مصورتي الغبية 🤦📸 مكتملة (تم تعديلها)

نهاية سعيدة 🤭

(سلاماااااات يا جمهوري الحبيب .. رجعتلكم ببارت جديد والأخير في رواية مصورتي الغبية وبتمنى إنها تكون عجبتكم وإستمتعتوا بيها .. وشكرا ليكم على كل الكومنتات الحلوة وعلى إنتظاركم ليا)

©©بعد مرور عدة سنوات .. في ڤيلا الحديدي ...
#في الجناح الخاص بآدم وزوجته .. دخل مازن الإبن الوحيد لعز الدين إلى غرفة نوم عمته ليبحث داخلها عن أسيا ابنة عمته لكنه لم يجدها وفجأة وجد من أمسك بأذنه ونظر إليه بغضب مصطنع ...
مازن بخوف ونظر للأرض :- أنا آسف والله بس كنت بدور على أسيا ومش لاقيها علشان زعلتها وبحاول أصالحها وهي رافضة تتصالح معايا .
آدم بابتسامة ورفع وجهه لينظر إليه :- أنا كنت ناوي أتعصب فعلا بس خلاص هعديهالك المرادي وياريت تقولي بقى مزعل بنتي ليه يا شيخ الشباب .
مازن بضيق شديد :- علشان مريهان القردة بنت عمو فارس أخدت الباربي بتاعتها ولما أنا روحت أخدها منها ف هي كسرتها وصرخت بصوت عالي إن أنا إللي عملت كده وأسيا طبعا صدقتها وزعلت مني وأنا مش إللي عملت حاجة أصلا يعني .
آدم بجدية وأجلسه على الفراش :- طب أقعد هنا وأنا هتكلم معاك راجل لراجل ماشي يا مازن باشا .
مازن بنفي :- لأ لأ مش هقعد علشان لو دخلت البنت إللي إسمها مريهان هتخلي أسيا تزعل مني أكتر وأنا مش عايز كده يحصل يا عمو آدم .
آدم برفعة حاجب وغيظ :- متتنيل تقعد ياض أنت أنا ناقص قرفك يعني وبعدين أسيا مش زعلانة منك ولا حاجة وهتلاقيها جاية تصالحك كمان يا أخويا .
مازن ببرود :- مش هتنيل طالما مش مقتنع وبعدين أنا إيش عفرتني ويضمنلي إنها جاية فعلا تتصالح ما يمكن تكون خطة علشان تخلي مريهان تشمت فيا .
آدم بصدمة وغيظ :- نعم نعم ياعوووممرررري تشمت فيك ده إيه إن شاء الله ثم أنت بتكلمني أنا كده من طرف مناخيرك وتحت ضرسك ليه ياض أنت وهو أنا مالي ومالكم أصلا يوووه .
أسيا بغضب وهي تدخل الغرفة عليهم :- أنت بتعمل إيه هنا ف جناح بابي ومامي يا زفت البرك هـاا فاكر نفسك لما تقول قدامهم معملتش حاجة هيصدقوا .
مازن بغضب أيضاً :- بت إنتي أنا ساكتلك عشان إللي إسمو أبوكي غير كده كنت ضربتك دلوقتي قلمين يلا روحي إنزلي للكدابة وخليكي عندها .
آدم بصياح وغضب :- باااااسسس منننككك ليييهاااا وجعتوا دماغي ياااااا سهيلااااااة تعاليييي بسررررعة العياااال دي بيتخانقووااااا .
سهيلة بهلع ووقفت أمامهم :- إيه فيه إيه مالك يا آدم بتزعق ليه والعيال مالهم متنطقوا حصل إيه .
أسيا وهي تختبئ خلف والدتها :- إلحقي يا مامي ده مازن عاوز يضربني علشان بقوله إيه إللي جابك هنا عند بابي وهو إللي كسر باربي بتاعتي .
آدم بغضب :- وآدي دقني إن عرفتي تخليهم يسكتوا أهو آخرة الدلع يا هانم عاجبك كده مش دي التربية بتاعتك إتصرفي بقى علشان أنا إتخنقت خلاص .
سهيلة بغضب أيضا :- وهو أنا إللي ربيتهم لوحدي ولا إيه يا آدم يا حديدي وبتزعق فيا أنا ليه ما تنزل عند مالِك وتخليه يزعق ف بنته الأول .
(هو أنا ليه حاسة إن البارت هيخلص على نهاية نكد مش نهاية سعيدة خالص مالص 😂😈)
مازن بصراخ ووقف بينهم :- عاااااااااااااا باااااسسس منننككك ليييهااااا بتتخانقوا ليه دلوقتي أنتو الاتنين غلطانين وإحنا غلطانين خلاااااص كفااااية خناق إيه العيلة إللي وقعنا فيها دي يارب .
أسيا بغضب طفولي :- ما تسكتوا أنتو الاتنين يوووه وبعدين إحنا متعودين على الخناق وبنتصالح علطول إنما أنتو بتتخانقوا ليه يعني ده إيه الأهالي دي بس ياربي توبة توبة أستغفر الله .
آدم بغيظ :- آدي إللي بيجي من ورا تركيا ومسلسلات تركيا عاجبك كده يا سهيلة هانم حلو كده .
سهيلة ببرود :- والله أنا مليش دعوة ومش أنا المنتج بتاع المسلسلات التركية ياروحي .
مازن بغضب ونظر إليهم :- ما تهمدوا بقى خنقتونا أنا والبونية الغلبانة دي إللي هتعقدوها بسببكم وإنتي يا أسيا هانم البت مريهان هي إللي كسرتلك باربي مش أنا وأنا زعقت فيها علشانك عاوزة تصدقي اوك وإذا مش عايزة إنتي حُرة وكده عملت إللي عليا .
أسيا بابتسامة بريئة :- مصدقاك يا ميزو تعالى نلعب سوا بالكورة بتاعتك ونسيبهم يتخانقوا براحتهم .
آدم بصدمة وإندهاش من تقلب مزاج ابنته :- هو إيه حكايتك بالظبط ومين ميزو ده كمان .
مازن برفعة حاجب وأمسك بيدها :- ميزو ده دلع سو ليا ومحدش ليه دعوة لو سمحتو يعني ويلا نخرج يا قلب وعقل وعين ميزو من جوا يا سوسو .
(حلاوتك يا أبو سوسو😂بنته بتتعاكس عيني عينك عادي خالص .. ربنا يستر ع الراجل ليروح فيها😂)
#خرج الطفلان سويا من الغرفة وتركوا ثنائي يشبهوا البنزين والنار والاثنان على وشك الاشتباك ...