تـحت مـسمى الـقدر

11

رواية (تحت مسمي القدر ) الفصل الحادي عشر

ووجدت "ولقتني وانا بهواك خلصت الصبر معااك "
قراتها ثم ابتسمت واغمضت عينيها لتنام .
.................
اثناء جلوسه في الشرفه نام ولم يستيقظ سوي علي صوت هاتفه فرد :الو
_الو مستر جاسر انا المتحدث باسم الوفد الفرنسي اذكرك بموعدنا بعد ساعة .
_تمام خلال ساعه بظبط هبقا في المكان اللي اتفقنا عليه .
_اوكي مستر جاسر
ثم اغلق الخط فقام مسرعا وطرق باب غرفة سيدرا فاستيقظت علي صوت طرقاته فقالت :ايوه
ثم قامت وفتحت الباب قالت :نعم يا جاسر
_يلا يا سيدرا قدمنا ساعة بظبط.
كان يمشي في انحاء الشقه يجمع اشيائه.
فقالت بعصبيه :ممكن تقف وتفهمني قدمنا ساعة علي ايه
_عندنا اجتماع مع وفد فرنسي عشان صفقه كبيرة وانا نمت ومخدتش بالي .
_تمام بس انا معنديش هدوم اروح بيها ومش معقوله هروح بهدوم السفر .
جلس يفكر قليلا ثم قال :البسي اي حاجه وهنروح اي مول هنا ونشتري الهدوم الي تعوزيها .
_كده تمام
دخل هو الي الحمام لكي يستحم ويرتدي ملابسه وهي دخلت حمام الغرفه لتستحم ايضا انتهت وارتدت فستان وعليه حجابها .
هو ايضا انتهي وارتدي حلة من اللون الكحلي ثم وقف امام المرأة ليعدل من نفسه .
طرقات الباب ثم دلفت وقالت :انا خلصت .
قال وهو ياخذ مستلزماته :يلا بينا .
ركبوا السيارة ثم ذهبوا الي المول وبعد دقائق وصلوا ثم هبطوا من السيارة واتجهوا الي المول فقال لها :هتشتري من انهو محل
_في محل هنا انا بتعامل معاه هنجيب من هناك.
وبالفعل دخلت المحل وسلمت علي من فيها ثم اختارت بعض اطقم وعليهم حجابهم .
ثم دلفت الي الداخل لتقيس انتهت وارتدت واحدا منهم ثم خرجت وقالت :تمام كلهم مظبوطين شوفيلي حسابهم كام ؟؟
التفت لينظر اليها كانت ترتدي فستان من اللون السماوي وجردان طويل من الون الابيض وحجاب من نفس اللونين .
ابتسم علي هيأتها وذهب ليحاسب علي ثمنهم ثم اخذ الحقائب وخرج وقال: هتحتاجي حاجه تاني؟!!
نظرت الي حذائها فراته لا يليق مع ثيابها الجديدة فقالت :اه شوز وشنطه وخلاص
_ماشي
ثم ذهب معها الي محل الاحذية والحقائب واختارت حذاء وحقيبه ثم انتهوا من شراء كل شي وخرجوا وركبوا السيارة متجهين الي الفندق الذي ستتم فيه المقابله .
......................
ظلت ترتب حقيبتها وتضع بيها ما سوف تحتاجه واشياءها الخاصه شعرت بالشوق الي امها تريد توديعها قبل رحيلها فارتدت عبائتها وتوجهت الي بيت امها كانت تملك نسخه من المفتاح  ففتحت الباب ودخلت فوجدت زوج امها يجلس يشاهد التلفاز فقالت :سلام عليكم
_وعليكم السلام
_امال امي فين ؟؟
_امك بره بتشتري حجات لخواتك لزمة دخول المدارس.
التفتت تتجه للباب وقالت :طب انا هاجلها وقت تاني.
قام مسرعا وامسك يديها وقال بخبث :ليه يا سمية متقعدي خشي جوه استنيها زمنها جاية .
شعرت بالخوف من طريقة كلامه ولكن لا باليد حيلة فهي تريد رؤية امها قبل ان تغادر غدا فدخلت الغرفة وجلست علي السرير تنتظرها .
كان يجلس هو ينفخ انفاس الشيشه وهو يفكر بخبث ثم قال لنفسه :دي القعدة هتحلو اووي .
