الضابط الغيور والعنيدة (الأصلية)

البارت الثالث عشر

هلو حبايبي ..باجر ان شاء الله اطلع للزيارة وراح يتأخر التنزيل على ما ارجع

بس ان شاء الله ما اتأخر غير ٣ ايام

متابعة ممتعه

**

مثل ميل الساعه گلبك !
باقي يركض ماثبت يوم اعله واحد.

*
*
*
ياسر : طلعت من الحمام انشف شعري ..وشفتها لازمه موبايلي وصافنه عليه

كلت : حبيبتي شدتسوين ...وين الغدة ؟!

ألتفتتلي وكالت : ياسر منو هاي ..وليش انته كايللها تتصل بيك ؟!

تقربت عليها وكلت : منو اني كايللها اتصلي بيه ؟!

خلت أيدها على خصرها وكالت : اني الي اسألك هالسؤال

أخذت الموبايل منها وشفت الرسالة من ام حسن قلقت يمكن صار شيء لأبو علي
أتصلت بيها رأسآ ..جاوبتني بعد ثواني وهي تبجي

كلت : خير ام حسن شصار ؟!

كالت : عمو معرف شبيه ..كلبه وكف فجئة والدكاترة يحاولون وياه من نص ساعة وماكو

ياسر : اهدي شوي ..اني جاي ..ان شاء الله مبيه شيء
سديت الموبايل وفتحت الكنتور حتى اغير ملابسي
اجت صارت كدامي وكالت : وين ياسر ؟!

ياسر : ابو علي وضعه مو زين ومتخربط ومحد وياه بس ام حسوني وهي خطية متعرف تتصرف لازم اروح اله
عسل : وليش انته ياسر ..يعني ماكو غيرك يساعدها تتصل بيه ويوكف وياها
ألتفتتلها وكلت : عسل هاي شبيج ..اني اكلج الرجال حالته مو زينه بين الحياة والموت وانتي تكولين ليش اني بالذات ؟!
هسة الوقت مو مناسب لغيرتج ولا لهذا الكلام خن اروح ومن ارجع نتفاهم

طلعت بسرعة ..صاحتلي امي : وين يمة ياسر تعال اتغده

ياسر : ما اتأخر يوم ..بس دقايق وراجع

زاهر : وين ياسر ..اذا عندك شيء كلي اروح بمكانك

ياسر : لا زاهر ماكو شيء ..بس ابو علي تعبان شوية ولازم اشوفه

**

عسل : طلع واني أشتعلت أعصابي حسيت بنار بصدري ليش هي تتصل بيه ؟!
وليش هو راح رأسآ ..بصفة منو حتى يهتم ؟!
ليقربلهم ولا شيء ...اخ ياسر ...يعني متعرف تخلي شخص ثاني يوكف وياهم ؟!

نزلت جوة ولكيتهم كاعدين ..

كالت خالة : حبيبتي عسولة رجعي الآكل هسة وغطيه لحد ميرجع ..هذا ياسر من يومه وهو ميعرف يكول لا
هسة لا أكل ولا رتاح ..وهو جاي من طريق طويل