الضابط الغيور والعنيدة (الأصلية)

البارت الخامس والعشرون

متابعة ممتعة اتمناها لكم

***
- مجـَرد حبُ
ڪَسرُ ڪَل القوُانينِ
ﯛخرچ عنَ سُيطرةِ ڪَلبي
ﯛتمࢪدِ علىٰ حڪَم المذاهبُ ﯛالتقاليدّ
{ آحبڪَ يالعُيونكَ مَالهنُ حَد } . ♥️

**

حيدر : انته شنو ياسر ؟!

ياسر : اني كذبت عليك وعلى الكل ..

حيدر : بشنو كذبت علينا ياسر ؟!

ياسر : زواجي بعسل مو مجرد صدفة ..اني ازوجتها لأن اكو ثنين أنذال خطفوها وأغتصبوها وابوها جان يريد يقتلها واني ازوجتها حتى أحميها

حيدر : ياالله ..مداصدك ..متوقعت هالشيء ابد
بس عفية عليك ياسر ..الي سويته كولش وهسة همة وين ..تعاقبوا ولا لا ؟!

ياسر : اي الي أغتصبها بعده بالسجن بس الثاني طلع بكفالة الكو..

حيدر : الله يلعنهم ويعذبهم بنار جهنم ..شلون هيج يدمرون حياة بنية صغيرة مالها ذنب ..اخ ..جان لازم ينسجن ذاك الحقير سنين حتى يتعلم ويتربى من جديد ..

ياسر : مو هاي هي المشكلة حيدر ..بس المشكلة هذا السافل يصير حماها لشمس وحاجيلها كولشي يعني الشيء الي انته واهلي متعرفونه هي تعرفه وماعرف شنو غايتها بالضبط ..بس هي من يوم رجعت معدها غيرنا اني وعسل

حيدر : لا حول ولاقوة الا بالله ..ابد متوقعت يطلع هيج شيء منها معقولة هاي بت عمنه شمس ؟
زواجها بذاك الرجال الي ما نعرف منين اجه خلاها تتغير وتصير مثله

ياسر : تصدك حيدر هي تعيير عسل بشنو.. متكدر تجيبلي طفل وكل علاقتي بحسوني بس لأن حرمت نفسي من الأطفال بزواجي بعسل

حيدر : لازم هاي حالتها هي وطبقتها عليك ياسر لعد ما سألتها ليش هي بعد كل هالسنوات من زواجها ليش معدها طفل

ياسر : ليش ؟

حيدر : لأن زوجها واحد عقيم ومو بس هيج هو عنده ضعف وأني مسمعت من آحد هو نفسه اعترفلنا بذاك اليوم من جنة مجتمعين اني وزيد وسامي
هي ندمانه على زواجها بي بس متكدر توصل هالشيء لأهلها لأن حيلومونها هي الي أختارته وكسرت بيك انته

ياسر : كلام حيدر صدمني ومتوقعته هيج أبد ..بس كلامه صحيح شمس تريد زواجنا يفشل مثل ماهي فشل زواجها وهسة صارت بين نارين لاتكدر تبقى وياه ولا تكدر اتركه لأن أهلها حيشمتون بيها

**

عسل : صار المغرب وياسر ماكو ضليت بقلق ورتبكت يومي كله مرتاحيت وحاسة شمس حتدخل بأي لحضة وتفضحني كدام الكل
وبس التفكير بالموضوع يخليني أموت بدمي ..وين صرت ياسر ؟؟