بعد دقائق انتهي من شيشته وقام ودخل الغرفة وقال ببتسامة تظهر اسنانة القذرة :انتي قولتي بقي عايزة امك في ايه
قامت من جلستها وقالت بتوتر :عادي يعني عايزة اشوفها.
اقترب منها اكثر وقال :طب متيجي نتسلي عم هي تيجي .
شعرت بالخوف فقالت :لاء خلاص انا همشي عشان مروحش بليل .
امسكها من يديها وقام بدفعها فوقعت علي السرير فقام بخلع قميصه وانقض عليها حاولت الفرار صاحت بأعلي صوتها .
هو ايضا كان كالحيوان المفترس يريد اشباع رغبتة القذرة فانقض عليها وحاول تقطيع ملابسها وقام بتقبيلها بعنف .
قالت بصوت عالي :يارب ارحميني .
وبكل قوتها قامت بركله عنها فسقط من فوق السرير اثر ركلها .
فقامت مسرعة وخرجت من الغرفة واغلقت الباب خلفها .
ثم خرجت من الشقة تركض خارجا توجهت مسرعه الي بيتها واخذت حقيبتها وحقيبة ملابسها واغلقت البيت وخارجت كانت تبكي تبكي حظها وعدم رؤيتها لامها كانت تمشي في الشوارع لا تعرف جه لها واهداها تفكيرها الي المبيت في فندق الي الصباح وبالفعل اخذت تاكسي الي فندق وقامت بحجز غرفة ونامت تبكي بحرقه .
................
بعد الانتهاء من عملهم ذهبوا الي القصر .
ثم جلسوا جميعا ليتناولوا الطعام كانت ود حزينه ، فقال سالم :مالك يا ود مش بتاكلي ليه؟؟!!
رد يزيد :هي كده من ساعت ما عرفة ان سيدرا سافرت وسابتها.
قال سالم بهدوء وحب :يا حبيبتي كلها يومين وترجع وبعد ما نخلص عشا نقوم نكلمها فيديو .
ابتسمت وقالت :يوصلوا بالسلامه
كانت سيادة تجلس وهي غاضبه فمنذ متي جاسر يسافر دون علمها ومنذ متي يوجد مشاكل في الشركه ولا يبلغها .
قالت سالي بحب :مش ناوي تعمل الفرح يا يزيد بقي .
رد بفرح :من بكره لو صاحبة الشأن موافقه .
ابتسمت سالي وقالت: ايه رائيك يا ود
قالت بتوتر :لم سيدرا وجاسر يرجعوا نبقي نتفق عشان فرحنا يبقا في يوم واحد .
كان يجلس بجانبها فابتسم وقام بأمساك يديها من تحت المائدة فابتسمت هي الاخري ثم نظرت له فغمز لها وابتسم .
...................
جلس يلعن جاسر الذي وضعه في تلك الزنزانه هو حتي لا يستطيع التحدث مع المحامي ليأتي له ثم تذكر موقفه المالي واكيد لن يأتيه بدون مقابل .
نظر الي السماء من نافذة الزنزانه يخاف من طغيان جاسر فهو أكبر رجل أعمال في الشرق الاوسط كاد ان يدعو الله يخرجه من تلك المحنه ولكنه تذكر انه سكير وزاني ويسرق ويخدع الناس بانتاج ادوية غير صحيحه فعدل عن فكرة ظناً منه ان الله لن يسمع ولن يستجيب .
ولا يعلم ان الله يسمع العباد في كل وقت وفي اي مكان وان الله عند حسن ظن عبده به وان ابواب التوبه دائما مفتوحه وان الله غفورا رحيم وان الله اقرب لعبده من حبل الوريد .
.........................
دخلوا الفندق ثم توجهوا الي مطعم الفندف فاستضافه مدير الفندق بنفسه وقال :اهلا جاسر بيه اسكندرية نورت
ابتسم جاسر وقال :اهلا بيك يا عيسي
_المطعم نور اتفضل
ثم اتجه معه الي المائدة المحجوزة .
ولكن قبل ان يجلس جاسر وقف خلف مقعدها وقام بفتحه لتجلس هي فابتسمت ثم جلست وجلس هو بجانبها .
فقال عيسي :حضرتك تشرب حاجه
_لم الضيوف يوصلوا
_ماشي يا فندم
قالت :هو عرفك منين
قال بغروره :مشكلتك انك مش عارفه انتي متجوزه مين انا جاسر السيوفي اكبر رجل اعمال في الشرق الاوسط .
