الضابط الغيور والعنيدة (الأصلية)

البارت الأول

هلو ياعمري ..نضرآ للطلب على الرواية قررت انزللكم اول بارت هدية

والتكملة ان شاء الله ما تتأخر بس اخلص من ملاكي المحرمة

وهي ما ضللها سوى خمس بارتات او اقل

متابعة ممتعة واتمنى يعجبكم

#
#
#

ياسر : حاس بجسمي كاب نار وعيوني اثكال ماكدر افتحهن ولا اكدر احرك اي جزء مني

شوي واجتي امي سمعت صوتها ..خلت ايدها على راسي وهي مبتسمة
كالت : كوم يمة انته مبيك شيء ..يلا انته اقوى من السخونة ..اكعد بسرعة محتاجينك

بهالحضة اني فتحت عيني واسمع صوت الرصاص ودوي الأنفجارات باوعت ولكيت نفسي بالجيب ردت اكوم مكدرت
باوعت لأيدي مضمدة ودتنزف ورجلي هماتين اتذكرت صار علينه هجوم مفاجئ واصوب جزء منه ويمكن بعضهم مات
اني شلون فقدت الوعي ومنو الي جابني للسيارة ماذكر شيء

سحبت اللاسلكي بأيدي الثانية وناديت عليهم حتى ينسحبون ..اذا متصرفت راح افقد الفريق كله
شوية واجوي كلهم ركبوا السيارات والدبابات والشهداء خلوهم بسيارة خاصة الهم وطلعنه من الساحة بسرعة

##

عسل : كنت نايمة واحلم حلم حلو كاعدين بيه اني وماما وبابا سوا وهو متغير وصاير حباب ويضحك ويسولف ويانه

فزيت على صوته وهو يعيط بيه : عسللل ..اكعدي لج
اكعدي يا حيوانة ..كومي سويلي ريوك خل اسمم
الله ياخذج انتي وامج الكح...

كعدت بسرعة وكمت وكتله : صار بابا صار ..

صاح : ولبابة ..يلا بسرعة

دخلت الحمام غسلت ولفيت شعري بسرعة لأن هو طويل ويضايقتي وركضت للمطبخ
مجنت اريد اسمع كلام اكثر ..هاي اني حياتي ويه بابا من يوم الي اطلكت بيه امي وتركتني عنده
هي كانت حلوة كلش لأن بيبتي اجنبية وجدو ازوجها على حب ومجبرها تغير ديانتها وامي كانت مثل بيبي
بس بابا شافها صدفة وخطبها ولأن جدو كان يعرفة وعدهم شراكة وافق عليه
اوقات احسة هو يحبها لماما وهذا السبب الي يخليه هيج يتصرف لأن مقهور هو حاول يحافظ عليها بكد ميكدر بس هي تركت كلشي حتى تزوج حبيبها الي جان مسافر وزوجها جدو لأبوي غصب

وبس رجع ودرت بيه ممزوج ومنتضرها سوت كلشي بس حتى يطلكها بابا وتروح تزوجه ومفكرت بيه رغم اني كان عمري ١٠ سنين بس
اوقات من اتضايق من معاملة بابا الي احس نفسي حاقدة عليها واوقات لا احس اني محتاجتها وهوايه احبها واتمنى اشوفها واكعد وياها ولو دقايق ولو ساعة وحدة
بس الي عرفته هي مبقت هنا بس ازوجت سافرت ويه زوجها
سمعت صوت بابا يعيط عليه مرة ثانية ركضت شلت الصينية وركضت اله ولأن ركضت بسرعة عثرت ووكعت من ايدي وتكسرت المواعين