الضابط الغيور والعنيدة (الأصلية)

البارت الخامس عشر

متابعة ممتعة 💋

**
زمخ وكتی وعليه الدمع #هده💔✋
اوعله راسی جبل حسرات #هده💔✋
يعزرائيل مامش بيڪ.. #هده💔✋
تفڪ حزنی وتجيب الموت #الیه💔✋

حالة حيدر ☝️

**

ياسر : ركزنه كل حواسنا على الدكتور وانقبضت كلوبنا لأن كال آسف..شنو يعني غيداء راحت ؟!

حيدر وبالكوة حابس دموعه : دكتور لا تكولها ..اترجاك لتكولها ..الله يخليك كلي حبيبتي غيودة مبيها شيء وحطيب ..دكتور

الدكتور : انا آسف بس ما..

قبل ليكمل كلامه رجع ليورة لزمته بسرعة وخليت ايدي على جتفه سندته

الدكتور : لتخاف هي بعدها عايشة ..بس عدها حروق من الدرجة الثالثة وأحتمال ..

هو تهستر وكال بصياح : لا دكتور لتكولها ..كول أكو أمل كلي حبيبتي حترجعلي ..كلي ...اترجاك

خله ايده على جتفه وكال : ان شاء الله ..هي حالتها خطرة وماعدنه غير ثلث تيام حتى نتأكد اذا تضل عايشة او ..وحتى لو تعدت مرحلت الخطر وعاشت فهي حتعيش حياتها مشوها وتشوهات كولش جبيرة وعميقة ...بس انته خلي عندك أمل برب العالمين

تركنا وراح ..واحنة سودت الدنيا بعيونه وتكطعتن كلوبنا من الي سمعنا ..يعني أختي حتروح منا ؟!
وبدل ما نزفها باجر عروسة ..أحتمال ...لا ..لا ياالله لتفجعنا بيها

اتقرب زاهر عليه وعيونه مدمعة كال : غيداء ..راحت منا ياسر ..وردتنا وشمعة البيت ..حتروح

لزمته وكلت : زاهر ..لتكول هيج ..الدكتور انطانه ثلث تيام ..بلكي الله وميصير هالشيء ..الله ليشوفنا هاليوم

ألتفتت ملكيت حيدر ..مشيت بسرعة حتى اشوفه وين

لكيته واكف كدام الغرفة يباوع عليها ويبجي مثل الطفل الي محتاج أمه ..

شوية وسمعت صوت أمي تبجي ولطمت على وجها بعد ما كللها زاهر بكلام الدكتور ..
وجانت عسل وياها وزيد واضح هو الي جابهن

تقدمت على ماما وحضنتها أحاول أهديها ويه زاهر وهي تلوب وتدعي بحركه : ربي رجعلي بتي ..ربي لا تحرمني منها ..يمة غيداء ..يمة وين جانت هاي مضمومتلج ..يومي قبل يومج بنيتي ..كون الله ماخذني ولا شفتج هيج

زاهر : اهدي يوم فدوة ..لتسوين بنفسج هيج ..غيداء ان شاء الله مبيها شيء وحترجع ..

ياسر : لتجزعين هيج يوم الدكتور كال اكو أمل وان شاء الله حتطيب

**

عسل : بس طلع حيدر خالة جلبت بأخوه زيد وكالتله ياخذها للمستشفى ..نبأ رادت تجي وياها بس هي كلتلها تبقى لأن الجهال حيرجعون وميلكون آحد