الضابط الغيور والعنيدة (الأصلية)

البارت الآخير

حبايبي تابعوا رواية برائتي المنتهكة ...

ملاحضة صغيرة : هواي اجلي بنات راسلني عالأنستا طلبن اكتب الرواية بالفصحى لأن ميفتهمن اللهجة العراقية
بس انا مشغولة هسة ان شاء الله من اخلص قصصي الحالية احاول انشرها بصفحتي للقصص الفصحى

***

هيَ المصيبة بـ هالگلب شايل عليج وشايلج❤

***

الدكتورة : مبروك ماما انتي حامل وبشهرج الثاني بعد ..بس الطفل ضعيف ولهلسبب الدكتور مكدر يعرفه

مصدكت الي سمعته وحسيت نفسي مو على الأرض ورجلي بعد متشيلني

كتلها : صدوك دكتورة

أبتسمت وكالت : اي ماما صدوك ..بس ها أنتبهي الحمل ضعيف ..ماريد صعدت درج بكثرة ولا مشي سريع واكيد مترفعين ثقل وهاي علاجات لازم تاخذيها تفيد الجنين
وبقية العلاجات الي عندج اتركيهن كلهن

آخذت الورقة وطلعت وأني بعدني ممستوعبة

أول مشافني ياسر كال : ها حبيبتي بشريني ؟؟ شكالت

أبتسمت وسحبت أيده خليتها على بطني وكتله : كالت حامل ..اني حامل ياسر

هو ماصدك الي سمعه فرح وحضني حيل ..

ياسر : الحمدلله ..عسولتي هذا أحلى خبر أسمعه مداصدك ..

بعدها مرجعنه للبيت طلعنا مباشرتآ للشارع نفتر بالمنطقة واتصل ياسر بيهم حتى يبشرهم وسمعت فرحتهم والهلاهل

بعدها رجعنا للبيت وتلكونه يتباركولنا ..وخلال فترة الحمل أشهري الأولى شالوني على كفوف الراحة
وياسر ما الحك اكول مشتهية هيج شيء يجيبه ركض
وحتى طلعاته من البيت لمن يرجع من الجيش صارت قليلة
لأن يبقى وياي ..
وعيد زواجنا جان أحلى يوم بحياتي كلها لأن سوالي مفاجئة متوقعتها
آجرنه فندق ليلة وحدة وفستان حفلات غير أجواء الغرفة الي صدمتني
بوقتها صدوك حسيت نفسي كولش محظوظة بي وانو هاي أيامي هي الي حتعوضني عن كل الأيام الماضية

ولمن دخلت الشهر الرابع نبأ وخالة رأسآ كالن روحي آخذي سونار..بس بوقتها جان ياسر ملتحق وقررت انتضر رجعته حتى نسمع هالخبر سوى

عسل : كعدت الفجر على صوت المنبه لأن من يوم دريت اني حامل ولحد الأن مافوت صلاة الفجر واقراء شوية سور قرآنية وادعي ربي يسهلي ولادتي ويحفظلي طفلي وأرجع أنام

أول مخليت راسي على المخدة غفيت ..وماحسيت الا أيد على بطني
فزيت مرعوبة بسرعة ..ولكيته هو
أبتسم وكال : سم الله حبيبي هاي شبيج كمزتي هيج اني محبيت اكعدج بس حبيت أسلم على أبني قبلج