Let Me Love You [COMPLETED]

CHAPTER 31

ASH POV

Umaga na pero hindi pa rin ako nakakatulog, naiwan kasi ni Chris yung phone nya dito sa bahay at hanggang ngayon ay hindi pa rin sya bumabalik, nag-aalala na ako sa kanya. 

Hindi ko alam kung san sya nandon, kaya wala akong magawa kundi ang maghintay kung kelan sya babalik

Bumangon na ako at nagtimpla ng kape, umupo muna ako sa may living room habang hinihintay sya

Napatayo ako ng mapakinggan ang pagbukas ng gate, senyales na umuwi na sya

Dali- dali akong lumabas para salubungin sya 

"Chris, Bakit ngayon ka lang? Anong nangyari sa pag-uusap nyo?" nag-aalalang tanong ko sa kanya

Tiningnan lang nya ako ng walang emosyon at hindi ko akalain na lalampasan nya lang ako na parang hindi nya ako nakita

Hindi ako kaagad naka imik dahil sa pagkabigla, siguro ay napagod lang sya o napuyat, baka hindi pa rin sila okay ni Yana

Pinabayaan ko sya na magpahinga muna sa kwarto nya, habang ipinagpatuloy ko ang paglilinis sa bahay at nagluto na ng pagkain para sa aming dalwa

"Chris, tara na kumain" katok ko sa kwarto nya

Hindi sya sumasagot kaya paulit-ulit ko syang tinawag mula sa labas

Napangiti ako ng buksan nya ang pinto

"Tara na...."

"Ano ba! Bakit ka ba katok ng katok" Sigaw nya sa akin, dahilan para mawala ang ngiti ko

"Yayayain lang sana kitang kumain" pinilit ko paring magsalita kahit nabigla ako sa pagsigaw nya

"Dala ko ba yung kaldero? Hindi ka ba makakakain ng wala ako" inis na sabi nya habang hinihilot ang kanyang sintido

"Okay ka lang ba? Nagising ba kita? Masakit ba ang ulo mo?" sunod sunod na tanong ko dahil sa labis na pag-aalala

"Pwede ba Ash, Kung gusto mong kumain, edi kumain ka. Wag mo na akong kulitin, Kakain ako kung kelan ko gusto" padabog nyang isinara ang pinto

Naguguluhan ako sa ikinikilos nya, okay kami kahapon, pero bakit parang galit sya sa akin ngayon

Hindi ko alam kung may kinalaman ba yun sa nangyari kagabi, hindi ko naman kasi alam na yun pala ang girlfriend nya, at wala namang mali sa sinabi ko, totoo naman na asawa nya ako

 O baka hindi lang maganda ang gising nya kaya ganon, madami na namang tanong ang naglalaro sa isipan ko

Ibang iba sya kahapon, sa kung ano sya ngayon. Sobrang sweet nya kahapon, samantalang ngayon ay para bang galit na galit sya sa mundo. Hindi ko alam kung anong pinag-usapan nila ni Yana, pero sigurado ako na yun ang dahilan kung bakit sya nagkakaganito

Okay naman sya eh bago nya sinundan si Yana kagabi, nagkaganito lang sya ngayong pagbalik nya

Nirespeto ko ang gusto nya hindi ko sya inabala maghapon, hindi rin namn nya ako pinansin nung lumabas sya para kumain ng tanghalian, 

Ang gulo nya, kahapon okay kami tapos ngayon biglang hindi ko na alam kung ano bang nangyari, hindi naman nya ako kinakausap kaya hindi ko malaman kung ano bang problema

Sinasabi ko na nga ba, panandalian lang yung saya

CHRIS POV

Halos hindi ako lumabas ng kwarto ko, kumuha lang ako ng pagkain kanina at bumalik na ulit dito, 

Hindi ko akalain na sa kabila ng maamo nyang mukha ay may tinatago din pala syang di magandang ugali

Naikuyom ko ang aking kamao dahil sa sobrang inis, hindi ko inakala na magagawa nya yun