Unicode
" ဥက္ကဋ္ဌကြီး အမျိုးသမီးဧည့်သည်တစ်ယောက်ကတွေ့ခွင့်တောင်းပါတယ်"
ခရီးကပြန်လာတဲ့ ရှောင်လျိုဟန်က လက်စသတ်ရမဲ့အလုပ်တွေအတွက် အချိန်ပေးပြီးအလုပ်ရှုပ်နေတယ် ။ ရုံးခန်းထဲတံခါးခေါက်လို့ဝင်လာတဲ့အတွင်းရေးမှုးစကားအဆုံးမှာ တစ်ချက်စဉ်းစားလိုက်တော့လည်း ဒီနေ့အတွက် ဘာအပွိုင့်မင့်မှ ယူမထားမိ
" ဘယ်သူလည်း ကြိုချိန်းမထားဘူးမလား"
" ဟုတ်ကဲ့ ချိန်းထားတာမရှိပါဘူး"
" အဲ့ဒါဆိုလည်းအပွိုင့်မင့်ယူပြီးမှပြန်လာခိုင်းလိုက်"
" ဟို"
စားပွဲပေါ်ကစာရွက်စာတန်းတွေဆီ ပြန်ပြီးအာရုံစိုက်မယ်ကြံတုန်း အတွင်းရေးမှုးရဲ့ဟိုဆိုတဲ့စကားကြောင့် ခေါင်းပြန်မော့လို့ ဘာလည်းလို့မေးလိုက်တယ်
" အရေးတကြီးပြောစရာရှိလို့ တွေ့မှဖြစ်ပါ့မယ်တဲ့ ဝမ်ရိပေါ်နဲ့သက်ဆိုင်တယ်လို့ပြောခိုင်းပါတယ်"
ရှောင်လျိုဟန်မျက်မှောင်တစ်ချက်ကြုံ့လိုက်ရင်း
" ခေါ်ခဲ့"
ရှောင်ဟန့်တစ်ယောက် ဥက္ကဋ္ဌကြီးရုံးခန်းအတွင်းဝင်မယ်ဟန်ပြင်တုန်း အခန်းရှေ့မှာရှိတဲ့ အတွင်းရေးမှုးစားပွဲဆီမှာထိုင်နေတဲ့အတွင်းရေးမှုးက မတ်တပ်ရပ်နှုတ်ဆက်ရင်း
" ဥက္ကဋ္ဌကြီး ဧည့်သည်နဲ့စကားပြောနေပါတယ် ဒုဥက္ကဋ္ဌ"
အလုပ်ကိစ္စဆွေးနွေးဖို့ရာ ခေါ်ထားတုန်းက ဧည့်သည်လာမယ်လို့ မပြောခဲ့တာကြောင့်
" ဧည့်သည် ကိုယ့်ကိုယ်ဒီအချိန်လာခဲ့ဖို့ခေါ်ထားတာ ဘယ်သူရောက်နေတာလည်း"
" ဝမ်..."
" ဒုဥက္ကဋ္ဌ"
အတွင်းရေးမှုးစကားအစမှာတင် အနောက်နားကနေ ခေါ်လိုက်တဲ့ ပရောဂျက်ဒါရိုက်တာကြောင့် ရှောင်ဟန့်အာရုံတွေက သူ့ဆီရောက်သွားတယ်
" ပြန်လာပြီလား လုပ်ငန်းအခြေအနေရော"
" အချိန်ရလား အေးဆေးပြောလို့"
YOU ARE READING
All of me (Unicode / Zawgyi) - Completed
Romanceကျွန်တော့်ရဲ့ အရာအားလုံးကို ကျန့်ကောကို ပေးနိုင်တယ် မလိုအပ်ဘူး ရိပေါ် မင်းက ကိုယ့်ရဲ့ အရာအားလုံးပဲ က်ြန္ေတာ့္ရဲ႕ အရာအားလံုးကို က်န္႔ေကာကို ေပးနိုင္တယ္ မလိုအပ္ဘူး ရိေပၚ မင္းက ကိုယ့္ရဲ႕ အရာအားလံုးပဲ
