Pagkatapos niyang tumipa sa kanyang cellphone ay tinawagan niya ang mga magulang ni Nnevvy. Sinabi niya kung saan tumutuloy ngayon ang dalaga para dun na sila dumiretso pagkatapos asikasuhin ang paglipat nito sa isang facility na makakatulong sa kanya, sana.
Hindi na siya nag-aksaya pa ng panahon at dali-dali niyang tinungo ang bahay na inuupahan ng dalaga. Inabot siya ng mahigit isang oras bago tuluyang makarating sa labas nito. Hindi muna siya bumaba at naghintay ng text mula sa magulang ni Nnevvy.
