الضابط الغيور والعنيدة (الأصلية)

البارت الخامس

متابعة ممتعة

*
*
مو بعَيدين ، اليحبنه يندل دربنه..

*
*

عسل : خلصت الحفلة وكلمن طلع لبيته كعدن رهف ومريم وياي شوية وطلعن لأن أهلهن وياهن ومكدرن يضلن اكثر
وهو مقبل يطلع قبل لا يسمع موافقتي كتله ماشي بس مجنت قاصدتها لأن مستحيل اخليه يتحكم بيه وبلبسي
كمت حتى اجهز العشى صاحلي بابا

اجيت وكلت : تفضل بابا

كال : لتطبخين شيء اليوم عسل حطلع اجيبلنه آكل جاهز واجي ..لأن مهرج هواي لازم نعبث بي صح

كلت : اي طبعآ بابا ...لازم تصرفه لأن هو ألك وبكيفك

كال : اي عفية عليج عسولة ..يلا انتضريني شوي وراجع

باوعت ورا ..ماجاي اصدك هذا ابوي ..وهيج يسوي وياي بس تنهدت حمدت الله ورحت حتى ارتاح شوية واريح راسي من التفكير
هذا الضابط مبين عليه صعب وطبعه غريب عليه يلا هي كلها فترة ويطلكني وارتاح بعدها وما يضل عد بابا اي حجة

**

ياسر : بعد ما رجعنه من الحفلة كعدن امي والبنات وضلن يحجن عن عسل عاجبتهن كلش بس بعدهن مستغربات ابوها شلون وافق ينطيها ألي

اني ما حبيت اطول بالكلام والنقاش وياهم كتلهم اني تعبان وباجر لازم ألتحق تركتهم وصعدت لغرفتي
دخلت الحمام خذيت دش سريع غيرت ملابسي وتمددت
أهلي كلامهم صحيح اعتقد هاي البنية حتعبني هواية بس عادي اربيها على ايدي واخليها تنسى تربية ابوها العار
بالنهاية هي كلها شكم شهر اتحملها ويخلص الموضوع

لزمت موبايلي اتصلت على الشباب واتفقنه على الموعد بعدين كلبت بي شوية وتذكرت اني مخذيت رقمها
وهي اخاف تنسى نفسها وتتصرف مثل طبيعتها ولا تفكر هي زوجتي هسة ولازم اعرف كل حركاتها

آخر شيء قررت قبل لا اطلع اروح على بيتهم وآخذ الرقم

**

عسل : نايمة واسمع صوت بابا يصيحني ..فزيت مرعوبة
شمرت الغطى وركضت نزلت وكلت : ها بابا ..

كال : زوجج بالباب روحيله عالسريع لأن يريد يطلع معنده وقت ..يلا

عسل : زين بس اغير ملابسي

عاط : لج يا تغيرين ملابسج اكلج زوجج مستعجل يلا تحركي

مشيت للباب فتحته وشفته واكف ولابس ملابسه العسكرية
كال وهو مبتسم : صباح الورد عسولتي ..هاي ليش اتأخرتي علي ؟!

عسل : صباح النور ...جنت نايمة ..
شفته باوعلي من راسي لرجليه ..جنت لابسه تراك ابيض وبيه رسمات وردية جان برمودة ونص ردن لزمت التيشيرت من فتحة الصدر وضليت اسحبها