مصورتي الغبية 🤦📸 مكتملة (تم تعديلها)

حرامي في البيت 😂

(وحشتوني جداً يا حلوين .. ده البارت الجديد)

★★عند مكتب فارس ...
#كان فارس يعمل على بعض الأغاني حين رن هاتفه بنغمة مميزة فإبتسم لسماعها وقد عرف من المتصل فأغلق الملفات وأمسك بهاتفه ورد على المكالمه ...
روان بغيظ :- إيه يا باشا مبتردش ليه كنت بترقص على النغمة يا خفيف .
فارس بضحك :- ههههههههههههه لأ بس كنت بتفرج على صورتك وهي منورة شاشة الموبايل يا روني وبعدين إنتي بتتصلي بيا لما بيكون فيه مصيبة يلا ارغي وقولي مجهزة لإيه المرادي .
روان ببرود :- والله على حسب عايز تسمع مصيبتي الجديدة ولا لأ يا روميو .
فارس وهو يسب سهيلة داخله وقال بغيظ :- إنجزي وقولي طيب حصل إيه المرادي .
روان بخفوت :- هو آدم وسهيلة هيشتغلوا مع بعض بجد يا فارس يعني أقصد هيبقوا دايما قدام بعض علطول .
فارس بتنهد :- هاااه أه يا روان مظبوط سهيلة هتشتغل معانا وهي إللي هتصور آدم من بكرة ومكتبها جنب مكتبه لازقين ف بعض يعني هيبقوا مع بعض اليوم كله .
روان بتردد :- طب وبعدين هنعمل إيه والنهاردة بالليل بالذات لما نتجمع كلنا إحنا الاربعة سهيلة قالت مش هتيجي علشان هو هيبقى موجود معانا يا فارس هنتصرف إزاي .
فارس بابتسامة وقد خطر ف باله فكرة :- بس يا ستي سبيها عليا أنا وهي هتيجي متخافيش وعارف مين هيقنعها زي كل مرة .
روان بسخرية :- ده كان زمان يا فارس سهيلة بتاعت دلوقتي غير بتاعت زمان خلاص إتغيرت 180 درجة ومش هترجع تاني .
فارس بغمزة :- ومين عارف يمكن ترجع تاني وتوقع على بوزها ونرتاح إحنا بقى ونلتفت لنفسنا ونشوف حالنا ولا إيه رأيك .
روان بخجل وتغير الموضوع :- معرفش بقى نظامهم إيه وبعدين أنت بتقول نفسنا وحالنا بتجمع ليه وبقولك إيه قولي هتعمل إيه معاهم علشان يتجمعوا تاني سوا .
فارس بغيظ :- وربنا ما هقولك على حاجة وخليكي كده فضولك ياكلك وسيبي تجميعهم ده عليا أنا زي ما قولتلك .
روان بفضول :- فارس قولي علشان خاطري الفضول مجنني يوووه بقى قول .
فارس بابتسامة :- إنسي مش هيحصل يا روني ويلا روحي استعدي علشان هنتجمع بالليل فالحتة بتاعتنا وأنا هجيب آدم وبرضو هجيب سهيلة .
روان بحنق :- غور ياد أنت الواحد ميعرفش ياخد معاك لا حق ولا باطل عبوشكلك عيل بارد طيب يا أخويا لما أبقى هناك هكلمك .
فارس بضحك :- هههههههههههههههه يخربيت لسانك الطويل يا روان أم خدود تجنن بلد وبعدين خلاص مش هقول حاجة تانية لأحسن أتشتم تاني منك يلا يا موزة سلاموز .
روان بابتسامة :- سلام يا فارس باشا وملكش دعوة بخدودي اوك وإلا أنت حر .
فارس بغيظ :- أنا غلطان ليكي يا شيخة ده أمه دعياله إللي هياخدك .
روان بضحك :- هههههههههههههه هيبقى على قلبه أحلى من العسل طبعا ده أنا روان أم الخدود على سن ورمح يا بابا مش أي حد وخلاص .
فارس وهو يقلدها بسخرية :- أنا روان أم الخدود الملبن يا بابا مش أي حد وخلاص ننننن يا شيخة اتلهي إنتي مفيش فيكي غير الخدود وبس يا روني هانم فهمتي ولا أفهمك .
روان بغيظ وحنق شديدين :- فااااررررس ده أنت أبرد من صاحبك أبو عيون تخوف يا عبيط .
فارس بابتسامة :- خلاص يا روني متزعليش أنا بهزر معاكي ياقلبي يلا أسيبك علشان أكمل شغلي ولما توصلي مكان تجمعنا اتصلي بيا وأنا أفهمك هنعمل إيه علشان نجمعهم تاني مع بعض .
روان بخجل وابتسامة :- ماشي يا أخويا يلا سلام حاضر لما هوصل هكلمك وربنا يستر بقى ونعرف نلم شملهم من جديد ومحدش ييجي يعكنن عليهم حياتهم ويحاول يخربها .
فارس بدعاء وخوف مبهم :- يارب يا روني يارب ربنا يسمع منك ياقلبي ويسترها عليهم ومعانا ونقدر على الجوز دول والاتنين أعند من بعض .
روان بتوديع :- هقفل أنا اوك يلا باي يا فارس وركز ف شغلك أنت بس .
فارس برومانسية :- باي ياقلب فارس من جوا أعماقه من عيوني يا سندريلا .
(مش ناوين يخلصوا ولا إيه دول 🤔🧐 أنا زهقت من المحن ده 🙄🤦)
روان بابتسامة :- سلام يا فارس ولم نفسك .
فارس بضحك :- هههههههههههه حاضر ياقلبي باي .
#أغلق كلاهما المكالمه وترك فارس هاتفه على المكتب وأكمل عمله وعلى ثغره ابتسام جميلة وهو شارد في ملامح روان ...
(يلا نسيبه يشتغل ونروح حتة تانية أحسن من الملل ده)