الضابط الغيور والعنيدة (الأصلية)

البارت التاسع عشر

وحق رب العرش ولكون #ونسه
وأحس الدنيا بس وياك #ونسه
انه مااكدر اعوفك يوم #ونسه
لأن انت النفس والروح #بيه💔

**

ياسر : شفتها توترت وضلت تتلعثم
سألتها : عسل ..شبيج ..منو الي كلج ؟!

عسل : هو ..أبن جيرانه ..جان موجود وقت وكعته لبابا ومن اتصلت هو مجاوب بسرعة بس لمن شاف لحيت بالأتصال جاوب

ياسر : وشنو كلج ..وليش مسديته الموبايل لمن سمعتي مو ابوج ؟!

عسل : حبيبي ..اني جنت قلقانة على بابا وردت اطمن عليه ..مكدرت اسد الموبايل اجت مية فكرة ابالي لمن مارد عليه ..جان لازم اعرف منه ولا اضل بحيرة

ياسر : ولمن رحتي المستشفى جان موجود ؟!

عسل : لا ..هو بس ..موصل بابا للمستشفى.. وانتضرنا نوصل وبعدها طلع مبقى ..واسأل زاهر حيكلك

مكلتلها شيء بعدها نزلت بسرعة وصحت زاهر

زاهر : ها اخوي

ياسر : زاهر اريدك تحجيلي كولشي من أول مكلتلك عسل ولحد مارجعتم من المستشفى وبالتفاصيل

**

عسل نزلت بعده واني مستغربة من تصرفة شنو يعني هو ميصدكني عباله اني اكذب عليه ؟!
لهالدرجة معنده ثقة بيه ؟!

لكيته واكف هو وزاهر وزاهر يحجيله كولشي صار ويانه وبس كله اتصل علينا من رقمه ..

هو رأسآ انفجر واندار عليه بعصبية ..وكال : عسل

زاهر : ياسر اسمعني خليني اكملك ..عسل محجت وياه ولا ردت عليه اني الي اخذت الموبايل

اتقرب عليه وكال بحدية : وينه موبايلج ؟!

عسل : بالغرفة ..

هو مكمل كلامه وصعد رأسآ للغرفة ..آخذ الموبايل وكال : انطيني الرمز بسرعة

عسل : ياسر انته شدتسوي ؟!
زاهر حجالك كولشي ..لعد شنو سبب كل هالشيء انته معندك ثقة بيه ؟!

خزرني وحسيت جسمي رجف كال : احجي بدون متناقشيني

تنفرزت منه وحجيت بزعل : تاريخ زواجنا

فتحه وبعد دقايق ألتفتلي وكال : هالكارت حتنكسر واشتريلج وحدة جديدة

عسل : ليش ياسر ماكو شيء يستاهل كل هذا يعني احنه نكدر نحضره ويخلص الموضوع
انته ليش تحسسني...

عاط : كافي عسل ..يعني محيتغير شيء اذا بدلتي الكارت..

عسل : حيتغير ياسر يعني انته لأن صار الرقم عنده صار عندك شك اني احتمال اتواصل وياه او اي شيء شلون تفكر هيج ؟!