رواية سعودية/انوثه خياليه بالرغم من الملابس الرجاليه

19 (والأخيــــر)

عند الرجال .... بعد ما كتبوا العقد ... ووقعت عليه عبير ... والكل بارك لوائل ... وللعم ابو سعود ........

الجد "يطالع في سعود اللي كان متمدد في الركن .. ": ..ربي سلم وائل منك هالمره .. ما تقدر تسحبه برا وتقول له يقرا ويسمي .. ويستخير ..

الكل "تذكر موقف سعود يوم ملكة وائل وشيماء":..ههههههههههه
سعود"بحرج":.. ياجدي الله يستر عليك استر علينا ..."طالع في وائل ".. وبعد تضحك انت و وجهك ...
وائل " فاطس ضحك":.. انا مالي دخل ..هذا جدي اللي تكلم ....
"طلع جواله "...
خالد : اكيد بيكلم امه ... مستعجل
وائل "والجوال على اذنه":..طببببببببعا ... اجل بقعد معكم ...الوو سمر ....

.......................

البنات عند عبير بغرفتها ...

انتهت الكوافيره من تسريحه و مكياج عبير .... وطلعت مررره رووعه وخاصة انها اول مره تتصلح عند كوافيره ....
عملت لها المكياااج ذهبي على احمر ... وروج احمر صارخ ... وشعرها اختارات لها التسريحة الرومانيه ... والورده الاكسسوار على جنب ... ومسكتها تشبه العصا السحريه بلون ذهبي ..

وفاء : ماشاء الله مررررره روووووعه شكلك يا عبير...
شيماء : جد جد فضيعه...
نجوى : اول مره اشوف شكلك كذا ...
عبير"انحرجت من تعليقاتهم": مشكووورين ... وتراكم احرجتوني ...
دخلت سمر بسرعه .لغرفة عبير .. و وراها شغالتين والكرسي المتحرك ...

سمر "بحماس":..يالله عبير جاهزة تنزلي ...
عبير "ارتبكت": .. يؤ .. وائل دخل ؟!
سمر : هههه ... لا لا تخافين ما دخل لسى ... الافضل يدخل وانتي على الكوشه والا ايش رايك ...؟!
عبير: ايه ايه .. "وتطالع في الشغالات".. وش فيهم هذولا وراك ..
سمر: عشان ينزلونك وانتي على الكرسي ...
عبير"بتوتر": طيب قولوا لي .. مجلس الحريم مليان والا لا ...
نجوى "متسرعه كالعاده":.. محد بمجلس الحريم الكل بالصاله ..
عبير"متعجبه": بالصاله ؟!... وليه ؟!
سمر "طالعت في نجوى بقهر":... ولا شي يالله يالله تاخرنا ....
عبير"تكلم شيماء":.. اعطيني شال الفستان من الدولاب ...
سمر : لا ...الشال ممنوع ... وقلت لك ليه ...

عبير ... باستسلام جلست على الكرسي المتحرك ... ومشيوا معاها البنات لبداية الدرج ... اللي بس طلت عبير.. اشرت سمر لمسئولة الدي جيه ... اللي شغلت آهاات رومانيه ... وبداو الشغالات بحمل كرسي عبير ... ونزول الدرج .. وعبير كانت مصدوومه من شكل الصاله اللي تغير ... وكمان لمحت صاحباتها .. وبنات خالها اللي يأشرون لها ... كانت تبتسم مو مستوعبه والصدمه مع الفرحه كانت واضحه على ملامحها ........وصلوها للكوشه ... اللي انبهرت من شكلها .. وكانت عبارة عن تل احمر ... وذهبي ....و ورد احمر .. مع شرايط ذهبي ... وكنبه متصله ... وعلى جنب الكوشه موجود التورته عبارة عن ثلاث طبقات .. وكاستين عصير.. وبعدها كان موجود العشان البوفيه ...

عبير جلست في الكوشه .. ونظراتها تدور في كل مكان . وفي كل الوجوه ...لحد ما استقرت نظرتها في عيون سمر ... اللي ابتسمت لها ونادتها ... وقربت منها سمر ....