الضابط الغيور والعنيدة (الأصلية)

البارت الرابع

هلو حبيباتي ....اعرف اتأخرت بس قصص الفصحى ماخذة وقتي
متابعة ممتعة 😘😘

**

همه والليل وحچيهم فرهدوا حيلي اعله کیف💜

***

ياسر : ابوها بس شافني اجه عالبيت رأسآ ودك الباب
بس فتحته هو دفعها ودخل بدون تفاهم وبدون شيء نزل عليها ضرب وشتم ورزايل

ضليت محتار بمكاني ..اذا ادخلت ماالي حق واذا ما دخلت حتموت بأيده
سمعتها تصيح وتتوسله وهو ولا هامة ..مكدرت اتحمل اكثر
تقدمت عالبيت وجان الباب بعده مفتوح دخلت رأسآ لكيتها نايمة بالأرض وهو لازمها من شعرها ويضربها راشديات
اجيت بسرعة لزمته من جتافه وكومته عنها ..

صاح : لك انته شلون تتدخل ..اطلع من بيتي يلا

دفعته وكلت : اسمعني زين الي دتسوي غلط واني اكدر احاسبك بالقانون بس تشتكي عليك ..الأحسن الك متمد ايدك عليه من اليوم

عاط : لك انته متهمني لا انته ولا سجنك اني خل اقتلها واغسل عارها وبعدين دخلني السجن

كلت : وليش هي شنو الي سوته ..اذا جنت تقصد الأغتصاب هالشيء حادث مو بيدها هي ..ميحقلك تعاقبها لازم توكف وياها وتساندها

كلي : خل يصير هالشيء ويه اختك او اي وحدة تقربلك وبعدين كول هيج ..هسة منو الي حيقبل بيها وهي وحدة مكسورة ..هاا..لو يجيني اي واحد من الشارع حنطيها اله عسى ما يكون الكو.. الي سواها
واذا لا اقتلها وخلص

باوعت الها حالتها تكسر الكلب ..لزمت ايده وكتله : زين اني هسة اخطبها منك بس حاليآ بس عقد على ما اروح للجبهة وارجع ونسوي العرس

كال : وشنو الي يخلي شخص مثلك بكل هالهيبة والسمعه يزوجها ..هاا ؟!

تنهدت حتى اسيطر على اعصابي وكلت : انته شهامك اكلك اني اريد ازوجها انته مو كلت اي شخص يجيلك تنطيها اياه يلا وهذا اني اعتبرني مثل اي شخص وحنطيك مهر شكد متريد

شفته صفن خله ايده على حلكة وفكر شوية وبعدين كال : اني موافق

ياسر : زين خلينا نقرا الفاتحة وباجر اجيب اهلي ونعقد بس ها عندي شرط ..
انته ماتضربها مرة الخ ولا تأذيها ولا بأي شكل من الأشكال ولو بكلمة
لأن بوقتها حتندم واشوفك الويل لأن هي تعتبر زوجتي من اليوم

كال : ماشي ولا يهمك سيادة الضابط واني حنتضركم باجر
راح اجيبلك شيء تشربه

ألتفت ألها مديتلها ايدي وكلت : انطيني ايدج يلا كومي
مقبلت تنطيني ايدها خلتهن بالأرض وكامت لوحدها

كلت : سمعيني لتتصورين اني استغليت حالتج وطلبت ازوجج بس اني ردت انقذج من معاملته لأبوج وشفت هاي الطريقة الوحيدة
واذا انتي مقابلة عادي كولي حتى ماجي باجر ولا اجيب اهلي