تـحت مـسمى الـقدر

30

(لا تدع القرأه تلهيك عن الصلاه او واجباتك نحو بيتك وربك )

#الفصل_الثلاثون
(الفصل الاخير الجزء الأول )

اخبرونا الكبار ان تنم مظلوما افضل كثيرا من ان تنم ظالماً ...فدعوات المظلوم ليس بينها وبين السماء حجاب...خادعوك فقالوا المرأة ضعيفه بدونك لكن المرأة قوية في كل حالتها ولكن عندما تحب تكن اقوي ....ولكن لم يخبروك انك بها قوي ومن دونها ضعيف وان احببتها وفقدتها  أصبحت اضعف .
...........................
في صباح اليوم الثالث كان يجلس يفكر بكل ما حدث من وراء تلك الصور او من عدوهم الذي يريد بخراب علاقة سيدرا وجاسر ، جاسر الذي لم يأتي ليري زوجته .
وفجأة يري الدكتور يدلف الي العناية بصحبة العديد من الممرضات ليقف يزيد ويسأل احدي الممرضات فتخبره قائلة:المريضه الحمد لله فاقت وهتتنقل غرفة عادية.

ليبتسم ويحمد ربه .
دقائق وكانت تنام علي التخت داخل غرفة عاديه ليدلف اليها يزيد قائلا :حمد لله علي سلامتك يا سيدرا

لتجيب بخجل :الله يسلمك يا يزيد هو ايه اللي حصل !!

ثم تضع يديها علي بطنها مستذكره جنينها قائلة :البيبي حصله حاجه .

ليقول بحب :لاء يا حبيبتي البيبي بخير وانتي بخير الحمد لله بس حصل نزيف وانتي دخلتي في غيبوبه والحمد لله قمتي بالسلامه .

استغربت من كلمة حبيبتي ولكنه ظنت انه قالها بتلقائيه ليس اكثر .

فتابع قائلا:انا هروح القصر اغير واجيبلك ود عشان اكيد هتحتاجيها واطمنهم عليكي .

لتبتسم بهدوء : ماشي اتفضل .

خرج لتدخل الممرضة قائلة ببتسامه:حمد لله علي سلامتك

لتبادلها الابتسامة :الله يسلمك

_الاستاذ كان قلقان عليكي اووي ده مكنش بيروح ربنا يخليهولك

_امين ممكن لو سمحتي اطلب منك طلب .

لتنظر لها بجدية :اه طبعا اتفضلي انا تحت امرك

_عايزة اخرج من هنا حالا ومن غير ما حد يعرف ارجوكي وانا اول لم ارجع بيتي هديكي اللي انتي عايزاه بس انا لازم اخرج قبل ما حد يجي تاني .

_ايوه حضرتك بس انتي لسه تعبانه ومقدرش اخرجك

_متخافيش انا اهلي هيعتنوا بيا كويس بس لازم امشي .

ثم تابعت ببكأ :انا لو قعدت هيقتل ابني اللي لسه مشفش الدنيا

_انا هساعدك بس لو حصل حاجه انا معرفكيش

_متخافيش يا نيرس .

_طيب اسمعي بقي هنعمل ايه !!
........................
في القصر
تهتف بغضب مكتوم :يا تيتة حرام الولاد جعانين ومش بيشربوا اللبن الصناعي سبينا انا وسمية نرضعهم