الضابط الغيور والعنيدة (الأصلية)

البارت الرابع والعشرون

- يصيـࢪ احـضنك حــضن يوجـ؏ واڪلك اغاࢪ ۶ـﻠيـك مـטּ ڪݪشـჂ̤،💔.

من سگيتك فارت براسي
النداوة گرنفل وحايل لگيتك

**

شمس : اني عرفت السر الي انتي وياسر ضاميه وأهله مساكين لحد الأن ميدرون

عسل بربكة : شمس انتي شدتكولين ؟
عن اي سر تحجين ..اني وياسر مضامين اي شيء عن أهله

ضحكت وكالت : هاي شلج بيها عسولة ..اني مداكلج شاكة ..لا اني متأكدة وهسة انتي عرفتي على شنو احجي بس دتهربين
فخليني اوضحلج اكثر او اذكرج اذا انتي ناسية

تقربت عليه وهمستلي : انُ انتي مو بنية وياسر ازوجج بس حتى يستر عليج

بعدت عنها بسرعة وعطت بيها : انتي شدتخربطين اني ما اسمحلج تحجين هيج عليه وحوصلها لياسر

أبتسمت وكالت : عادي عيني عسولة وصليها قابل اني جايبة شيء من جيبي ..اني داحجي الصدوك والي عرفت منه مستحيل يكذب ومثل مااشوف خوفج وقلقج هذا فضحج وبين كلامي شلون حقيقي

تركتها وكمت كتلها : لا انتي واضح متردين تعديها عالخير وتوكفين لعبتج هاي واني حكل لياسر وهو يصرف وياج

كالت وهي تتمويع : ماشي عيني روحي كليله اني منتضرة واصلآ كلامي وياه مو وياج ..لعد هيج أبن عمي الغالي الي ميقبل بالغلط وماشي كل عمره صح يغلط هيج غلطة ويزوج وحدة ملعوب بيها قبله
لا متوقعت هالشيء ابد

لزمتها من ملابسها وعطت بيها : اسكتي ، كافي انتي منين جبتي هالكلام ..هاا
ياسر هو أول رجال بحياتي وخالة تعرف لأن هو سلمها النيشان بأيده ..لعد انتي شلون تألفين هيج شيء عني ؟!

ضحكت ولزمت اديه : لا حبيبتي اني مداآلف لأن الي كالي القصة يعرفج كولش زين وهو متأكد مية بالمية من الي حجاه
وعنده دليل قوي مستحيل أحد يشك بي وانتي وياسر مهما نكرتم محصدكم بعد الي كاله هو

اتنفرزت منها حيل وكلت : ومنو هو هالشخص ؟
كليلي ..وشنو مصلحته يكذب هيج كذبة علي ياسر اذا عرف محيسكت وحيحاسبج انتي وياه

تركتها وصعدت لياسر رأسآ واني كلبي مقبوض وجسمي كله يتراجف ..هاي شلون درت ومنو الي كللها وشلون عرف هو ؟
ياربي سترك ..ماريد تفضحني كدام أهل ياسر وتتغير نضرتهم ألي

دخلت بسرعة ملكيته عالجرباية ..مشيت للحمام ردت اصيحه وهو طلع ينشف شعره
رأسآ ألتفتلي وكال : صباح الخير حبيبي شنو تدورين عليه ؟

توترت وكتله : صباح الخير ..ياسر ..اني ..هي ..

حضني من خصري وكال : شنو عسولتي ..كولي ؟