مصورتي الغبية 🤦📸 مكتملة (تم تعديلها)

شغف حبك❤️

(هاااي عليكم يا كتاكيت .. رجعت تاني ببارت جديد بناءً على طلب سمكتي الحلوة بيستي العسل ويارب يعجبكم ويعجبها زي كل مرة)

©©في منزل روان ...
#كانت روان تتحدث مع فارس في الهاتف ...
فارس بغيظ :- وبعدين بقى ف صحبتك إللي دماغها صرمة قديمة ومش عايزة تخلي عندها دم وتسامح آدم أنا اتخنقت بقى يووه .
روان بضحك :- ههههههههههه جبت منين كلمة صرمة دي يا فارس يعععع بقيت لوكال أوي ثم متغلطش ف صحبتي يا فارس بليز وإلا هزعلك وأنت حر بقى علشان متلاقيش الموبايل قفل ف وشك الحلو ده دلوقتي اوك .
فارس بحنق :- يا شيخة إتلهي دي تلاقيها بقت شبه الشاويش عطية ومطلعة عينه ودبحتله القطة من أولها وبكرة تقولي فارس قالها .
روان بابتسامة :- ويمكن مقضيين جو حلو مع بعض وإتصالحوا خلاص إتفائل خير يا فارس .
فارس بتذكر :- صحيح يا روني إنتي شوفتي الواد مالك كان بيبص إزاي على شهد تعتقدي كده الحب ولع ف الدرة ولا لسه عايزة حبة زيت .
روان بسخرية :- وأنت كنت مركز بقى معاهم صح ملكش دعوة بينهم يا زفت وخليك ف نفسك .
فارس بابتسامة :- ماشي يا روني اخبارك إنتي إيه دلوقتي مش ناوية تعترفي بقى .
روان بغباء مصطنع :- أعترف بإيه بالظبط أنا معملتش حاجة والله .
فارس بحنق وغيظ :- أيوة أيوة إبتدينا شغل الهبل والغباء إللي على المسا يابت متخلنيش أجيلك البيت دلوقتي وأطلبك من أبوكي .
روان بضحك :- هههههههههههههههههه عارفاك مجنون وتعملها يا فارس باشا بس أنا مش ناوية أعترف ولا أقولك على حاجة أحسن خلينا إخوات .
فارس بحدة خفيفة :- إخوات ف عينك قال إخوات قال إنتي شكلك عايزة تجري شكلي وتخليني أجيلك البيت دلوقتي صح .
روان بابتسامة :- لأ مش بجر شكلك ولا حاجة بس أصبر شويه لما الدنيا تتظبط بين سهيلة وآدم وبعدين نشوف هتتكلم مع بابا إمتى .
فارس بتوسل :- طب إحيات عيالك يا شيخة إرحمي أمي وإتجوزيني بقى وخليني أتلم أنا زهقت وأنا مش لاقي حد يعبرني يعني يرضيكي أفضل سنغل كده لدلوقتي وآدم بقى متجوز .
روان بضحك شديد :- هههههههههههههه والله العظيم مجنون عيال إيه يا أهبل هو أنا إتجوزت علشان يبقى عندي عيال أه يرضيني تبقى سنغل ومحدش معبرك معلش يا بيضة إستحملي شويه ونبقى نتكلم ف الموضوع ده بعدين .
فارس بغيظ :- أنا لو انتحرت دلوقتي ذنبي هيبقى ف رقبتك أنت وهتحول ل ghost وأجيلك لغاية عندك أخد روحك أوووف .
روان بابتسامة :- هتموت كافر يا فارس بسببي إهمد بقى نخليهم يتصالحوا وبعدين تكلم بابا اوك يا فروس وليه تاخد روحي مش حرام عليك .
فارس برومانسية :- يالهوييي أحلى فروس دي ولا إيه ياقلبي أنا مقدرش على النبرة الروهيفة دي يابت الناس إنتي هتخليني أخطفك دلوقتي يعني الله بقى فروس خلاص هيطق ويتجوزك .
روان بضحك وخجل :- ههههههههههههه فارس لمّ نفسك عيب كده بتكسف الله قولتلك مش دلوقتي بعدين بعدين يوووه مجنون والله .
فارس بجدية :- طب بقولك إيه إقفلي دلوقتي لأن آدم معايا على ال waiting هرد عليه أعرف عايز إيه وبعدين أكلمك تاني اوك .
روان باستغراب :- طيب اوك سلام .
#أغلقت روان المكالمة ثم إتصلت برقم صديقتها المجنونة .. أما فارس رد سريعا على مكالمة آدم ...
فارس بسرعة وخوف :- أيوة يا آدم إيه الحكاية قلقتني عليك بتتصل متأخر يعني .
آدم ببكاء :- سهيلة مش عايزة تسامحني يا فارس وأنا تعبت خلاص من المناهدة كل ما أحاول أتفاهم معاها تصدني وتقفلها ف وشي .
فارس بخوف عليه :- طب إهدا وبطل بكى أنت فين دلوقتي وأنا أجيلك يا آدم .
آدم بسخرية :- رايح للموت برجليا عايز تيجي ورايا وتسيب كل إللي بيحبوك لوحدهم .
فارس بعصبية :- آااادم متتهورشش فاااهم بلاااااش جناااااان إرررجع ڤيلتكم بقووول .
آدم وهو يقود سيارته على أعلى سرعة :- لا يا فارس خلاص طالما هي مش قبلاني يبقى الموت عندي أهون من العيشة من غيرها .
فارس بسرعة وغضب :- طب طب أنا أنا هكلمها وهقولها أنت ناوي تعمل إيه وهي هتخاف عليك وكده هتعرف إنها لسه بتحبك مش بتكرهك إسمع مني الله يخليك ومتتهورش أنا هتكلم معاها دلوقتي أنت متعملش حاجة ف نفسك .
آدم ببكاء شديد وانهيار :- بتكرهني أوي يا فارس أنا كسرتها علشان أحميها مش قادر أكسب ثقتها تاني مش عايزة تسمعني دايما تقولي بكرهك يا آدم هي بقت تكرهني أوي وعايزة تتطلق مني .
فارس بفزع وخوف عليه من تهوره :- آااادممم أبوس إيدك بلاش إللي ف دماغك دلوقتي وإرجع على هنا تعالى عندي وأنا هتكلم معاها بس الله يخليك تعالى وإرجع عن إللي ف دماغك .
آدم بسخرية و وجع :- سلام يا فارس ومتبلغش حد باللي عملته و قول ل سهيلة إنها تسامحني على إللي عملته فيها زمان كان غصب عني .
#كاد أن يرد فارس عليه ولكن وجد هاتف آدم قد أُغلق لكنه سمع صوت اصطدام ففزع بشدة ودعى ربه أن يحميه فأمسك هاتفه وفتح تطبيق تحديد المواقع ليجد صديقه المتهور قبل أن يفعل في نفسه شيء ولكن سبق السيف العزل ....