قالت باستهزاء :يا سلام علي  الأڤوره
رد :اڤوره انتي مش مصدقه ولا ايه
_انت بتتكلم جد
_اه طبعا
قالت بأسي :طيب طلما انتم حاجه كبيرة اووي كده وبتيجي هنا اسكندرية ومعروف ليه مفكرتش تيجي تزرنا او حتي تدوروا علينا .
_يا بنتي انا معرفش اني عندي عم غير من شهرين .
_ماشي
ثم جاءه هاتف فرد :الو
_الو مسيو جاسر اريد الاعتذار منك فمسيو فرانك شعر بالارهاق ولن ياتي فهل تحدد معاد غدا
تضايق جاسر وقال :اوكي لم اكون فاضي هبقي اتصل بيك
_ارجوا منك عدم الغضب فالامر ليس بيدينا
_مافيش زعل بس مش جاسر السيوفي اللي يعطي معاد ويطنش .
_نحن في قمة الاسف والاحراج منك مسيو جاسر وارجوا منك ان تسامحنا وتحدد معاد اخر .
_تمام بكره الساعه 9 في نفس المكان ولو حضرتكم اعتذرتم تاني اعتبر مافيش بينا صفقه .
_اوكي مسيو جاسر .
ثم اغلق الخط .
قالت :ايه الاجتماع اتلغي
_اه
رد:طب خلاص نكسب وقت ونروح فرع الشركه ونحاول نحل المشكله الي هناك
_تمام فكرة حلوة جدا طب يلا بينا
_هاجي معاك بس بشرط
_ايه
قالت في خجل :تجبلي اكل
ضحك وقال :من عنيا
ثم وضع الحساب وغادر متجه الي الشركه هاتف مدير الشركه وقال :الو
_الو ايوه يا جاسر بيه
_انت فين انا جاي الشركه حالا
_تمام يا فندم احنا في الشركه .
_ماشي.
ثم اغلق الخط وذهب الي الشركه وصلوا وهبطوا من السيارة فقالت :اهو مجبتليش اكل
ابتسم وقال :هنطلب من الشركه
_ماشي .
ثم صعدوا الي مكتب مدير الشركه
سلم علي جاسر وعلي سيدرا.
فقال جاسر :قولي ايه المشكله
_حضرتك عارف ان الشركه هنا شركة هندسه معماريه واننا اخدين مشروع كبير جدا وللأسف مهندسين المساحه اخدوا مساحات الارضي غلط فبالتالي حصل مشاكل في الفلوس وكمان المهندسين المعمارين رسموا المباني علي مسحات غلط وكمان مستلزمات البنا جت غلط بكمية قليله علي حسب المساحة المحسوبه .
فهم جاسر ما حدث وقال :تمام اعمل اجتماع حالا بكل الموظفين والمهندسين .
ثم امسك يد سيدرا ودخل الي غرفة الاجتماعات.
قالت باعجاب :المشكلة كبيرة هتعرف تحلها بالسرعة دي
_اه طبعا .
قالت بغضب :يخربيت غرورك يا اخي .
ابتسم ثم خلع چاكت حلته وجلس علي المنضده بعد دقائق بداء الموظفين والمهندسين في الدخول
بعد ان دخل كل الموظفين جلست سيدرا في اقرب كرسي بحانب جاسر .
فقال جاسر بجمود :اولا اللي حصل ده مش هيعدي بالساهل ومهندسين المساحه كلهم هيتخصم منهم مرتب شهر ثانيا هينزلوا الموقع من تاني ياخدوا المساحات بكل دقه ثالثا مهندسين المعمار هيبداءوا حالا برسم المباني من تاني علي المسحات الجديدة وموظفين الحسابات هيبداءوا يشتغلوا ويحسبوا تكلفة المشروع .
قاطعه المدير قائلا :اسف لمقطعت حضرتك كل ده بسيط المشكله ان مافيش مستلزمات بناء في السوق ومعظم المصانع مش راضيه تعطينا الطلبيات .
قال بغضب :يعني ايه مش موافقه تعطينا هو هزار انا هكلمهم ولو رفضوا واشك ان ده يحصل هنصنع احنا اي حاجع تحتاجوها .
ثم تابع :اتفضلوا روحوا وبكره من سته الصبح كل اللي قلت عليه يتعمل .
