Kim Jong In (B-2)

Part -24

Unicode

Part -24

"ရပ်လိုက်စမ်း....ဂျက်...ရပ်လိုက်လို့ဆို...."

Jong Inရဲ့အော်သံတစ်ခုအဆုံးမှာပဲဂျက်ဆိုတဲ့ခွေးသမင်ခေါင်းဆောင်တဲ့ခွေးသမင်အုပ်ဟာရပ်တန့်သွားလေသည်။

တော်ရုံလေ့ကျင့်ထားပေးပုံနဲ့မျိုးဆိုရင်ခွေးသမင်တွေဟာသခင်စကားကို အခုလိုသူတို့အိမ်ထဲကိုသူစိမ်းရောက်နေတဲ့အခြေအနေမျိုးမှာနားမထောင်တက်ကြပေမယ့် ဂျက်တို့ခွေးသမင်အုပ်ဟာတော့ အကောင်းဆုံးလေ့ကျင့်သင်ကြားပေးထားမှုကြောင့် သခင့်စကားတစ်ခွန်းမှာအရာအားလုံးဟာတိခနဲငြိမ်ကျသွားတဲ့အထိ......

"Sehun....Sehun အချစ်...."

အိမ်ထဲကနေပြေးလာရလို့ရော မေ့လဲသွားတဲ့ ချစ်ရသူကြောင့်ရော Jong In့ရင်ထဲမောဟိုက်သွားသလို အပူလုံးဆောင့်တက်သွားရပေမယ့် ဒီအခြေအနေကသူဖန်းတီလိုက်တာပဲလေ.....

တကယ်ဆို Sehunအိမ်ရှေ့တံခါးကပြေးထွက်သွားကတည်းက အခန်းထဲကထွက်လာတဲ့သူတွေ့လိုက်ပေမယ့် သေချာလွတ်ပေးလိုက်ခြင်းသာ

ထွက်ပြေးဖို့ခြံရဲ့အကျယ်အဝန်းကမလွယ်ကူဘူးဆိုတာနဲ့ အိမ်အစောင့်ခွေးသမင်အုပ်ဘယ်လိုရှိလဲဆိုတာကို Sehunသိအောင်ပြချင်ယုံသက်သက်သာ...ဒါမှနောက်ကိုထွက်ပြေးဖို့စိတ်တောင်မကူးရဲမှာရယ်.....

ဂျက်တို့ကသူ့ကိုမကိုက်ဘူးဆိုတာလဲသိထားတာကြောင့်လုပ်လိုက်ပေမယ့်အချစ်ကသိပ်လန့်သွားပုံပဲ...တကယ်ဆို အချစ်အနံနဲ့ရင်းနှီးအောင်သူကလုပ်ပေးထားပြီးသားရယ်....

ဒါပေမယ့်သူကခြောက်ယုံလောက်ပဲတွေးခဲ့ပေမယ့် Sehunကတော့အရမ်းလန့်သွားပြီးမေ့လဲသွားတဲ့အခြေအနေထိတော့သူမတွေးထားမိတာကြောင့် အခုပြန်ပြီးစိုရိမ်ပူပန်သွားရသူကသူပဲဖြစ်နေရပါရောလား.....

"Sehun...Sehun.... အချစ်သတိထားပါဦး..."

မေ့လဲကျနေတဲ့Sehunကိုထွေးပွေ့ထူရင်း သူ့ရင်ခွင်ထဲထည့်ကာခေါ်လိုက်တော့ ချစ်ရသူကသတိလည်မလာတော့ပါ.....

"ပြန်တော့ဂျက် သွား လှောင်အိမ်ထဲဝင်...."
Sehunကိုယ်လေးကိုပွေ့ချီလိုက်ကာခွေးသမင်အုပ်ကိုအမိန့်ပေးလိုက်တော့နေရာကထွက်သွားကြလေသည်။