الضابط الغيور والعنيدة (الأصلية)

البارت السادس عشر

والعطر يخنگني عگبَك
والورِد ماگمت اطيقة
تدري مايُعبر الليل بلا جِگارة ولا موسيقى؟

**
حبيباتي اسفة لأن البارت حزين الي كلبه حساس ليكمله
بس جان لازم اكتب الحدث لأن حقيقي 😔

شغلوا وياكم المقطع واقرواء ..بس لا تلومني لأن انا نفسكم بجيت على هالحدث
😭😭

وهو اصلآ سمعته من شخص قريب كلش على حيدر وشرحلي الموقف

*
*
*

حيدر : مر الأسبوع الأول واني اباوع عليها يوم عن يوم أكول حتطيب وترجعلي وحتطلع وياي من المستشفى ونكمل عرسنا
ضليت كل يوم اجيلها وافتح الشباك اشرحلها عن الي اشوفه لأن هي نايمة بجربايتها ومشايفة شيء من فترة
جانت تعطش وتطلب مني المي بس مكدر اشربها غير شوية قطرات لأن حيأذيها
بس اني الي جنت اتأذئ لمن اشوفها عطشانة ومكدر ارويها ..وجان الشيء الوحيد الي يواسيني اكول باجر عكبة تصير زينة وحترجع تاكل وتشرب براحتها وحعوضها

دخلت عليها باليل جانت عمة نايمة ..باوعت عليها وقررت اذا نايمة محكعدها واخليها ترتاح
شفتها مغمضة عيونها ..فتحت الباب وردت اطلع وسمع صوتها : حيدر

رجعت بخطواتي وتقربت عليها ..كلت : روح حيدر كاعدة لو اني فززتج ؟!

غيداء : لا ..اصلآ اني مداكدر انام بدون منوم لأن الوجع ياكل بكلبي

لزمت ايدها حيل وكلت : يابعد روحي كون بكلبي ولا بكلبج انتي ..لو بيدي اخذ وجعج كله واديره الي وانتي ترتاحين

دمعت عينها وكالت : حيدر ..تعرف شكد احبك ..لدرجة اذا متت محتركك وحتضل روحي وياك

خليت ايدي على حلكها وكلت : لتكولين هيج غيودتي عمري قبل عمرج محتحمل وداعت عيونج ..وغلاتي عندج لتحجين هيج ..ترى كلبي خلصان
انتي حتعيشين ونعجز ونشيب سوة ونشوف جهالنا يلعبون يمنه

بجت اقوى وشدت على ايدي كالت : حيدر اني حاسة نفسي حموت وكل الي يكوله الدكتور مجرد تطمين

مكدرت اجاوبها بشيء بس خليت ايدها على شفايفي وبجيت ..خليت دموعي تجاوبها ..ماكدر اتحمل اكثر بس تخيل الفكرة يعذبني ويأذي روحي مو بس كلبي

ومكدرت اتركها بقيت يمها للصبح لأن كلامها رعبني وخلاني اريد اضل يمها واشبع شوف منها

**