مصورتي الغبية 🤦📸 مكتملة (تم تعديلها)

الفرح 🥳

(وحشتوني جداً .. وعلشان خاطر أسماء هانم بارت جديد أهو ويارب يعجبكم ويعجبها زي كل مرة)

©©يوم الفرح .. صباحا في منزل آدم الحديدي ...
#كان آدم يقف أمام المرآة وهو يرتدي قميصا أبيض وبنطال قماشي أسود وحذاءه الأسود وكان يمشط شعره الكثيف ثم رش بخات من عطره المفضل لدى حبيبته والتي ستصبح زوجته اليوم مساءا .. انتهى من تجهيز نفسه خرج من غرفته متوجها للطابق السفلي عند والديه وهما يتناولان طعام الافطار ...
آدم بابتسامة صافية :- صباح الخير والعسل والسكر على عيونكم الحلوة عاملين إيه من غيري بقى يلا قولولي مستعدين لفرحي النهاردة .
والد آدم بضحك :- إيه المقدمة الطويلة دي يا آدم باشا هههههههههههههه صباح الفل والورد عليك يا حبيبي أهو يدوب بنفطر وبعدين هنستعد للفرح ومامتك هتروح للعروسة تجهزها هي والبنات كمان هيبقوا هناك وأنت بقى مستعد للحرب إللي أنت داخل عليها مع مراتك .
والدة آدم بابتسامة مبادلة :- صباح الجمال يا قلبي إحنا معملناش حاجة لسه وشوية وهنستعد للفرح وهروح لسهيلة علشان أجهزها بنفسي زي ما كانت مامتها تتمنى تشوفها .
آدم بخفوت :- الله يرحمها والله أنا خايف من المدام المجنونة وعمايلها النهاردة مش ضامنها بصراحة هي ناوية على إيه بالظبط معايا ومن ناحية مستعد فأنا خايف من إللي ف دماغها .
والد آدم بابتسامة :- طب تعالى أقعد جنبي علشان عايز أقولك على شوية نصايح وقواعد هتخليك تعرف تتعامل مع سهيلة براحة وتكسبها من جديد وترجع تحبك تاني والمشاكل متأثرش ف حياتكم لو قابلتكم أي مشكلة .
آدم وهو يجلس على كرسي طاولة الطعام بجانب والده بابتسامة وفضول :- إتفضل يا بابا أنا أهو سامع حضرتك إيه بقى هي النصايح دي .
والد آدم وهو يبدأ حديثه :- بص يا ابني مبدأيا كده سهيلة حب الطفولة دلوقتي بقت مراتك وبينكم عقد جواز يثبت جوازكم تمام هي لسه مش متقبلة كده ولا عايزة تتقبله بسبب عملتك بتاعت زمان وأنا مش عايز أفتح الماضي بس يابني لازم تتعامل معاها بهدوء وبراحة بلاش عصبيتك الزيادة وإنفعالك على أي حاجة حتى لو كانت صغيرة ومش مهمة لأنها حساسة وبتتأثر بسرعة من أقل كلمة أو معاملة معاها بكلمة ممكن تطلعها لسابع سما وبكلمة تانية تنزلها سابع أرض مهما عملت معاك سواء مقالب خناقات حتى المشاكل على أتفه حاجة إتعامل معاها براحة بلاش تتنرفز وتعلي صوتك عليها وتخوفها منك وأنت أكتر واحد فينا عارفها وعارف دماغها وحافظ تصرفاتها و إزاي هي حساسة وبتبكي من كلمة صغيرة خدها بالمسايسة والحنية وهتلاقيها تفتحلك قلبها تاني وتحبك وهي أكتر واحدة بتخاف عليك وأنا عارفها كويس بالراحة وبالهداوة كل حاجة تبقى بينكم تمام وزي الفل فهمت يابني أنتو بعدين هيبقى بينكم أطفال وعيب أوي لما عيالكم يشوفوكم بتتخانقوا وهيكرهوك أنت مش أمهم لأنك هتبقى الغلطان قدامهم حتى لو سهيلة إللي غلطت معاك تمام يابني ولا أشرح تاني .
آدم وهو يومئ بابتسامة :- تمام يا بابا مش محتاج تشرح تاني أو تعيد أنا عارف كويس هتعامل إزاي مع سهيلة ومجهز لكل حاجة ومتقلقش عليها معايا أنا عايزك تقلق عليا منها ومن جنانها .
والدة آدم بضحك :- عندك حق والله يابني أنت يتخاف عليك ههههههههههههههههه هي هتربيك من أول وجديد ومستحلفة بكده ومتفقة عليك مع البنات يا خوفي منها والله .
والد آدم بضحك هو الآخر :- ههههههههههههههههه أه والله سهيلة بنت ب مية راجل يعني هتعلمك الأدب وهتظبطك على الآخر .
آدم بضحكة خفيفة :- عارف إنها قوية ومش سهلة أبدا علشان كده هبدأ معاها من الأول لغاية ما تنسى الماضي وربنا يستر بقى عليا ههههههههههههه أنا خايف تاكلني وأنا نايم جنبها .
والد آدم وهو يربت على يد آدم :- متقلقش سهيلة قلبها أبيض وهتسامحك هي بس بتعاند وتكابر لكن ف الآخر هتقولك إنها بتحبك بس أنت أصبر عليها وخليك هادي معاها .
والدة آدم بإيماءة :- أيوة يا مدحت عندك حق والله سوسو مفيش أحن من قلبها شوية شويه هتلاقيها تتعود عليك وإنك بقيت جزء مهم ف حياتها يعني جوزها زي أبوها وأخوها وأصحابها كمان فهمت وكل حاجة هتبقى تمام متخافش إحنا معاك .
آدم بابتسامة ونهض من مكانه :- أنا عارف ومتأكد إنكم معايا ربنا يديمكم ليا يارب طب همشي أنا بقى أروح الشركة أتطمن على كل حاجة قبل معاد الحفلة علشان إطلاق الألبوم الجديد وطبعا مدام الحديدي الجديدة لازم تكون موجودة لأنها هي إللي صورت صور الغلاف والصحافة هتسأل عنها .
والد آدم بإيماءة :- طيب يا حبيبي روح أنت وربنا معاكم وإحنا هنجهز كل حاجة للفرح .
آدم بابتسامة وهم بالمغادرة :- ماشي يا بابا يلا السلام عليكم يا جماعة .
والد آدم و والدته بنفس واحد :- وعليكم السلام ورحمة الله وبركاته يا حبيبي .
#غادر آدم الڤيلا وركب سيارته واتجه إلى طريق شركته عند فارس ....