الضابط الغيور والعنيدة (الأصلية)

البارت الثاني والعشرون

متابعة ممتعة

**
‏" شعرك الما ضاگ جفي ؛
‏رايد إتگصه عليمن ،
‏باچر من ابرد و اجيك اتغطه بيمن ."

‏⁧**

عسل : من البارحة لليوم واني كاعدة على أعصابي اريد بس أعرف شنو الي صار بالمستشفى
ولهلسبب كعدت من وقت وخلصت كولشي عندي وانتضرت نبأ تتفرغ
زاهر والجهال طلعوا وخالة دخلت غرفتها واني رحت عليها ركض
جانت هي دتخلي الملابس بالغسالة حتى تغسلهن

تقدمت عليها وصحت بصوت عالي : نبأاا

ألتفتتلي بسرعة ولزمت كلبها كالت : عسل هاي شبيج وكعتي لكلبي هيج هو الي يحجي

أبتسمت : أني آسفة حبيبتي بس مكدرت أصبر أكثر كليلي شنو سوت شمس أمس فدوة ..اني متأكدة هي مسويه شيء لأن شفتج ضايجة منها وتحجين وياها كوة

تلبكت وكالت : لا حبيبتي شصاير يعني ..ابد مصار شيء

عسل : نباوي حبابة كليلي شصار من البارحة لليوم واني اريد اعرف لأن مو بس انتي رجعتي متنفرزة منها حتى ياسر جان مختلف وياها ..سولفيلي فدوة خلي كلبي يرتاح

ألتفتت لغرفة خالة وشافتها تقراء قرآن ..سحبتني من زندي
وكفنه داخل المطبخ وكالت : سمعيني عسولة اني حكلج بس مو حتى تزعلين وتحاجين ياسر لأن هو ماله دخل بتصرفاتها بس هي هاي شمس خفيفة كولش وماعرف ليش بس لمن جانوا يحجون عنها ابد متصورت حتكون هيج

عسل : لج نبأ أحجي مو خوفتيني

نبأ : لتخافي ..سمعي ..أول مطلعنا هي خلت خالة يمي ورة بالسيارة وهي الي كعدت ويه ياسر بحجة شنو تريد تشوف شوارع المنطقة مشتاقتلها من رجعت من السفر لليوم مشايفتها

تعصبت وكلت : اي وبعد

نبأ : ومن دخلنا المستشفى ياسر مضل ويانه بس سلم ورجعلج وهنة لأن مشيفاتج عبالهن هي انتي وكالن هنة فرحانات لأن شافنج ويتشكرن من ياسر ومن هذا الكلام
وهي تدرين شجاوبتهن ..كالت وهي تتمايع لا أني مو زوجة ياسر اني بنت عمه والي جان لازم اصير زوجته بالبداية بس مصارت قسمة وأنتن كلامجن صحيح ياسر ميتعوض

ياالله.. تتصورين هيج تحجي كلام كدام نسوان غرب وبدون خجل ..اني وخالة متنه بدمنه وهي ولا هامها
وغير تصرفاتها وتمضحكها بالسيارة
يبووو اني بس ردت يخلص الطريق ونوصل البيت بصراحة عسولة اني ممرتاحة لشمس أبد وشاكة وراها شيء
انتي أنتبهي وخلي بالج واني بس تجي مرة الخ حاخذ موبايلها واتأكد رقمه عدها او لا حتى نحذفه من جهازها يمكن تراسله او تتصل بيه وهو هناك اكيد محيكول

عسل : كلام نبأ نفرزني حيل وخوفني بنفس الوقت شنو غايتها هالشمس وشنو الي تريده من ياسر بالضبط هي مو ازوجت وخلصت ؟!
لازم أنتبه وأفتح عيوني عليها