الضابط الغيور والعنيدة (الأصلية)

البارت السابع عشر

تعال تدنه نتشاور على الماينحجي يمهم
شمني وضوكني وحبني وتدنالي

-ڪَتݪه : أني منو.  .؟
-ڪَاݪ : الحلوة العلت گلبي بـ عنادۿا♥️

ياسر وعسل 🥰

**
عسل : سمعته تنهد بعصبية وجاوبني بعياط

ياسر : لج عسل انتي تدرين اني اتخبل من شغلة غيرة المراهقات هاي وسوالف الزعاطيط هاي ..يعني اني اذا رحت لبيتهم لازم اكو شيء ..لازم تشكين وتجي مية فكرة سخيفة ابالج ؟!
بس حكلج مو لأن ابررلج بس حتى اريحج من التفكير اليوم الي رحت بيه حتى اخذ إجازة مريت بيهم وشفت حسوني هو سواها عليه واظطريت ابدله بس مجان عندي وقت ارجع للبيت ..عرفتي هسة السبب ؟!
برد كلبج ؟!...صفيتي افكارج ؟!

عسل : واني هسة شكلت حتى تزعل مني هيج ..اني بس أغار عليك والله مو بيدي بس متحمل فكرة انته تروحلهم تشوفها وتحجي وياها ..صعبة

كال بعصبية : استغفر الله شلون تريدني اغلط هسة ..لج بابا اني مكلج لتغارين بس انتي تعرفين كولش زين اني مو مال هيج سوالف لعد شلنه بهالدوخة هاي

عسل : أني آسفة بعد متنعاد ..بس انته لتزعل مني ماشي ..

سكت شوية وكال : ماشي ..وهسة لازم انهي المكالمة يلا باي

عسل : حبيبي لحضة ..احبك

كال ابرود : اي اعرف لهلسبب تشكين بيه ..مع السلامة

سديت الموبايل وتنهدت اكيد زعل ..افف ..لعد شسوي اني ما اكدر... احبه مو بيدي ماكدر مغار عليه

**

زاهر : عزلت المحل من وقت ورجعت للبيت حتى اشوف ماما واطمن عليها لأن من يوم موت غيداء ولليوم هي ما ترتاح اذا ما شافت واحد منا اني لو ياسر رغم نبأ وعسل متاركاتها ودايمآ وياها وما يعوفنها لحضه وحدها
بس هي هسة تعلقت بينا اكثر من قبل وصار عدها خوف مو طبيعي علينا
تكول السبب دايمآ تحلم بغيداء الله يرحمها وتكللها مشتاقتلكم واريد واحد منكم يجي وياي

نحاول نقنعها مو كل الأحلام تتحقق بس هي مصرة لأن سامعة من الناس الميت اي شيء يكوله يتحقق
اذا جانت قبل تتصل بياسر مرتين باليوم الصبح وباليل من يلتحق هسة ضلت تتصل كل ساعتين اربعة

وصلت للبيت ونزلت فتحلي همام الباب وتلكاني هو وريام لأن جانوا كاعدين يدرسون بالصالة
صاحوا لأمهم وكالولها إجه بابا ..هي جانت بالمطبخ تركت كولشي من ايدها وأجتي رأسآ

نبأ : هلو حبيبي الله يساعدك

زاهر : هلا بيج حبيبتي ..وين امي ؟!