مصورتي الغبية 🤦📸 مكتملة (تم تعديلها)

موت آدم 🥺😭

(وحشتوني جداً يا أحلى متابعين .. رجعت تاني ببارت ولعة المرادي وهيفارقنا حد بتحبوه .. ندخل روايتنا بقى بلاش تنتظروا .. ودي صورة البطل الجديد قادر أضالي)

©©صباح يوم حفلة إطلاق الألبوم الجديد ...
#في أكبر قاعات الحفلات في القاهرة .. كانت سهيلة تتحدث مع مهندس الديكور قبل بداية الحفل .. ثم تركته وذهبت إلى الغرفة الموجود بها زوجها وأصدقائهم يستعدون لأجل الحفل ...
سهيلة وهي تدخل إليهم باستغراب :- إيه ده هو أنتو لسه مخلصتوش أومال فين أبيه عز الدين وآدم فينه الناس إبتدت توصل وتسأل عنه .
فارس بابتسامة :- متقلقيش يا سهيلة آدم بيلبس جوا ف الحمام وعز الدين راح الشركة هيخلص شغل وراجع وإحنا هنا مع آدم وكله ماشي تمام .
سهيلة بخوف وقلق على زوجها :- ربنا يستر بقى أنا قلقانة أوي على آدم يا فارس مش مطمنة من إمبارح كل شوية كوابيس وهو فيها عديها الليلادي على خير يارب وأسترها عليه وعلينا كلنا .
روان وهي تربت على كتف سهيلة :- متخافيش يا لولو خير باذن الله وبعدين هيحصل إيه ف الحفلة والحرس موجود والكل حواليه كله هيعدي وهيمر أنا حاسة بكده اوك يا حبيبتي .
آدم بابتسامة بعد أن أنهى إرتداء بدلته :- إيه ياقلبي مالك أنا جهزت خلاص أهو يلا ننزل بقى وبعدين إيه الحلاوة دي كلها يا لوليتا أنا كده ناوي أموتلك ناس كتير بسبب جمالك ياموزتي .
سهيلة بابتسامة مترددة وقلقة :- تسلملي عيونك يا حبيبي يارب أنت الأحلى والأجمل خلونا ننزل تحت يلا علشان الناس والصحافة بتسأل عنك يا آدم وأنا زهقت من كلمة أهو نازل أهو جاي .
آدم بابتسامة وأمسك بيدها :- طب يلا ننزل سوا اوك وأنتو تعالوا يلا خلونا نولع الحفلة .
أسماء بمرح :- أيوة بقى يا دومة يا جامد ولعها خلينا نكيد ونغيظ الأعادي عايزين بقى حفلة جامدة سيكا الألبوم الجديد فارس دلوقتي هيطق من الفرحة والله والكل مننا مبسوطين جداً علشانك .
مالك وهو يدخل إليهم بسرعة :- أنتو بترغوا والناس على نار تحت متخلص ياعم آدم مكنتش حتة بدلة سوداء بتلبسها إنجز بقى ف ليلتك .
سهيلة وهي تمسك طرف فستانها الأسود :- خلاص يا مالك أدينا نازلين كلنا أهو خد معاك شهد وظبطوا الإضاءة مع المهندس و روان و فارس هيظبطوا الأغاني السنجل إللي هتشتغل قبل أغنية آدم اوك يلا إتحركوا أنتو وإحنا وراكم .
شهد بإيماءة :- ماشي يا سهيلة متقلقيش كل حاجة هتبقى تمام إن شاء الله يلا بينا يا مستر مالك .
مالك بابتسامة :- ماشي يا شهد يلا بينا إحنا ننزل .
#خرج مالك من الغرفة ومعه شهد .. وتبعهم فارس ومعه روان .. وهبط معهم أيضاً سهيلة و آدم و أسماء إلى الأسفل ليستعدوا إلى الحفل ...

©©في مكان آخر قريب من القاعة ...
#كانت تقف دارين ومعها حازم بالقرب من القاعة وعيونهم تنطق بالشر والغضب الشديد ويستعدون لتنفيذ خطتهم وهي قتل سهيلة والتخلص منها أمام أعين آدم .. نظرت دارين بعيونها إلى حازم بمعنى لقد حان الوقت للدخول والتخلص منها فأوما لها ودخلوا إلى القاعة متنكرين في هيئة مُصلّحين أعطال ...