الضابط الغيور والعنيدة (الأصلية)

البارت الثاني عشر

متابعة ممتعة

**

حَس بالغيࢪۿٖہۭۨ بصـﯛټـۢۿٖآ ﯛ ڪۛآللهآ ؛ آﭑمࢪي منو ټـۢࢪيدين ﭑټـۢࢪڪۛۿۿہ ؟♥

**
*
*
*
عسل : باوع علي مستغرب ومبين عصب ..

كال : شنو الي صار عسل ؟؟

عسل : ياسر ..اني ..اقصد لا تتقرب عليه

ضاج بعد بسرعة وكال : لج انتي شنو تلعبين عليه ..قبل شوية جنتي مندمجة وياي ومعندج مشكلة وهسة فجئة تكليلي لا ..شنو شايفتني كدامج ؟!

لزمت ايده وكلت : لا مو هيج ..بس ..اني ..اني

صاح : انتي شنو عسل ؟!

غمضت عيني وكلت واني خجلانة : اني عندي عذر شرعي ..

باوعلي بتك حاجب وكال : عذررر ؟؟..من شوكت ؟؟

كلت واني منزله عيوني حتى مباوع عليه : هسة قبل شوية ..اني آسفة...

صفن علي شوية وضحك بصوت ..استغربت قبل شوية هو معصب وهسة يضحك هذا شبيه ؟!

قرب عليه باسني بخدي وكال : لعد تصبحين على خير عسولة
بس اني حاب اسوي شيء اذا تقبلين

كلت : شنو هو ؟؟

تمدد وخله ايده على المخده وكال : اريدج تنامين بحضني الليلة ..ماعتقد عندج مانع صح ؟!

أبتسمت وكلت : اي اكيد ..بس اغير ملابسي

أبتسم صفح وكال : ليش ملابسج كولش حلوة اصلآ

كلت : لا ..لازم اغيرهن ..محتأخر

ضحك وكال : ماشي عسولة ..

دخلت الحمام غيرت ملابسي بسرعة وكملت
تقدمت على الجرباية رفعت الغطى وتمددت بصفه خليت راسي على ايده وباوعت عليه وكلبي يدك بالثانية ألف ..معرف ليش هيج متوترة
اندار علي وحضني لحضنه ..باسني بشعري وغمض عيونه
جنت متوترة وثواني بس لكيت نفسي احس بشعور مو طبيعي ..أحساس أول مرة أجربه ..حنان وأمان ..ودفو غريب ..
مديت ايدي وضميت نفسي بحضنه اكثر ..غمضت عيوني وجنت فرحانة بداخلي ..حبيت حضنه وحبيت أحساسي هذا

**

ياسر : كعدت الصبح ويه الآذان صليت وجهزت نفسي ولبست ملابسي ..جانت هي نايمه نومة عميقة محبيت اكعدها وازعجها ..واضح تعبانة ومحست علي

لمن ردت اطلع ..قربت عليها حتى ابوسها قبل لا اطلع نفس كل مرة
فتحت هي عيونها بهاللحضة وكعدت باوعت علي جنت مكمل كولشي
كالت : ياسر انته حتطلع
ياسر : اي حبيبتي
عسل : ليش مكعدتني ؟!
ياسر : محبيت اخرب نومتج ..جنتي نايمة ليكول صارلج أيام مشايفة النوم ..وانتي كل يوم شابعة نوم
عسل : يمكن لأن البارحة جانت نومتي مختلفة وحضنك أحساس مينوصف أول مرة أجرب هالشيء

ابتسمت تقربت عليها لزمت وجهها بين اديه وكلت : حضني هذا هو ألج وبس عسولتي دايمآ ..وبستها بخدها
ديلا ..اني لازم اروح اتآخرت...محتاجة شيء ؟!