يوم
كلت : يوم شنو سر آكلاتج الطيبة كليلي حتى من ازوج اخلي زوجتي تطبخلي مثلج

ضحكت وكالت : يوم الهنى الي اشوفك عريس بيه يسوري خوفي اموت ومشايفة هذا اليوم

ضجت وكتلها : يوم شهالكلام ..ليش تضوجيني انتي تعرفين اني ماحب اسمعج تحجين عن الموت ان شاء الله يومي قبل يومج

كالت : بعد الله الشر لتكول هيج يمة اني خلصت عمر والحمدلله انته بعدك شنو شفت من حياتك حتى تموت حتى اطفالك بعدني مشايفتهم

ياسر : لعد لتحجين انتي عن الموت واني اسكت

كالت : يمة منك مينكدرلك ..الله يساعد الي تاخذك

ضحكت وكلت : وهذا هماتين سبب حتى ما ازوج لأن مااعتقد وحدة تتحملني

:وليش يمة شبيك ..اشو رجال وابن رجال طول بعرض بخلاق بشهامة.. لعد شتريد المرة اكثر ابني

ياسر : بس يوم اني عصبي كلش ومتحمل يعني لازم تزوجيني وحدة مثلج تتحمل كلشي مثل متحملتي ابويه مو وحدة بس اصرخ بوجها تبجي لو السانها طويل وتجاوز عليه غير اكصه الها

وية مجنت احجي دك الموبايل وجان النقيب

ياسر : نعم سيدي

النقيب : ياسر تعال للمركز بسرعة محتاجيلك

ياسر : آمرك سيدي بس مسافة الطريق

**

مريم : بعد ما اتصل بينا ابوها لعسل اخذت اخويه ورحنه لبيتهم حتى نتأكد من اخبارها ..رغم هي جانت دايمآ تشكيلنه منه وعن قساوته وياها بس شفته كلش متأذي عليها
جان مبين من ملامح وجه شكد تعبان وخايف عليها والشرطة واكفة تحقق وياه لأن صارلها اكثر من ٢٤ ساعة مختفية
اتصلت برهف بس هي كالتلي متكدر تجي ابوها مانعها لأن زعلان من ابو عسل

وية ما جنه واكفين اجت سيارة شرطة ثانية ونزل منها نفس الضابط الي شفنا امس بالمدينه ..دخيل ربه شكد حلو حتى نساني خوفي على عسولة
تقدم على ابوها وسأله شكم سؤال وهو يجوابه وبعدين اخذ فريقه وطلع وبقوا شوية عناصر يم البيت
شكد خايفة عليها ..الله يعلم هسة هي وين وشصاير وياها