فقام الموظفين وغادروا فقال لمدير الشركه :وهاتلي ارقام اصحاب المصانع دي
_حاضر يا فندم .
فقالت سيدرا :انا هخرج ورجعه
_راحه فين
_ثواني وهرجع
_ماشي
خرجت ثم سألت عن دورة المياه ودخلت وبعد دقائق من دخولها دخل فتاتان و وقفوا امام المرأه كانت سيدرا خلفهم ولكن يفصل بينهم حاجز خشبي فسمعت احداهم تقول
_يا خراشي علي شدته تحسي كده انه ماسك بلد مش شركه.
فردت الاخري قائلة :اه ربنا يرزقني بواحد زيه.
_ياارب انا وانتي بس مين البنت الي كانت قاعده جمبه دي.
_بتهيالي انها السكرتيرة بتاعته.
_اه ممكن يبختها والله ده انا لو منها مسبهوش .
كانت سيدرا تحاول كتم ضحاكها ثم عدلت من هيأتها وخرجت في غرور فتفجأ الفتاتان فقالت سيدرا في غرور :انا المدام بتاعته مش السكرتيره.
ثم تركتهم وهي تضحك بشده من صوت شهقاتهم .
عادت الي جاسر فقال :يلا بينا نروح
_مجبتليش اكل
قال بهدوء :حاضر يا سيدرا هجيب وناكله في البيت .
_تمام ماشي .
ثم خرجوا من الشركه وركبوا السيارة متجهين الي المنزل .
وبعد دقائق كانوا في البيت فقالت :انا جعانه
فقال في تعب :التليفون عندك والفلوس اهي اطلبي اي حاجه انا هخش انام لاني تعبان اوووي .
قالت بملل:خلاص انا كمان هنام .
ثم دخلت غرفتها واوصدت الباب خلفها كالعادة.
تمدت علي السرير وهي تبتسم وتتذكر تفصيل يومها ثم سمعت صوت وصول رسالة فقامت باخذ هاتفها وفتحت الرسالة لتقراء "جميلة انتي كرواية رائعة لدوستويفيسكي "
ابتسمت واغمضت عينيها لتنام.
.......................
نام الجميع وكالعادة من نام مبتسم واخر يبكي واخر حزين واخر يأس من الحياة ولا يعلمون ان مع ولادة يوم جديد توجد حياة جديدة وفرصة لتغير القدر والمصير فمن بات يبكي يستطيع الضحك صباحا وايضا يستطيع ان ينسي ما ابكاه.
....................
استيقظ علي صوتها العذب بجانب اذنيه قائلة :قوم بقي يا حبيبي
فتح عينيه ليراها فقال :خلاص يا ود قمت .
_طب يلا يا حبيبي ورنا شغل كتير لان جاسر مش موجود.
قام من علي سريرة واخذ المنشفه واتجه الي الحمام وتركها تقف بجانب السرير .
تضايقت من فعلته وهبطت لطابق السفلي لتعد له الفطار وهي تدندن مع نفسها.
سمعت احد يقول :ده ايه الصباح اللي بيغني ده.
التفتت له واقتربت منه ثم عانقته وقالت :صباح الفل يا عمي
ابتسم وقال:صباح الفل والياسمين عليكي انتي .
فقالت :احضرلك فطار مع يزيد يا عمو
_لاء يا حبيبة عمو انا رايح الشركه
_ماشي .
ثم اتجهت الي المطبخ .
........................
قال بتفكير :انت عرفت ازاي اني هنا
قال المحامي :في حد اتصل وبلغني وانا قرأت المحضر وعرفت القصه كل اللي عليك تنفي اي حاجه حتي مريهان دي تقول انك عمرك مشفتها وانها بتتبلي عليك وسيب عليا الباقي
_يعني هطلع من هنا
_اه انا بطريقتي هخليهم يطلعوك بكفالة .
_تمام يا متر
ثم تركه وقام العسكري باخذه الي زنزانته ثانيا.
...................
استيقظت علي صوت ان كلثوم وهي تغني اغنيتها "ما دام بتحب بتنكر ليه "
قفامت من علي السرير وخرجت لتقابلها رائحة القهوة فتبتسم ثم نظرت بداخل الشرفة فوجدته يجلس يحتسي قهوته ويردد مع كوكب الشرق
فقالت باستهزاء منه :الله عليكي يا ست.

بقلمي/مريم رمضان 👑